ᱠᱚᱨᱳᱱᱟ ᱵᱷᱟᱭᱨᱟᱥ
ᱠᱚᱨᱳᱱᱟ ᱵᱷᱟᱭᱨᱟᱥ ᱵᱟᱝᱢᱟ ᱠᱚᱨᱚᱱᱟ ᱵᱷᱟᱭᱨᱚᱥ ᱫᱚ ᱱᱤᱫᱩ ᱵᱷᱟᱭᱨᱟᱥ ᱛᱷᱚᱠ ᱨᱮᱱᱟᱜ ᱠᱚᱨᱳᱱᱟᱵᱷᱟᱭᱨᱚᱫᱟ ᱜᱷᱟᱨᱚᱸᱡᱽ ᱨᱮᱱ ᱠᱚᱨᱳᱱᱟᱵᱷᱟᱭᱨᱤᱱᱟ ᱪᱟᱸᱜᱟ-ᱛᱷᱚᱠ (Sub-category) ᱨᱮᱱᱟᱜ ᱢᱤᱫᱴᱮᱱ ᱵᱷᱟᱭᱨᱟᱥ ᱠᱟᱱᱟ ᱠᱚ᱾ ᱱᱚᱣᱟ ᱵᱷᱟᱭᱨᱟᱥ ᱨᱮᱱᱟᱜ ᱡᱤᱱᱳᱢ ᱫᱚ ᱟᱭᱟᱜ ᱟ.ᱮᱱ.ᱮ. (RNA) ᱛᱮ ᱵᱮᱱᱟᱣ ᱟᱠᱟᱱᱟ᱾ ᱱᱚᱣᱟ ᱡᱤᱱᱳᱢ ᱫᱚ ᱒᱖ ᱠᱷᱚᱱ ᱓᱒ ᱠᱤᱞᱳᱵᱮᱥᱮ ᱵᱷᱤᱛᱨᱤᱨᱮ ᱦᱩᱭᱩᱜᱼᱟ ᱡᱟᱸᱦᱟᱸ ᱫᱚ ᱱᱚᱝᱠᱟᱱ ᱵᱷᱟᱭᱨᱟᱥ ᱵᱷᱤᱛᱨᱤᱨᱮ ᱡᱚᱛᱚᱠᱷᱚᱱ ᱞᱟᱹᱴᱩ ᱜᱮᱭᱟ᱾ ᱠᱚᱨᱳᱱᱟ ᱵᱷᱟᱭᱨᱟᱥ ᱟᱹᱲᱟᱹ ᱫᱚ ᱞᱮᱴᱤᱱ ᱠᱚᱨᱳᱱᱟ ᱠᱷᱳᱱ ᱦᱟᱛᱟᱣ ᱦᱩᱭ ᱟᱠᱟᱱᱟ ᱡᱟᱸᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ 'ᱢᱩᱠᱩᱴ' (Crown)᱾ ᱤᱞᱮᱠᱴᱨᱚᱱ ᱚᱱᱩᱵᱤᱠᱠᱷᱚᱱ ᱡᱚᱱᱛᱨᱚ ᱨᱮ ᱱᱚᱣᱟ ᱵᱷᱟᱭᱨᱟᱥ ᱫᱚ ᱢᱩᱠᱩᱴ ᱞᱮᱠᱟ ᱧᱮᱞᱚᱜᱼᱟ᱾ ᱵᱷᱟᱭᱨᱟᱥ ᱪᱮᱛᱟᱱ ᱥᱮᱡ ᱫᱚ ᱯᱨᱳᱴᱤᱱ ᱢᱮᱱᱟᱜᱼᱟ ᱡᱟᱸᱦᱟᱸ ᱫᱚ ᱵᱷᱟᱭᱨᱟᱞ ᱮᱥᱯᱟᱭᱤᱠ ᱯᱮᱯᱞᱳᱢᱟᱨ ᱛᱮ ᱟᱭᱟᱜ ᱵᱷᱤᱛᱨᱤᱭ ᱵᱮᱱᱟᱣᱟ᱾ ᱱᱚᱣᱟ ᱯᱨᱳᱴᱤᱱ ᱫᱚ ᱴᱤᱥᱩᱭ ᱵᱟᱹᱲᱤᱡᱟ᱾ ᱡᱚᱛᱚᱞᱮᱠᱟᱱ ᱠᱚᱨᱳᱱᱟ ᱵᱷᱟᱭᱨᱟᱥ ᱨᱮᱜᱮ ᱮᱥᱯᱟᱭᱤᱠ (ᱮᱥ), ᱮᱱᱵᱷᱮᱞᱚᱯ (ᱤ), ᱢᱮᱢᱵᱽᱨᱮᱱ (ᱮᱢ), ᱟᱨ ᱱᱤᱣᱠᱞᱤᱣᱳᱠᱮᱯᱥᱤᱰ (ᱮᱱ) ᱧᱩᱛᱩᱢᱟᱱ ᱯᱩᱱ ᱞᱮᱠᱟᱱ ᱯᱨᱳᱴᱤᱱ ᱢᱮᱱᱟᱜᱼᱟ᱾
| Orthocoronavirinae | |
|---|---|
 | |
| Electron micrograph of coronavirus virions | |
Virus classification  | |
| (unranked): | Virus |
| Realm: | Riboviria |
| Phylum: | incertae sedis |
| Order: | Nidovirales |
| Family: | Coronaviridae |
| Subfamily: | Orthocoronavirinae |
| Genera | |
| |
| Synonyms | |
| |
ᱱᱟᱜᱟᱢ
ᱠᱚᱨᱳᱱᱟ ᱵᱷᱟᱭᱨᱟᱥ ᱫᱚ ᱑᱙᱖᱐ ᱥᱮᱨᱢᱟ ᱥᱮᱡ ᱯᱟᱹᱦᱤᱞ ᱫᱷᱟᱣ ᱪᱤᱭᱟᱹᱣ ᱟᱠᱟᱱᱟ᱾ ᱯᱟᱹᱦᱤᱞ ᱥᱮᱡ ᱫᱚ ᱥᱤᱢ ᱵᱷᱤᱛᱨᱤᱨᱮ ᱵᱽᱨᱚᱝᱠᱟᱭᱴᱤᱥ ᱵᱷᱟᱭᱨᱟᱥ ᱞᱮᱠᱟᱛᱮ ᱧᱮᱞ ᱧᱟᱢ ᱟᱠᱟᱱᱟ᱾ ᱛᱟᱭᱚᱢᱛᱮ ᱠᱷᱩᱜ ᱢᱟᱸᱫᱟ ᱛᱟᱞᱟᱛᱮ ᱱᱚᱣᱟ ᱵᱷᱟᱭᱨᱟᱥ ᱧᱟᱢ ᱟᱠᱟᱱᱟ᱾ ᱢᱟᱹᱱᱢᱤ ᱛᱟᱞᱟᱨᱮ ᱧᱟᱢ ᱟᱠᱟᱱ ᱵᱟᱨᱮᱭᱟ ᱵᱷᱟᱭᱨᱟᱥ ᱫᱚ ᱦᱩᱭᱩᱜ ᱠᱟᱱᱟ 'ᱢᱟᱹᱱᱢᱤ ᱠᱚᱨᱳᱱᱟ ᱵᱷᱟᱭᱨᱟᱥ ᱒᱒᱙ᱮ' ᱟᱨ 'ᱢᱟᱹᱱᱢᱤ ᱠᱚᱨᱳᱱᱟ ᱵᱷᱟᱭᱨᱟᱥ ᱳᱥᱤ᱔᱓'᱾ ᱱᱤᱭᱟᱹ ᱛᱟᱭᱚᱢ ᱱᱚᱣᱟ ᱵᱷᱟᱭᱨᱟᱥ ᱨᱮᱱᱟᱜ ᱟᱨᱦᱚᱸ ᱯᱨᱚᱡᱟᱹᱛᱤ ᱠᱩ ᱧᱟᱢ ᱟᱠᱟᱱᱟ᱾ ᱒᱐᱐᱓ ᱥᱮᱨᱢᱟ ᱨᱮ 'ᱮᱥᱟᱨᱮᱥ-ᱥᱤ-ᱳ-ᱵᱷᱤ', ᱒᱐᱐᱔ ᱥᱮᱨᱢᱟ ᱨᱮ 'ᱮᱭᱤᱪᱥᱤᱳᱵᱷᱤ ᱮᱱ.ᱮᱞ.᱖᱓', ᱒᱐᱐᱕ ᱥᱮᱨᱢᱟ ᱨᱮ 'ᱮᱭᱤᱪᱠᱮᱹᱤᱣ᱑', ᱒᱐᱑᱒ ᱥᱮᱨᱢᱟ ᱨᱮ 'ᱮᱢ-ᱤ-ᱟᱨ-ᱮᱥ-ᱥᱤᱳᱵᱷᱤ' ᱟᱨ ᱢᱩᱪᱟᱹᱫ ᱫᱷᱟᱹᱣ ᱪᱤᱱ ᱨᱮ 'ᱱᱳᱵᱷᱮᱞ ᱠᱚᱨᱳᱱᱟ ᱵᱷᱟᱭᱨᱟᱥ' ᱧᱟᱢ ᱟᱠᱟᱱᱟ᱾ ᱱᱚᱣᱟᱠᱩ ᱵᱷᱟᱭᱨᱟᱥ ᱛᱟᱞᱟ ᱛᱮ ᱫᱚ ᱡᱟᱹᱥᱛᱤ ᱵᱷᱟᱜᱽ ᱜᱮ ᱥᱟᱸᱦᱮᱫ ᱨᱮᱱᱟᱜ ᱚᱥᱩᱵᱤᱫᱷᱟ ᱦᱩᱭᱩᱜᱼᱟ᱾
᱒᱐᱑᱙ ᱥᱮᱨᱢᱟ ᱨᱮᱱᱟᱜ ᱓᱑ ᱰᱤᱥᱮᱢᱵᱚᱨ ᱪᱤᱱ ᱨᱮᱱᱟᱜ ᱩᱦᱟᱱ ᱥᱚᱦᱚᱨ ᱨᱮ ᱠᱚᱨᱳᱱᱟ ᱵᱷᱟᱭᱨᱟᱥ ᱨᱮᱱᱟᱜ ᱢᱤᱫᱴᱮᱱ ᱯᱨᱚᱡᱟᱛᱤ ᱟᱜ ᱥᱚᱝᱠᱨᱚᱢᱚᱱ ᱧᱮᱞ ᱧᱟᱢ ᱟᱠᱟᱱᱟ᱾ WHO ᱱᱚᱣᱟ ᱵᱷᱟᱭᱨᱟᱥ ᱫᱚ '᱒᱐᱑᱙-ᱮᱱᱥᱤᱳᱵᱷᱤ' ᱧᱩᱛᱩᱢᱮ ᱫᱚᱦᱚ ᱟᱠᱟᱫᱟ᱾ ᱒᱐᱒᱐ ᱥᱮᱨᱢᱟ ᱨᱮᱱᱟᱜ ᱒᱕ ᱡᱟᱱᱩᱣᱟᱨᱤ ᱫᱷᱟᱹᱵᱤᱡ ᱪᱤᱱ ᱥᱟᱶᱛᱮ ᱑᱒ ᱜᱚᱴᱟᱝ ᱮᱴᱟᱜ ᱫᱤᱥᱟᱹᱢ ᱨᱮ ᱱᱚᱣᱟ ᱵᱷᱟᱭᱨᱟᱥ ᱯᱟᱥᱱᱟᱣ ᱟᱨ ᱵᱷᱟᱭᱨᱟᱥ ᱠᱟᱠᱷᱟᱱᱟᱜ ᱛᱮ ᱔᱑ ᱜᱚᱴᱟᱝ ᱢᱟᱹᱱᱢᱤ ᱠᱚ ᱵᱚᱸᱜᱟ ᱛᱟᱞᱟ ᱨᱮᱱᱟᱜ ᱠᱷᱚᱵᱚᱨ ᱧᱟᱢ ᱟᱠᱟᱱᱟ᱾ ᱟᱨᱦᱚᱸ ᱑᱓᱐᱐ ᱞᱮᱠᱟᱱ ᱨᱩᱜᱤ ᱱᱚᱣᱟ ᱵᱷᱟᱭᱨᱟᱥ ᱛᱮᱠᱚ ᱨᱩᱣᱟᱜ ᱠᱟᱱᱟ ᱢᱮᱱᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ᱾ ᱩᱦᱟᱱ ᱥᱚᱦᱚᱨ ᱨᱮ ᱧᱟᱢ ᱟᱠᱟᱱ ᱵᱷᱟᱭᱨᱟᱥ ᱥᱟᱶᱛᱮ 'ᱮᱥᱟᱨᱮᱥ-ᱥᱤ.ᱳ.ᱵᱷᱤ' ᱵᱷᱟᱭᱨᱟᱥ ᱯᱨᱚᱡᱟᱛᱤ ᱨᱮᱱᱟᱜ ᱗᱐% ᱡᱤᱱᱜᱚᱛᱚ ᱢᱤᱞ ᱧᱟᱢ ᱟᱠᱟᱱᱟ᱾ ᱟᱭᱢᱟ ᱦᱚᱲᱟᱜ ᱟᱱᱫᱟᱡᱽ ᱞᱮᱠᱟᱛᱮ ᱵᱤᱧ ᱠᱷᱚᱱ ᱱᱚᱣᱟ ᱯᱨᱚᱡᱟᱛᱤ ᱨᱮᱱᱟᱜ ᱵᱷᱟᱭᱨᱟᱥ ᱦᱮᱡ ᱟᱠᱟᱱᱟ ᱟᱨᱦᱚᱸ ᱠᱤᱪᱷᱩᱜᱟᱱ ᱠᱷᱚᱸᱫᱽᱨᱚᱝᱠᱩ ᱫᱚ ᱮᱴᱟᱜ ᱡᱟᱸᱦᱟᱸᱱᱟᱜ ᱠᱷᱚᱱ ᱦᱮᱡ ᱟᱠᱟᱱᱟ ᱢᱮᱱᱛᱮ ᱠᱩ ᱞᱟᱹᱭ ᱟᱠᱟᱫᱟ᱾
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱠᱚᱨᱳᱱᱟ ᱵᱷᱟᱭᱨᱟᱥ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.