ᱥᱩᱱᱫᱚᱨ ᱯᱤᱪᱟᱭ
ᱯᱤᱪᱟᱭ ᱥᱩᱱᱫᱚᱨᱨᱟᱡᱚᱱ (ᱡᱟᱱᱟᱢ ᱑᱒ ᱡᱩᱞᱟᱭ ᱑᱙᱗᱒) ᱱᱤᱛᱚᱜᱤᱡ ᱜᱩᱜᱚᱞ ᱠᱚᱢᱯᱟᱹᱱᱤ ᱨᱤᱱᱤᱡ ᱥᱤ.ᱤ.ᱳ ᱾ ᱜᱩᱜᱳᱞ ᱠᱩᱢᱯᱟᱹᱱᱤ ᱫᱚ ᱤᱱᱴᱚᱨᱱᱮᱴ ᱥᱟᱶ ᱥᱟᱹᱜᱟᱹᱭᱟᱱ ᱠᱟᱹᱢᱤ ᱠᱟᱱᱟ ᱟᱨ ᱥᱮᱸᱫᱽᱨᱟ (ᱯᱟᱱᱛᱮ) ᱭᱟᱜ ᱢᱤᱫ ᱤᱸᱡᱤᱱ ᱠᱟᱱᱟ ᱾ ᱡᱟᱦᱟᱸᱭ ᱫᱚ ᱒᱐᱑᱕ ᱥᱟᱞᱮᱨᱮ ᱟᱞᱯᱷᱟᱴ ᱤᱱᱥ ᱠᱩᱢᱯᱟᱹᱱᱤ ᱥᱟᱶ ᱢᱮᱥᱟ ᱠᱟᱛᱮ ᱜᱩᱜᱳᱞ ᱨᱤᱱᱤᱡ ᱢᱩᱬᱩᱛ ᱞᱟᱨᱤ ᱯᱮᱡᱽ ᱟᱨ ᱥᱚᱨᱡᱤ ᱵᱨᱮᱱ ᱫᱚ ᱯᱟᱨᱥᱮᱛ ᱟᱨ ᱥᱩᱱᱫᱚᱨ ᱯᱤᱪᱟᱭ ᱡᱟᱦᱟᱸᱭ ᱫᱚ ᱯᱨᱚᱰᱚᱠᱴ ᱤᱸᱡᱤᱱᱤᱭᱟᱹᱨ ᱮ ᱛᱟᱦᱮᱸ ᱩᱱ ᱡᱚᱠᱷᱟᱜ ᱫᱚ ᱾ ᱚᱱᱟ ᱛᱟᱭᱚᱢ ᱱᱤᱛᱚᱜ ᱫᱚ ᱜᱩᱜᱳᱞ ᱨᱤᱱᱤᱡ ᱥᱤ.ᱤ.ᱳ ᱞᱮᱠᱟᱛᱮ ᱢᱮᱱᱟᱭᱟ ᱡᱟᱦᱟᱸ ᱫᱚ ᱢᱤᱫ ᱢᱟᱨᱟᱝ ᱠᱚᱢᱯᱟᱹᱱᱤ ᱟᱞᱯᱷᱟᱵᱮᱴ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱾ ᱯᱤᱪᱟᱭ ᱫᱚ ᱒᱐᱐᱔ ᱥᱟᱞᱮ ᱨᱮ ᱜᱩᱜᱳᱞ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱟᱨ ᱯᱨᱚᱰᱚᱠᱴ ᱪᱟᱞᱚᱛᱤᱭᱟᱹ (product manager) ᱞᱮᱠᱟᱛᱮᱭ ᱠᱟᱹᱢᱤ ᱠᱟᱱᱟ ᱾ ᱟᱡᱟᱜ ᱠᱩᱨᱩᱢᱩᱴᱩ ᱛᱮ ᱜᱩᱜᱳᱞ ᱠᱚᱱ ᱟᱨ ᱠᱚᱢ ᱚᱥ ᱡᱟᱦᱟᱸ ᱫᱚ ᱟᱹᱰᱤ ᱥᱩᱜᱩᱲ ᱪᱟᱹᱞᱩᱜ ᱠᱟᱱᱟ ᱾ ᱚᱱᱟ ᱥᱟᱶᱛᱮ ᱡᱤᱢᱮᱞ ᱟᱨ ᱜᱩᱜᱳᱞ ᱰᱚᱠ ᱨᱮᱦᱸ ᱟᱡᱟᱜ ᱟᱹᱰᱤ ᱢᱟᱨᱟᱝ ᱮᱱᱮᱢ ᱢᱮᱱᱟᱜ-ᱟ ᱾
.jpg)
ᱮᱛᱚᱦᱚᱵ ᱡᱤᱭᱚᱱ
ᱯᱤᱪᱟᱭ ᱥᱩᱱᱫᱚᱨᱨᱟᱡᱚᱱ ᱫᱚ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱨᱮᱱᱟᱜ ᱪᱮᱱᱱᱟᱭ ᱥᱟᱦᱟᱨ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡ ᱟᱯᱟᱛ ᱨᱚᱜᱷᱩᱱᱟᱛᱷ ᱯᱤᱪᱟᱭ ᱢᱤᱫ ᱤᱞᱮᱠᱴᱨᱤᱠᱟᱞ ᱤᱸᱡᱤᱱᱤᱭᱟᱹᱨ ᱞᱮᱠᱟᱛᱮ British conglomerate GEC ᱨᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱟᱨ ᱮᱸᱜᱟᱛ ᱫᱚ ᱩᱫᱩᱜᱪᱤᱱ ᱚᱱᱚᱞᱤᱭᱟᱹ ᱠᱤᱱ ᱛᱟᱦᱮᱸ ᱠᱟᱱᱟ ᱟᱨ ᱟᱡᱤᱡ ᱟᱨ ᱢᱤᱫ ᱵᱚᱭᱦᱟᱭ ᱛᱟᱦᱮᱸ ᱠᱟᱱᱟ ᱾ ᱥᱩᱱᱫᱚᱨᱨᱟᱡᱚᱱ ᱫᱚ ᱟᱡᱟᱜ ᱟᱥᱲᱟ ᱥᱮᱪᱮᱫ Padma Seshadri Bala Bhavan ᱟᱨ ᱚᱱᱟ ᱛᱟᱭᱚᱢ Indian Institute of Technology in Kharagpur ᱨᱮ ᱧᱩᱛᱩᱢ ᱚᱞ ᱞᱟᱹᱜᱤᱫ ᱫᱟᱣ ᱮ ᱧᱟᱢ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱᱟᱜ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱠᱟᱱᱟ ᱾ ᱩᱱᱤ ᱫᱚ ᱟᱡᱟᱜ B.Tech in Metallurgical ᱤᱸᱡᱤᱱᱤᱭᱟᱹᱨ ᱯᱩᱨᱟᱹᱣ ᱠᱟᱛᱮ ᱾ ᱚᱱᱟ ᱛᱟᱭᱚᱢ M.S in physics Stanford University ᱨᱮ ᱥᱮᱪᱮᱫᱚᱜ ᱞᱟᱹᱜᱤᱫ ᱫᱟᱣ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱟᱨ ᱟᱨ ᱚᱸᱰᱮ ᱠᱷᱚᱱ ᱥᱚᱱᱮᱨ ᱮ ᱥᱤᱫ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ Silicon Valley semiconductor maker ᱠᱚᱢᱯᱟᱹᱱᱤ ᱨᱮ ᱤᱸᱡᱤᱱᱩᱭᱟᱹᱨ ᱞᱮᱠᱟᱛᱮ ᱠᱟᱹᱢᱤ ᱮᱦᱚᱵ ᱞᱮᱫᱟ ᱾ ᱚᱱᱟ ᱛᱟᱭᱚᱢ Wharton School of the University of Pennsylvania ᱠᱷᱚᱱ ᱟᱡᱟᱜ MBA ᱥᱤᱫ ᱞᱮᱫ ᱛᱟᱦᱮᱸᱫ ᱒᱐᱐᱒ ᱥᱟᱞᱮ ᱨᱮ ᱾ ᱚᱱᱟ ᱛᱟᱭᱚᱢ McKinsey & Company ᱨᱮ MANAGEMENT CONSULTAN ᱞᱮᱠᱟᱛᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱒᱐᱐᱔ ᱥᱟᱞᱮ ᱨᱮ ᱜᱩᱜᱳᱞ ᱠᱚᱢᱯᱟᱹᱱᱤ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱟᱨ ᱱᱤᱛᱚᱜ ᱡᱚᱛᱚ ᱠᱷᱚᱱ ᱩᱥᱩᱞ ᱛᱷᱚᱠ ᱠᱟᱹᱢᱤᱭᱟᱹ ᱞᱮᱠᱟᱛᱮ ᱢᱮᱱᱟᱭᱟ ᱾
ᱜᱩᱜᱳᱞ
ᱯᱤᱪᱟᱭ ᱒᱐᱐᱔ ᱥᱟᱞᱮ ᱨᱮ ᱜᱩᱜᱳᱞ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾ ᱡᱟᱦᱟᱸᱨᱮ ᱟᱡ Product Management & innovation ᱴᱷᱟᱶ ᱨᱮ ᱛᱷᱚᱠ ᱨᱮ ᱠᱟᱹᱢᱤᱭᱮᱫ ᱛᱟᱦᱮᱸᱫ, ᱡᱟᱦᱟᱸ ᱠᱷᱚᱱ ᱜᱩᱜᱳᱞ ᱠᱨᱚᱢ ᱟᱨ ᱠᱨᱚᱢ ᱚᱯᱮᱨᱮᱴᱤᱝ ᱥᱤᱥᱴᱚᱢ ᱨᱮ ᱟᱡᱟᱜ ᱟᱹᱰᱤ ᱢᱟᱨᱟᱝ ᱮᱱᱮᱢ ᱢᱮᱱᱟᱜ-ᱟ ᱾ ᱚᱱᱟ ᱥᱟᱶᱛᱮ ᱜᱩᱜᱳᱞ ᱰᱨᱟᱭᱤᱵᱽ ᱨᱮ ᱦᱚᱸ ᱟᱡᱟᱜ ᱮᱱᱮᱢ ᱛᱟᱦᱮᱸ ᱠᱟᱱᱟ ᱾ ᱑᱙ ᱱᱚᱵᱷᱮᱢᱵᱚᱨ ᱒᱐᱐᱙ ᱥᱟᱞᱮ ᱨᱮ ᱠᱨᱚᱢ ᱚᱯᱮᱨᱮᱴᱤᱧ ᱥᱤᱥᱴᱚᱢ ᱟᱨ ᱠᱨᱚᱢ ᱵᱩᱠ ᱵᱟᱵᱚᱫᱽ ᱛᱮ ᱫᱷᱟᱹᱨᱛᱤ ᱢᱟᱱᱣᱟ ᱠᱚᱭ ᱵᱟᱰᱟᱭ ᱚᱪᱚ ᱞᱮᱫ ᱠᱚ ᱛᱟᱦᱮᱸᱫ ᱾ ᱑᱓ ᱢᱟᱨᱪ ᱒᱐᱑᱓ ᱥᱟᱞᱮᱨᱮ ᱟᱡᱟᱜ ᱠᱟᱹᱢᱤᱭᱟᱹ ᱡᱤᱭᱚᱱ ᱨᱮ ᱜᱮ ᱟᱱᱰᱨᱚᱭᱮᱰ ᱦᱮᱡ ᱞᱮᱱ ᱛᱟᱦᱮᱸᱫ ᱾ ᱑᱐ ᱚᱜᱚᱥᱴ ᱒᱐᱑᱕ ᱥᱟᱞᱮᱨᱮ ᱟᱡ ᱫᱚ ᱜᱩᱜᱚᱞ ᱨᱤᱱᱤᱡ ᱥᱤ.ᱤ.ᱳ ᱞᱮᱠᱟᱛᱮ ᱠᱟᱹᱢᱤᱭ ᱛᱚᱨᱟᱣ ᱟᱹᱜᱩᱭᱮᱜ-ᱟ ᱾
ᱜᱷᱟᱨᱚᱡᱽ
ᱥᱩᱱᱫᱚᱨ ᱯᱤᱪᱟᱭᱟᱜ ᱫᱚ ᱟᱧᱡᱽᱞᱤ ᱦᱚᱨᱤᱭᱟᱬᱤ ᱵᱟᱯᱞᱟ ᱦᱩᱭ ᱟᱠᱟᱱᱟ, ᱡᱟᱦᱟᱸᱭ ᱫᱚ ᱟᱡᱤᱡ ᱚᱞᱚᱜ ᱜᱟᱛᱮᱭ ᱛᱟᱦᱮᱸ ᱠᱟᱱᱟ ᱟᱨ IIT Kharagpur ᱨᱮ ᱡᱟᱜ ᱜᱩᱱᱩᱱ ᱥᱟᱬᱮᱥ ᱨᱮ ᱯᱟᱲᱦᱟᱣᱜ ᱠᱟᱱ ᱛᱟᱦᱮᱸᱫ ᱾ ᱟᱹᱠᱤᱱ ᱨᱤᱱ ᱫᱚ ᱵᱟᱨᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ ᱾
ᱵᱟᱨᱦᱮ ᱡᱚᱱᱚᱲ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱥᱩᱱᱫᱚᱨ ᱯᱤᱪᱟᱭ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- ᱴᱣᱤᱴᱚᱨ ᱨᱮ ᱥᱩᱱᱫᱚᱨ ᱯᱤᱪᱟᱭ
- "Sundar Pichai's rise to fame in 90 seconds", Tech Gurus, The Daily Telegraph
This article uses material from the Wikipedia ᱥᱟᱱᱛᱟᱲᱤ article ᱥᱩᱱᱫᱚᱨ ᱯᱤᱪᱟᱭ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.