ᱡᱚᱦᱟᱨ ᱫᱚ ᱥᱟᱱᱛᱟᱲ ᱥᱟᱶᱛᱮ ᱟᱨᱦᱚᱸ ᱮᱴᱟᱜ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱚᱣᱟᱜ ᱢᱤᱫᱴᱟᱹᱝ ᱢᱟᱨᱟᱝ ᱟᱹᱨᱤᱪᱟᱹᱞᱤ ᱠᱟᱱᱟ᱾ ᱡᱟᱦᱟᱸᱭ ᱥᱟᱶᱛᱮ ᱧᱟᱯᱟᱢ ᱡᱷᱚᱜ ᱡᱚᱦᱟᱨ ᱠᱟᱛᱮ ᱜᱮ ᱯᱩᱭᱞᱩ ᱨᱮᱠᱚ ᱨᱚᱲᱟ᱾ ᱡᱮᱞᱮᱠᱟ ᱦᱤᱱᱫᱩ ᱫᱷᱚᱨᱚᱢ ᱨᱮᱭᱟᱜ ᱨᱟᱭ ᱞᱮᱠᱟ ᱛᱮᱫᱚ ᱦᱩᱰᱤᱧ ᱦᱚᱲ ᱫᱚ ᱞᱮᱛᱟᱲ ᱜᱮ ᱥᱮᱬᱟ ᱦᱚᱲ ᱠᱚ ᱡᱚᱦᱟᱨ ᱟᱠᱚᱣᱟ, ᱢᱮᱱᱮᱠ ᱯᱮᱲᱟ ᱚᱲᱟᱜ ᱮᱢ ᱥᱮᱱᱚᱜ ᱨᱮᱦᱚᱸ ᱟᱢᱮᱢ ᱦᱩᱰᱤᱧ ᱠᱷᱟᱱ ᱟᱢ ᱜᱮ ᱡᱚᱦᱟᱨ ᱟᱠᱚ ᱢᱮ, ᱟᱠᱚ ᱫᱚ ᱵᱟᱠᱚ ᱡᱚᱦᱟᱨ ᱟᱢᱟ᱾ ᱤᱠᱷᱟᱹᱱ ᱥᱟᱱᱛᱟᱲᱟᱜ ᱟᱹᱨᱤ ᱪᱟᱹᱞᱤ ᱞᱮᱠᱟ ᱛᱮ ᱡᱚᱦᱟᱨ ᱫᱚ ᱯᱮ ᱞᱮᱠᱟᱱᱟ᱾ ᱦᱩᱰᱤᱧ ᱦᱚᱲ ᱥᱮᱬᱟ ᱦᱚᱲ ᱛᱩᱞᱩᱡ ᱡᱚᱦᱟᱨ ᱵᱷᱮᱜᱟᱨᱟ, ᱥᱮᱬᱟ ᱦᱚᱲ ᱦᱩᱰᱤᱧ ᱦᱚᱲ ᱛᱩᱞᱩᱡ ᱡᱚᱦᱟᱨ ᱵᱷᱮᱜᱟᱨᱟ ᱟᱨ ᱥᱚᱢᱟᱱ ᱩᱢᱮᱨ ᱠᱤᱱᱟᱜ ᱡᱚᱦᱟᱨ ᱵᱷᱮᱜᱟᱨᱟ᱾ ᱦᱩᱰᱤᱧ ᱦᱚᱲ ᱥᱮᱬᱟ ᱠᱚ ᱛᱩᱞᱩᱡ ᱡᱚᱦᱟᱨ ᱫᱚ ᱢᱟᱹᱱ ᱡᱚᱦᱟᱨ, ᱥᱮᱬᱟ ᱦᱚᱲ ᱦᱩᱰᱤᱧ ᱠᱚ ᱛᱩᱞᱩᱡ ᱡᱚᱦᱟᱨ ᱫᱚ ᱛᱷᱩᱢ ᱡᱚᱦᱟᱨ ᱟᱨ ᱥᱚᱢᱟᱱ ᱩᱢᱮᱨ ᱠᱤᱱᱟᱜ ᱡᱚᱦᱟᱨ ᱫᱚ ᱨᱚᱯᱚᱜ ᱡᱚᱦᱟᱨ ᱵᱚ ᱢᱮᱛᱟᱜᱼᱟ᱾
ᱢᱟᱹᱱ ᱡᱚᱦᱟᱨ ᱫᱚ ᱦᱩᱰᱤᱧ ᱦᱚᱲ ᱥᱮᱬᱟ ᱠᱚ ᱛᱩᱞᱩᱡ ᱠᱚ ᱡᱚᱦᱟᱨᱟ᱾
ᱛᱷᱩᱢ ᱡᱚᱦᱟᱨ ᱫᱚ ᱥᱮᱬᱟ ᱦᱚᱲ ᱦᱩᱰᱤᱧ ᱠᱚ ᱛᱩᱞᱩᱡ ᱠᱚ ᱡᱚᱦᱟᱨᱟ᱾
ᱨᱚᱯᱚᱜ ᱡᱚᱦᱟᱨ ᱫᱚ ᱥᱚᱢᱟᱱ ᱩᱢᱮᱨᱟᱱ ᱠᱤᱱ ᱠᱤᱱ ᱡᱚᱯᱚᱦᱟᱨᱟ᱾
ᱱᱚᱶᱟ ᱡᱚᱦᱟᱨ ᱫᱚ ᱦᱟᱱᱟ ᱠᱚ ᱡᱚᱦᱟᱨ ᱠᱷᱚᱱᱟᱜ ᱵᱷᱮᱜᱟᱨ ᱜᱮᱭᱟ᱾ ᱱᱚᱶᱟ ᱡᱚᱦᱟᱨ ᱛᱮᱫᱚ ᱵᱟᱞᱟᱭᱟ ᱠᱚ ᱡᱚᱯᱚᱦᱟᱨᱟ᱾ ᱱᱚᱶᱟ ᱦᱚᱸ ᱵᱟᱨ ᱞᱮᱠᱟᱱᱟᱜ ᱢᱮᱱᱟᱜᱼᱟ᱾ ᱠᱚᱲᱟ ᱵᱟᱞᱟᱭᱟ ᱵᱷᱮᱜᱟᱨ ᱟᱨ ᱠᱩᱲᱤ ᱵᱟᱞᱟᱭᱟ ᱵᱷᱮᱜᱟᱨ ᱠᱚ ᱡᱚᱯᱚᱦᱟᱨᱟ᱾
ᱵᱟᱞᱟᱭᱟ ᱡᱚᱦᱟᱨ ᱫᱚ ᱠᱚᱲᱟᱢ ᱨᱚᱯᱚᱜ ᱡᱚᱦᱟᱨ ᱠᱚ ᱢᱮᱛᱟᱜᱼᱟ᱾ ᱱᱚᱣᱟ ᱨᱮᱫᱚ ᱵᱟᱞᱟᱭᱟ ᱛᱤᱼᱛᱤ ᱥᱟᱯᱟᱵ ᱠᱟᱛᱮ ᱞᱮᱸᱜᱟ ᱛᱤ ᱡᱚᱡᱚᱢ ᱛᱤ ᱛᱩᱞ ᱟᱛᱮ ᱯᱮ ᱫᱷᱟᱣ ᱠᱚᱲᱟᱢ ᱠᱤᱱ ᱨᱚᱯᱚᱜᱟ᱾
ᱱᱮᱛᱟᱨ ᱨᱮᱭᱟᱜ ᱰᱤᱡᱤᱴᱟᱞ ᱡᱩᱜᱽ ᱨᱮ ᱤᱢᱚᱡᱤ ᱨᱮᱭᱟᱜ ᱟᱹᱰᱤ ᱢᱚᱦᱚᱛ ᱢᱮᱱᱟᱜᱼᱟ ᱾ 🙏 ᱤᱢᱚᱡᱤ, ᱡᱟᱦᱟᱸᱭ ᱨᱮ ᱵᱟᱨᱭᱟ ᱛᱤ ᱵᱷᱤᱲᱟᱹᱣ ᱠᱟᱛᱮ ᱜᱚᱲ ᱠᱚᱣᱟ ᱠᱚ ᱾ ᱚᱱᱟ ᱤᱢᱚᱡᱤ ᱫᱚ ᱥᱟᱱᱛᱟᱲᱤ ᱛᱮ ᱡᱚᱦᱟᱨ ᱠᱚ ᱢᱮᱛᱟᱜᱼᱟ ᱾
This article uses material from the Wikipedia ᱥᱟᱱᱛᱟᱲᱤ article ᱡᱚᱦᱟᱨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.