ᱞᱮᱰᱤ ᱜᱟᱜᱟ
ᱥᱴᱮᱯᱷᱟᱱᱤ ᱡᱳᱣᱟᱱᱤ ᱟᱧᱡᱮᱞᱤᱱᱟ ᱡᱚᱨᱢᱟᱱᱚᱴᱟ (ᱡᱟᱱᱟᱢᱺ᱒᱘ ᱢᱟᱨᱪ ᱑᱙᱘᱖) ᱡᱟᱦᱟᱸᱭ ᱫᱚ ᱞᱮᱰᱤ ᱜᱟᱜᱟ ᱢᱮᱱᱛᱮᱫᱤᱥᱚᱢ ᱨᱮ ᱠᱚ ᱵᱟᱰᱟᱭᱮ ᱠᱟᱱᱟ ᱾ᱩᱱᱤᱫᱚ ᱧᱩᱛᱩᱢᱟᱱ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ, ᱥᱮᱨᱮᱧ ᱚᱱᱚᱞᱤᱭᱟᱹ, ᱠᱷᱮᱞᱚᱸᱰᱤᱭᱟᱹ ᱟᱨ ᱯᱨᱚᱰᱩᱥᱚᱨ ᱠᱟᱱᱟᱭ ᱾ ᱩᱱᱤ ᱫᱚ ᱟᱡᱟᱜ ᱵᱤᱱ ᱵᱚᱱᱚᱫᱚᱞ ᱟᱨ ᱩᱛᱩᱨᱜᱩᱢ ᱠᱟᱹᱢᱤ ᱞᱟᱹᱜᱤᱫ ᱛᱮ ᱟᱹᱰᱤ ᱫᱚᱭ ᱧᱩᱢᱩᱜ ᱠᱟᱱᱟ ᱾ ᱜᱟᱜᱟ ᱫᱚ ᱟᱡᱟᱜ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱡᱤᱭᱚᱱ ᱟᱥᱲᱟ ᱵᱭᱟᱸᱰ ᱟᱨ ᱟᱭᱢᱟ ᱨᱟᱲᱟ ᱨᱚᱝ ᱢᱟᱸᱰᱣᱟ ᱫᱟᱨᱟᱭ ᱛᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱢᱤᱫ ᱧᱩᱛᱩᱢᱟᱱ ᱯᱨᱚᱯᱷᱮᱥᱚᱱᱟᱞ ᱥᱮᱱᱮᱨᱮᱧᱤᱭᱟᱹ ᱦᱩᱭᱩᱜ ᱞᱟᱦᱟ ᱨᱮ ᱱᱤᱣᱭᱚᱨᱠ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱛᱟᱹᱨᱤ ᱨᱮ ᱢᱮᱱᱟᱜ ᱛᱤᱥᱪ ᱥᱠᱩᱞ ᱚᱯᱷ ᱟᱨᱴᱥ ᱨᱮ ᱯᱟᱲᱦᱟᱣᱜ ᱠᱟᱱ ᱛᱟᱦᱮᱸᱫ ᱾ ᱰᱮᱯᱷ ᱡᱟᱢ ᱨᱮᱠᱚᱰᱤᱝᱥ ᱟᱡᱟᱜ ᱮᱜᱨᱤᱢᱮᱸᱴ ᱛᱚᱯᱟᱜ ᱠᱮᱫ ᱛᱟᱭᱚᱢ ᱜᱟᱜᱟ ᱫᱚ ᱢᱤᱫ ᱥᱮᱨᱮᱧ ᱚᱱᱚᱞᱤᱭᱟᱹ ᱞᱮᱠᱟᱛᱮ ᱥᱚᱱᱤᱮ ᱴᱤᱵᱷᱤ ᱢᱤᱣᱡᱤᱠ ᱞᱟᱹᱜᱤᱫ ᱥᱮᱨᱮᱧ ᱚᱞ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱒᱐᱐᱗ ᱥᱟᱞᱮ ᱨᱮ ᱟᱠᱳᱱ ᱥᱟᱶ ᱢᱮᱥᱟ ᱠᱟᱛᱮ ᱤᱱᱴᱚᱨᱥᱠᱚᱯ ᱨᱮᱠᱚᱨᱰᱥ ᱟᱨ ᱠᱳᱱᱞᱟᱭᱤᱵᱽ ᱰᱤᱥᱴᱨᱤᱵᱩᱥᱚᱱ ᱞᱟᱹᱜᱤᱫ ᱥᱮᱨᱮᱧ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱚᱱᱟ ᱥᱮᱨᱢᱟ ᱜᱮ ᱟᱡᱟᱜ ᱮᱛᱚᱦᱚᱵ ᱟᱞᱵᱚᱢ ᱮ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱯᱩᱭᱞᱩ ᱟᱞᱵᱚᱢ ᱨᱮ ᱰᱟᱱᱥ ᱯᱚᱯ ᱟᱨ ᱮᱞᱮᱠᱴᱨᱚ ᱯᱚᱯ ᱛᱟᱦᱮᱸ ᱠᱟᱱᱟ ᱾ᱱᱚᱶᱟ ᱛᱟᱭᱚᱢ ᱟᱡᱟᱜ ᱟᱭᱢᱟ ᱟᱞᱵᱚᱢ ᱡᱚᱣᱟᱝ ᱵᱮᱯᱟᱨ ᱦᱩᱭ ᱞᱮᱱ ᱛᱟᱦᱮᱸᱫ ᱾
| ᱞᱮᱰᱤ ᱜᱟᱜᱟ | |
|---|---|
.jpg) ᱒᱐᱑᱗ ᱱᱚᱵᱷᱮᱢᱵᱚᱨ ᱨᱮ ᱫᱤᱥᱚᱢᱫᱟᱬᱟᱱ ᱚᱠᱛᱚᱨᱮ ᱜᱟᱜᱟ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱢᱟᱨᱪ ᱒᱘, ᱑᱙᱘᱖ ᱱᱤᱣ ᱭᱚᱨᱠ, ᱡᱩᱢᱤᱫᱽ ᱫᱤᱥᱚᱢ ᱟᱢᱮᱨᱤᱠᱟ |
| ᱠᱟᱹᱢᱤ |
|
| ᱠᱟᱹᱢᱤ ᱚᱠᱛᱚ | ᱒᱐᱐᱑ - ᱱᱤᱛᱦᱟᱹᱵᱤᱡ |
| ᱣᱮᱵᱽᱥᱟᱭᱤᱴ | ladygaga |
ᱜᱟᱜᱟ ᱟᱜ ᱫᱚᱥᱟᱨ ᱢᱟᱨᱟᱝ ᱟᱞᱵᱚᱢ ᱵᱚᱨᱱᱫᱤᱥ ᱣᱮ ᱒᱐᱑᱑ ᱥᱟᱞᱮ ᱨᱮ ᱨᱚᱠ ᱟᱨ ᱴᱮᱠᱱᱚ ᱦᱚᱨᱟ ᱛᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱯᱩᱭᱞᱩ ᱦᱟᱯᱛᱟ ᱨᱮᱜᱮ ᱱᱚᱶᱟ ᱟᱞᱵᱚᱢ ᱑᱐ ᱞᱟᱠᱷ ᱠᱷᱚᱱ ᱵᱟᱹᱲᱛᱤ ᱦᱚᱲ ᱠᱤᱨᱤᱧ ᱞᱮᱫ ᱛᱟᱦᱮᱸᱫ ᱱᱚᱶᱟ ᱟᱞᱵᱚᱢ ᱨᱮᱱᱟᱜ ᱢᱩᱬ ᱥᱮᱨᱮᱧᱫᱚᱟᱭᱤᱴᱩᱱ ᱥᱴᱚᱨ ᱠᱷᱚᱱ ᱢᱤᱫ ᱦᱟᱯᱛᱟ ᱠᱷᱚᱱ ᱠᱚᱢᱚᱠᱛᱚ ᱨᱮᱜᱮ ᱑᱐ ᱞᱟᱠᱷ ᱠᱷᱚᱱ ᱵᱟᱹᱲᱛᱤ ᱫᱷᱟᱣ ᱟᱹᱛᱩᱨᱟᱬᱜᱚ(download) ᱞᱮᱱ ᱛᱟᱦᱮᱸᱫ ᱱᱚᱶᱟ ᱛᱟᱭᱚᱢ ᱟᱡᱟᱜ ᱛᱮᱥᱟᱨᱟᱞᱵᱚᱢ ᱡᱩᱢᱤᱫᱽ ᱫᱤᱥᱚᱢ ᱟᱢᱮᱨᱤᱠᱟ ᱨᱮ ᱟᱹᱰᱤ ᱡᱩᱨ ᱵᱮᱯᱟᱨᱮᱱ ᱥᱟᱶᱛᱮ ᱟᱹᱰᱤ ᱦᱚᱲᱟᱜᱢᱚᱱᱮ ᱠᱤᱨᱤᱧ ᱞᱮᱫ ᱛᱟᱦᱮᱸᱫ ᱟᱨ ᱱᱟᱜᱟᱢ ᱮ ᱚᱞ ᱞᱮᱫ ᱛᱟᱦᱮᱸᱫ ᱾ ᱒᱐᱑᱕ ᱥᱟᱞᱮ ᱨᱮ ᱜᱟᱜᱟ ᱟᱢᱮᱨᱤᱠᱟ ᱨᱮᱱᱟᱜ ᱢᱤᱫ ᱥᱟᱺᱜᱤᱧ ᱧᱮᱱᱮᱞᱚᱢ ᱨᱮᱱᱟᱜ ᱢᱤᱫ ᱛᱤᱨᱭᱟᱹᱣᱟᱹᱱ (TV serial) ᱨᱮ ᱠᱷᱮᱞᱚᱸᱰ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱒᱐᱑᱕-᱒᱐᱑᱖ ᱥᱟᱞᱮᱨᱮ ᱯᱟᱨᱥᱟᱞ ᱞᱮᱵ ᱟᱢᱮᱨᱤᱠᱤᱭᱟᱹ ᱛᱤᱨᱭᱟᱹᱣᱟᱹᱱ ᱟᱢᱮᱨᱤᱠᱟᱱ ᱦᱚᱨᱚᱨ ᱥᱴᱚᱨᱭᱺ ᱦᱚᱴᱮᱞ ᱨᱮ ᱠᱷᱮᱞᱚᱸᱰ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱛᱤᱨᱭᱟᱹᱣᱟᱹᱱ ᱨᱮ ᱟᱡᱟᱜ ᱠᱷᱮᱞᱚᱸᱰ ᱞᱟᱹᱜᱤᱫ ᱜᱚᱞᱰᱮᱞ ᱜᱯᱞᱚᱵᱽ ᱥᱤᱯᱷᱟᱹ ᱯᱟᱨᱟᱵᱽ ᱨᱮ ᱥᱚᱨᱮᱥ ᱛᱤᱨᱞᱟᱹ ᱠᱷᱮᱞᱚᱸᱰᱤᱭᱟᱹᱥᱤᱨᱯᱷᱟᱹᱭ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾ ᱒᱐᱑᱗ ᱥᱟᱞᱮ ᱯᱷᱮᱵᱽᱨᱩᱣᱟᱨᱤ ᱪᱟᱸᱫᱚ ᱨᱮ ᱥᱩᱯᱚᱨ ᱵᱚᱣᱩᱞ ᱮᱞᱹᱟᱭᱤᱹ ᱦᱟᱯᱷᱴᱟᱭᱤᱢ ᱥᱳ ᱨᱮ ᱥᱮᱨᱮᱧ ᱞᱮᱫ ᱛᱟᱦᱮᱸ ᱡᱟᱦᱟᱸ ᱨᱮ ᱟᱹᱰᱤ ᱠᱚ ᱥᱟᱨᱦᱟᱣ ᱞᱮᱫᱮ ᱛᱟᱦᱮᱸᱫ ᱾
᱒᱐᱑᱖ ᱡᱟᱱᱩᱣᱟᱹᱨᱤ ᱦᱟᱹᱵᱤᱡ ᱛᱮ ᱜᱟᱜᱟ ᱟᱜ ᱒ ᱠᱚᱨᱚᱨ ᱗᱐ ᱞᱟᱠᱷ ᱠᱷᱚᱱ ᱵᱟᱹᱲᱛᱤ ᱟᱞᱵᱚᱢᱟᱹᱠᱷᱨᱤᱧ ᱞᱮᱸ ᱛᱟᱦᱮᱸᱫ ᱾ ᱱᱚᱶᱟ ᱜᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱟᱹᱠᱷᱨᱤᱧ ᱟᱠᱟᱱ ᱥᱮᱨᱮᱧ ᱦᱩᱱᱟᱹᱨᱤᱭᱟᱹ ᱛᱟᱞᱟᱨᱮ ᱴᱷᱟᱶ ᱮ ᱮᱢᱟᱫ ᱫᱮ ᱛᱟᱦᱮᱸᱫ ᱾ ᱜᱟᱜᱟ ᱟᱭᱢᱟ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ, ᱚᱱᱟ ᱠᱚ ᱢᱩᱸᱫᱽ ᱨᱮ ᱯᱮᱭᱟ ᱵᱨᱤᱴ ᱥᱤᱨᱯᱷᱟᱹ ᱠᱚ ᱟᱡᱟᱜ ᱡᱤᱭᱚᱱ ᱞᱟᱹᱜᱤᱫ ᱢᱟᱨᱟᱝ ᱛᱟᱦᱮᱸ ᱠᱟᱱᱟ ᱾ ᱛᱩᱨᱩᱭ ᱜᱚᱴᱟᱝ ᱜᱨᱟᱢᱤ ᱥᱤᱨᱯᱷᱟᱹ ᱟᱨ ᱟᱭᱢᱟ ᱥᱤᱨᱯᱷᱟᱹ ᱟᱠᱷᱲᱟ ᱨᱮ ᱥᱤᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱞᱮᱰᱤ ᱜᱟᱜᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.