ᱞᱩᱭᱤᱥ ᱯᱟᱥᱪᱚᱨ

ᱞᱩᱭᱤᱥ ᱯᱟᱥᱪᱚᱨ ᱫᱚ ᱢᱤᱫ ᱢᱟᱦᱟᱱ ᱥᱟᱬᱮᱥᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱾

ᱡᱟᱱᱟᱢ  : ᱒᱗ ᱰᱤᱥᱮᱢᱵᱚᱨ ᱑᱘᱒᱒ , Dole, Francais-comte, France.

ᱜᱩᱨ ᱺ ᱥᱮᱯᱴᱮᱢᱵᱚᱨ ᱒᱘ , ᱑᱘᱙᱕ (ᱩᱢᱮᱨ - ᱗᱒ ) Marnes-la-coquette , Hauts-de-Seine, France.

ᱯᱷᱨᱟᱱᱥ ᱨᱤᱱᱤᱡ ᱧᱩᱛᱩᱢᱟᱱ ᱥᱟᱬᱮᱥᱤᱭᱟ. ᱞᱩᱭᱤᱥ ᱯᱟᱥᱪᱚᱨ ᱟᱜ ᱡᱟᱱᱟᱢ ᱫᱚ ᱑᱘᱒᱒ ᱥᱟᱞᱮᱨᱮ ᱱᱮᱯᱚᱞᱤᱭᱟᱱ ᱵᱚᱱᱟᱯᱟᱨᱴ ᱨᱤᱱᱤᱡ ᱢᱤᱫ ᱵᱮᱯᱟᱨᱤᱭᱟ. ᱥᱚᱭᱱᱤᱠ ᱴᱷᱮᱱ ᱦᱩᱭ ᱞᱮᱱᱟ ᱾ ᱩᱱᱤ ᱫᱚ ᱜᱤᱫᱽᱨᱟ. ᱠᱷᱚᱱ ᱜᱮ ᱟ.ᱰᱤ ᱫᱟᱭᱟ-ᱟᱱ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱜᱤᱫᱽᱨᱟ. ᱵᱚᱭᱚᱥ ᱨᱮ ᱟᱠᱚᱣᱟᱜ ᱟ.ᱛᱩ ᱨᱤᱱ ᱤᱨᱟ.ᱞ ᱦᱚᱲ ᱢᱤᱫ ᱯᱟᱜᱽᱞᱟ ᱦᱟᱰᱜᱟᱨ ᱟᱜ ᱜᱮᱨ ᱛᱮ ᱜᱩᱡᱩᱜ ᱮ ᱧᱮᱞ ᱞᱮᱫ ᱠᱚᱣᱟ ᱾ ᱩᱱᱠᱩᱣᱟᱜ ᱦᱟᱨᱠᱮᱛ ᱛᱮ ᱥᱟᱨᱮᱲ ᱜᱟᱨᱡᱟᱣ ᱱᱩᱭ ᱵᱟᱭ ᱦᱤᱲᱤᱧ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ ᱾ ᱡᱩᱣᱟ.ᱱ ᱚᱠᱛᱚ ᱨᱮ ᱛᱤᱱ ᱡᱚᱦᱚᱜ ᱱᱚᱣᱟ ᱯᱟᱨᱚᱢ ᱟᱠᱟᱱ ᱜᱷᱚᱴᱚᱱ ᱟ.ᱪᱩᱨ ᱨᱩᱣᱟ.ᱲ ᱠᱟᱛᱮ ᱟᱡᱟᱜ ᱢᱮᱫ ᱥᱟᱢᱟᱝ ᱨᱮ ᱡᱷᱟᱞᱠᱟᱣᱜ ᱠᱟᱱ ᱛᱟᱦᱮᱸᱱ , ᱩᱱ ᱡᱚᱦᱚᱜ ᱱᱩᱭ ᱮ ᱵᱟᱝᱥᱩᱠ ᱪᱟᱵᱟᱜ ᱠᱟᱱ ᱛᱟᱦᱮᱸᱫ ᱾ ᱞᱩᱭᱤᱥ ᱯᱟᱥᱪᱚᱨ ᱚᱞ ᱯᱟᱲᱦᱟᱣ ᱨᱮᱫᱚ ᱩᱱᱟ.ᱜ ᱠᱮᱴᱮᱡ ᱫᱚ ᱵᱟᱭ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱨᱮᱦᱚᱸ ᱟᱡᱟᱜ ᱵᱟᱨᱭᱟ ᱜᱩᱱ ᱥᱮᱴᱮᱨ ᱛᱟᱦᱮᱸ ᱠᱟᱱᱟ , ᱡᱟᱦᱟᱸ ᱫᱚ ᱥᱟᱬᱮᱥ ᱨᱮ ᱡᱤᱛᱠᱟ.ᱨᱚᱜ ᱞᱟ.ᱜᱤᱫ ᱞᱟ.ᱠᱛᱤᱜ ᱠᱟᱱ ᱛᱟᱦᱮᱸᱫ - ᱪᱩᱦᱩᱞ ᱟᱨ ᱱᱮᱢᱚᱥ ᱾ ᱡᱩᱣᱟ.ᱱ ᱚᱠᱛᱚ ᱨᱮ ᱩᱱᱤᱭ ᱚᱞ ᱞᱮᱜ-ᱟ ᱡᱮ ᱟ.ᱲᱟ. ᱢᱩᱨᱟ.ᱭ ᱨᱮ ᱯᱮᱭᱟ ᱟ.ᱲᱟ. ᱫᱚ ᱟ.ᱰᱤ ᱞᱟ.ᱠᱛᱤᱭᱟᱜ ᱠᱟᱱᱟ - ᱟᱸᱥᱫᱟᱲᱮ, ᱠᱟ.ᱢᱤ ᱟᱨ ᱡᱤᱛᱠᱟ.ᱨ ᱾

ᱵᱤᱨᱫᱟ.ᱜᱟᱲ ᱯᱟᱲᱦᱟᱣ ᱥᱟ.ᱛ ᱠᱟᱛᱮ, ᱟᱡᱟᱜ ᱡᱚᱥ ᱟᱢᱮᱴ ᱞᱟ.ᱜᱤᱫ ᱩᱱᱤ ᱫᱚ ᱨᱚᱥᱟᱭᱚᱱ ᱥᱟᱲᱟ ᱨᱮ ᱠᱟ.ᱢᱤᱭ ᱮᱛᱚᱦᱚᱵ ᱠᱮᱜ-ᱟ ᱾ ᱱᱚᱸᱰᱮ ᱩᱱᱤ ᱠᱨᱤᱥᱴᱚᱞ ᱪᱮᱛᱟᱱ ᱨᱮᱭ ᱯᱚᱲᱦᱚᱱ ᱠᱮᱜ-ᱟ ᱟᱨ ᱚᱱᱟ ᱥᱟᱶᱛᱮ ᱛᱤᱱᱟ.ᱝ ᱜᱟᱱ ᱞᱟ.ᱠᱛᱤ ᱟᱱᱟᱜ ᱦᱚᱭ ᱥᱟᱞᱟ ᱥᱚᱢᱫᱟᱱ ᱠᱮᱜ-ᱟ ᱾ ᱱᱚᱣᱟ ᱫᱟᱨᱟᱭ ᱛᱮ ᱨᱚᱥᱟᱭᱚᱱ ᱪᱮᱛᱟᱱ ᱨᱮ ᱩᱱᱤᱭᱟᱜ ᱢᱤᱫ ᱱᱟᱯᱟᱭ ᱢᱚᱱ-ᱫᱟᱲᱮ ᱥᱟᱨᱥᱟᱣ ᱮᱱᱟ ᱾

 

᱑᱘᱔᱕ ᱥᱟᱞᱮᱨᱮ ᱯᱷᱨᱟᱱᱥ ᱨᱤᱱᱤᱡ ᱥᱮᱪᱮᱫ ᱢᱚᱱᱛᱨᱤ ᱫᱚ ᱱᱩᱭ ᱫᱤᱡᱳᱱ ᱨᱮᱭᱟᱜ ᱵᱤᱨᱫᱟ.ᱜᱟᱲ ᱨᱮ ᱵᱷᱚᱣᱛᱤᱠᱤ ᱯᱟᱲᱦᱟᱣ ᱞᱟ.ᱜᱤᱫ ᱮ ᱥᱮᱞᱮᱫ ᱠᱟᱫᱮᱭᱟ ᱾ ᱢᱤᱫ ᱥᱮᱨᱢᱟ ᱛᱟᱭᱚᱢ ᱱᱩᱭ ᱥᱴᱨᱟᱥᱵᱚᱨᱜᱽ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱚᱥᱟᱭᱚᱱ ᱥᱟᱬᱮᱥ ᱨᱤᱱᱤᱡ ᱢᱟᱪᱮᱛ ᱠᱚ ᱵᱮᱱᱟᱣ ᱠᱮᱫᱮᱭᱟ ᱾ ᱱᱚᱣᱟ ᱞᱟᱦᱟᱱᱛᱤ ᱨᱮᱭᱟᱜ ᱦᱟᱦᱟᱲᱟ ᱠᱟᱛᱷᱟ ᱫᱚ ᱱᱚᱣᱟ ᱛᱟᱦᱮᱸ ᱠᱟᱱᱟ ᱡᱮ, ᱵᱤᱨᱫᱟ.ᱜᱟᱲ ᱨᱤᱱᱤᱡ ᱜᱟᱞᱚᱪᱤᱭᱟ.ᱭᱤᱡ ᱢᱤᱫ ᱦᱚᱯᱚᱱ ᱮᱨᱟᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭᱟᱜ ᱧᱩᱛᱩᱢ ᱫᱚ ᱢᱮᱨᱤ ᱛᱟᱦᱮᱸ ᱠᱟᱱᱟ ᱾ ᱢᱮᱨᱤ ᱥᱟᱶᱟᱨ ᱩᱵ ᱥᱟᱶᱛᱮ ᱢᱤᱫ ᱪᱚᱨᱚᱠ ᱠᱩᱲᱤᱭ ᱛᱟᱦᱮᱸ ᱠᱟᱱᱟ ᱾ ᱞᱩᱭᱤᱥ ᱯᱟᱥᱪᱚᱨ ᱱᱩᱭ ᱥᱟᱶ ᱮ ᱧᱟᱨᱟᱢ ᱮᱱᱟ ᱾ ᱢᱮᱨᱤᱭᱟᱜ ᱪᱚᱨᱚᱠ ᱨᱩᱯ ᱨᱚᱝ ᱱᱩᱭᱟᱜ ᱠᱚᱞᱡᱟ ᱨᱮ ᱚᱲᱟᱜ ᱮ ᱵᱮᱱᱟᱣ ᱩᱛᱟ.ᱨ ᱠᱮᱜ-ᱟ ᱾ ᱧᱟᱯᱟᱢ ᱨᱮᱭᱟᱜ ᱢᱤᱫ ᱦᱟᱴ ᱛᱟᱭᱚᱢ ᱠᱷᱟᱱ ᱜᱮ ᱱᱩᱭ ᱫᱚ ᱢᱮᱨᱤ ᱥᱟᱢᱟᱝ ᱨᱮ ᱵᱟᱯᱞᱟ ᱨᱮᱭᱟᱜ ᱠᱟᱛᱷᱟᱭ ᱫᱚᱦᱚ ᱠᱮᱜ-ᱟ ᱾ ᱢᱮᱨᱤ ᱫᱚ ᱱᱩᱭᱟᱜ ᱵᱟᱯᱞᱟ ᱠᱟᱛᱷᱟ ᱢᱟᱱᱟᱣ ᱵᱟᱭ ᱨᱮᱵᱮᱱ ᱞᱮᱱᱟ ᱾ ᱤᱠᱷᱟ.ᱱ ᱞᱩᱭᱤᱥ ᱯᱟᱥᱪᱚᱨ ᱫᱚ ᱢᱤᱫ ᱱᱟᱯᱟᱭ ᱥᱟᱬᱮᱥᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱾ ᱱᱮᱢᱚᱥ ᱟᱨ ᱥᱟᱦᱟᱣ ᱫᱟᱲᱮ ᱟᱡ ᱴᱷᱮᱱ ᱛᱟᱦᱮᱸ ᱠᱟᱱᱟ ᱾ ᱢᱮᱨᱤᱭᱟᱜ ᱢᱟᱱᱟ ᱛᱟᱭᱚᱢ ᱦᱚᱸ ᱱᱩᱭ ᱫᱚ ᱨᱟ.ᱥᱠᱟ. ᱨᱮᱜᱮᱭ ᱛᱟᱦᱮᱸ ᱮᱱᱟ ᱾ ᱢᱤᱫ ᱥᱮᱨᱢᱟ ᱛᱟᱭᱚᱢ ᱱᱩᱭᱟᱜ ᱟᱸᱥ ᱡᱤᱛᱠᱟ.ᱨᱚᱜ ᱨᱮᱭᱟᱫ ᱚᱠᱛᱚ ᱥᱮᱴᱮᱨ ᱮᱱᱟ ᱾ ᱟᱨ ᱢᱮᱨᱤ ᱵᱟᱯᱞᱟᱜ ᱞᱟ.ᱜᱤᱫ ᱮ ᱨᱮᱵᱮᱱ ᱮᱱᱟ ᱾

ᱵᱟᱯᱞᱟ ᱛᱟᱭᱚᱢ ᱟᱡᱟᱜ ᱨᱚᱥᱟᱭᱚᱱ ᱥᱟᱬᱮᱥ ᱠᱷᱚᱱ ᱨᱟ.ᱥᱠᱟ. ᱥᱟᱦᱟ ᱠᱟᱛᱮ ᱡᱤᱥᱟᱬᱮᱥ ᱥᱮᱫ ᱞᱟᱦᱟᱜ ᱮᱛᱚᱦᱚᱵ ᱮᱱᱟ ᱾ ᱱᱚᱶᱟ ᱫᱚ ᱡᱤᱣᱤ ᱡᱤᱭᱟ.ᱞᱤ ᱪᱮᱛᱟᱱ ᱨᱮᱭᱟᱜ ᱥᱟᱬᱮᱥ ᱠᱟᱱᱟ ᱾ ᱱᱚᱶᱟ ᱫᱚ ᱯᱷᱨᱟᱱᱥ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮᱭᱟᱜ ᱟᱺᱜᱩᱨ ᱪᱟᱥ ᱴᱚᱴᱷᱟ ᱛᱟᱞᱟ ᱨᱮ ᱢᱮᱱᱟᱜ-ᱟ ᱾ ᱚᱸᱰᱮᱱ ᱠᱚᱜ ᱯᱟ.ᱣᱨᱟ. ᱵᱮᱱᱟᱣ ᱢᱤᱫ ᱜᱟᱫᱮᱞ , ᱢᱤᱫ ᱫᱤᱱ ᱞᱩᱭᱤᱥ ᱯᱟᱥᱪᱚᱨ ᱥᱟᱶ ᱧᱟᱯᱟᱢᱚᱜ ᱠᱚ ᱪᱟᱞᱟᱣ ᱮᱱᱟ ᱾ ᱩᱱᱠᱩ ᱱᱩᱭ ᱠᱚ ᱠᱩᱞᱤ ᱠᱮᱫᱮᱭᱟ ᱫᱚ ᱡᱚᱛᱚ ᱥᱮᱨᱢᱟ ᱟᱞᱮᱭᱟᱜ ᱯᱟ.ᱣᱨᱟ. ᱡᱚᱡᱚ ᱪᱟᱵᱟᱜ ᱠᱟᱱᱟ ᱾ ᱱᱚᱶᱟ ᱨᱮᱭᱟᱜ ᱮᱛᱮᱫ ᱫᱚ ᱪᱮᱫ ?

ᱞᱩᱭᱤᱥ ᱯᱟᱥᱪᱚᱨ ᱟᱡᱟᱜ ᱦᱩᱰᱤᱧ ᱡᱚᱱᱛᱨᱚ ᱫᱟᱨᱟᱭ ᱛᱮ ᱯᱟ.ᱣᱨᱟ. ᱨᱮᱭᱟᱜ ᱥᱟ.ᱨᱤ ᱜᱩᱱ ᱛᱚᱞᱟᱥ ᱨᱮ ᱛᱤᱱᱟ.ᱜ ᱴᱟᱲᱟᱝ ᱮ ᱠᱷᱮᱢᱟᱣ ᱠᱮᱜ-ᱟ ᱾ ᱢᱩᱪᱟ.ᱫ ᱨᱮ ᱩᱱᱤᱭ ᱧᱟᱢ ᱠᱮᱜ-ᱟ ᱫᱚ ᱡᱤᱵᱟᱬᱩ ᱧᱩᱛᱩᱢᱟᱱ ᱢᱤᱫ ᱞᱮᱠᱟᱱ ᱡᱤᱵᱽ ᱯᱟ.ᱣᱨᱟ. ᱫᱚᱠᱚ ᱡᱚᱡᱚ ᱚᱪᱚᱭᱮᱜ-ᱟ ᱾ ᱱᱤᱛᱚᱜ ᱫᱚ ᱩᱱᱤ ᱱᱚᱣᱟᱭ ᱯᱟᱱᱛᱮ ᱧᱟᱢ ᱠᱮᱜ-ᱟ, ᱡᱩᱫᱤ ᱯᱟ.ᱣᱨᱟ. ᱒᱐-᱓᱐ ᱴᱤᱲᱤᱡ ᱫᱷᱟ.ᱵᱤᱡ ᱞᱚᱞᱚ ᱞᱮᱠᱷᱟᱱ ᱩᱱᱠᱩ ᱡᱤᱵᱟᱬᱩ/ᱛᱤᱡᱩ ᱫᱚᱠᱚ ᱜᱩᱡᱩᱜ-ᱟ ᱾ ᱞᱚᱞᱚ ᱫᱚ ᱦᱮᱰᱮᱡᱚᱜ ᱫᱷᱟ.ᱵᱤᱡ ᱵᱟᱝ ᱠᱟᱛᱮ ᱱᱟᱥᱮ ᱠᱚᱢ ᱾ ᱱᱚᱣᱟᱛᱮ ᱯᱟ.ᱣᱨᱟ. ᱨᱮᱭᱟᱜ ᱥᱟ.ᱨᱤ ᱥᱤᱵᱤᱞ ᱠᱮᱫᱚ ᱪᱮᱫ ᱮᱴᱠᱮᱴᱚᱬᱮ ᱦᱚᱸ ᱵᱟᱝ ᱦᱩᱭᱩᱜ-ᱟ ᱾ ᱤᱱᱟ. ᱛᱟᱭᱚᱢ ᱫᱚ ᱩᱱᱤ ᱛᱳᱣᱟ ᱦᱚᱸ ᱥᱤᱵᱤᱞ ᱟᱨ ᱱᱤᱨᱚᱲ ᱫᱚᱦᱚᱭ ᱞᱟ.ᱜᱤᱫ ᱱᱚᱣᱟ ᱛᱚᱦᱚᱨ ᱜᱮᱭ ᱟᱯᱱᱟᱨ ᱠᱮᱜ-ᱟ ᱾

• The Institut Pasteur – Foundation dedicated to the prevention and treatment of diseases through biological research, education and public health activities
• The Pasteur Foundation – A US nonprofit organization dedicated to promoting the mission of the Institut Pasteur in Paris. Full archive of newsletters available online containing examples of US Tributes to Louis Pasteur.
• Pasteur's Papers on the Germ Theory
• The Life and Work of Louis Pasteur, Pasteur Brewing
• The Pasteur Galaxy
• Germ Theory and Its Applications to Medicine and Surgery, 1878 Archived ᱒᱐᱑᱔-᱐᱙-᱑᱕ at the Wayback Machine.
• Louis Pasteur (1822–1895) profile, AccessExcellence.org