ᱮᱰᱥ
ᱮᱰᱥ ᱫᱚ ᱵᱷᱩᱛᱟᱬᱩ ᱫᱟᱨᱟᱭ ᱛᱮ ᱦᱩᱭᱩᱜ ᱠᱟᱱ ᱢᱤᱫᱴᱟᱝ ᱟᱡᱟᱨ ᱠᱟᱱᱟ । ᱟᱡᱟᱨ ᱮᱦᱚᱵᱚᱦᱜ ᱡᱷᱚᱜ ᱫᱚ ᱞᱚᱪᱷᱱᱟ ᱵᱟᱭ ᱧᱮᱞᱚᱜ-ᱟ ᱾ ᱟᱹᱰᱤ ᱫᱤᱱ ᱦᱟᱹᱵᱤᱡ ᱦᱚᱸ ᱞᱚᱪᱷᱱᱟ ᱵᱟᱭ ᱧᱮᱞᱚᱜ-ᱟ ᱾ ᱵᱟᱹᱭ ᱵᱟᱹᱭ ᱛᱮ ᱱᱚᱶᱟ ᱟᱡᱟᱟᱨ ᱢᱟᱹᱱᱢᱤᱭᱟᱜ ᱫᱩᱜ ᱫᱟᱨᱟᱢ ᱫᱟᱲᱮᱭ ᱠᱚᱢ ᱛᱮ ᱴᱤᱹᱵᱤᱹ ᱮᱢᱟᱱ ᱵᱮᱢᱟᱨ ᱮ ᱵᱮᱱᱟᱶ ᱚᱪᱚᱭᱟ ᱾ ᱞᱚᱪᱷᱱᱟ ᱧᱮᱞ ᱞᱮᱱᱠᱷᱟᱱ ᱮᱰᱥ ᱦᱩᱭ ᱟᱠᱟᱱᱟ ᱢᱮᱱᱛᱮ ᱞᱟᱹᱭ ᱜᱟᱱᱚᱜ-ᱟ ᱟᱨ ᱢᱟᱹᱱᱢᱤᱭᱟᱜ ᱚᱡᱚᱱ ᱠᱚᱢᱚᱜ-ᱟ ᱾
ᱫᱟᱨᱟᱢ ᱟᱨ ᱛᱤᱠᱪᱷᱟᱹ
ᱮᱪᱹ ᱟᱭᱹ ᱵᱷᱤᱹ ᱵᱷᱩᱛᱟᱬᱩ ᱫᱚ ᱛᱤᱨᱤᱯᱩᱨᱩᱥ, ᱢᱟᱭᱟᱢ ᱦᱟᱛᱟᱶ, ᱤᱧᱡᱮᱠᱥᱚᱱ, ᱮᱢᱟᱱ ᱛᱮ ᱩᱪᱟᱹᱲᱚᱜ-ᱟ ᱾ ᱦᱚᱲᱢᱚ ᱠᱷᱚᱱ ᱚᱰᱚᱠ ᱟᱠᱟᱱ ᱢᱮᱫ ᱫᱟᱜ ᱟᱨ ᱩᱞᱤ ᱫᱟᱜ ᱛᱮᱫᱚ ᱱᱚᱶᱟ ᱟᱡᱟᱨ ᱵᱟᱭ ᱩᱪᱟᱲᱚᱜ-ᱟ ᱾ ᱱᱚᱶᱟ ᱟᱡᱟᱨ ᱨᱮᱭᱟᱜ ᱛᱤᱠᱪᱷᱟᱹ ᱫᱚ ᱱᱤᱛ ᱦᱟᱹᱵᱤᱡ ᱟᱶᱨᱤ ᱚᱰᱚᱠᱚᱜ-ᱟ ᱾ ᱤᱠᱷᱟᱹᱱ ᱟᱭᱳ ᱟᱨ ᱜᱤᱫᱟᱹᱨᱟᱜ ᱛᱤᱠᱪᱷᱟᱹ ᱞᱮᱠᱷᱟᱱ ᱟᱡᱟᱨ ᱫᱟᱵᱚᱱ ᱛᱟᱦᱮᱸᱱᱟ ᱾ ᱟᱡᱟᱨ ᱪᱤᱱᱦᱟᱶ ᱛᱟᱨᱟ ᱜᱮ ᱛᱤᱠᱪᱷᱟᱹ ᱫᱚ ᱥᱚᱝᱜᱮ ᱮᱦᱚᱵᱚᱜ-ᱟ ᱾ ᱢᱤᱫ ᱦᱚᱲ ᱟᱡᱟᱨ ᱧᱟᱢ ᱠᱟᱭ ᱨᱮᱦᱚᱸ ᱵᱤᱱᱟᱹ ᱛᱤᱠᱪᱷᱟᱹ ᱛᱮ ᱑᱑ ᱥᱮᱨᱢᱟ ᱦᱟᱹᱵᱤᱡ ᱵᱟᱧᱪᱟᱶ ᱮ ᱛᱟᱦᱮᱸ ᱫᱟᱲᱮᱭᱟᱜ-ᱟ ᱾
ᱱᱟᱜᱟᱢ ᱟᱨ ᱟᱡᱟᱨ ᱯᱚᱲᱦᱚᱱ
᱒᱐᱑᱔ ᱥᱟᱞ ᱨᱮ ᱓᱖ᱹ᱙ ᱢᱤᱞᱤᱭᱚᱱ ᱦᱚᱲᱟᱜ ᱮᱪᱹ ᱟᱭᱹ ᱵᱷᱤᱹ ᱛᱟᱦᱮᱸ ᱠᱟᱱᱟ ᱩᱱᱠᱩ ᱠᱷᱚᱱ ᱑ᱹ᱒ ᱢᱤᱞᱤᱭᱚᱱ ᱦᱚᱲ ᱫᱚᱠᱚ ᱜᱚᱡ ᱞᱮᱱᱟ ᱾ ᱱᱩᱠᱩ ᱠᱷᱚᱱ ᱵᱟᱹᱲᱛᱤ ᱦᱚᱲ ᱫᱚ ᱟᱯᱷᱨᱤᱠᱟ ᱨᱮᱭᱟᱜ ᱥᱟᱦᱟᱨᱟ ᱤᱞᱟᱹᱠᱟ ᱨᱮᱱ ᱠᱚ ᱛᱟᱦᱮᱱ ᱠᱟᱱᱟ ᱾ ᱱᱚᱶᱟ ᱟᱡᱟᱨ ᱧᱟᱢ ᱟᱠᱟᱱ ᱦᱤᱞᱚᱜ ᱠᱷᱚᱱ ᱒᱐᱑᱔ ᱥᱩᱫᱷᱟᱹ ᱛᱮ ᱓᱙ ᱢᱤᱞᱤᱭᱚᱱ ᱦᱚᱲ ᱠᱚ ᱜᱚᱡ ᱟᱠᱟᱱᱟ ᱾ ᱱᱚᱶᱟ ᱟᱡᱟᱨ ᱫᱚ ᱱᱮᱛᱟᱨ ᱯᱟᱱᱰᱮᱢᱤᱠ ᱛᱷᱚᱠ ᱨᱮᱠᱚ ᱫᱚᱦᱚ ᱟᱠᱟᱫᱟ ᱡᱟᱦᱟᱸ ᱨᱮᱭᱟᱜ ᱢᱮᱱᱮᱫ ᱫᱚ ᱟᱰᱤ ᱢᱟᱨᱟᱝ ᱤᱞᱟᱹᱠᱟ ᱨᱮ ᱛᱟᱦᱮᱸᱱᱟ ᱟᱨ ᱞᱚᱜᱚᱱ ᱯᱟᱥᱱᱟᱜ-ᱟ ᱾ ᱜᱮᱟᱨᱮ ᱥᱟᱭᱟᱝ ᱨᱮᱭᱟᱜ ᱢᱩᱪᱟᱹᱫ ᱟᱨ ᱵᱟᱨ ᱜᱮᱞ ᱥᱟᱭᱟᱝ ᱵᱷᱤᱛᱨᱤ ᱨᱮ ᱱᱚᱶᱟ ᱟᱡᱟᱨ ᱫᱚ ᱵᱮᱱᱟᱶ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭᱚᱜ-ᱟ ᱾ ᱥᱮᱞᱮᱫ ᱫᱤᱥᱚᱢ ᱟᱢᱮᱨᱤᱠᱟ ᱨᱮᱭᱟᱜ ᱥᱮᱱᱴᱟᱨ ᱯᱷᱚᱨ ᱰᱤᱡᱤᱡᱽ ᱠᱚᱱᱴᱨᱚᱞ ᱮᱱᱰ ᱯᱨᱤᱵᱷᱮᱱᱥᱚᱱ ᱫᱟᱨᱟᱭ ᱛᱮ ᱱᱚᱶᱟ ᱟᱡᱟᱨ ᱑᱙᱘᱑ ᱥᱟᱞ ᱨᱮ ᱪᱤᱱᱦᱟᱹᱶ ᱮᱱᱟ ᱾ ᱛᱟᱭᱚᱢ ᱛᱮ ᱱᱚᱶᱟ ᱨᱮ ᱭᱟᱜ ᱞᱚᱪᱷᱱᱟ ᱦᱚᱸ ᱪᱤᱱᱦᱟᱹᱶ ᱮᱱᱟ ᱾
ᱥᱚᱢᱟᱡᱽ ᱟᱨ ᱥᱚᱸᱥᱠᱨᱩᱛᱤ
ᱥᱚᱢᱟᱡᱽ ᱪᱮᱛᱟᱱ ᱨᱮ ᱱᱚᱶᱟ ᱟᱡᱟᱨ ᱨᱮᱭᱟᱜ ᱚᱨᱥᱚᱝ ᱯᱟᱲᱟᱜ ᱠᱟᱱᱟ ᱾ ᱱᱚᱶᱟ ᱟᱡᱟᱨ ᱨᱮᱭᱟᱜ ᱚᱨᱥᱚᱝ ᱠᱟᱹᱶᱰᱤ ᱟᱹᱨᱤ ᱪᱮᱛᱟᱱ ᱨᱮᱦᱚᱸ ᱧᱩᱨᱩᱜ ᱠᱟᱱᱟ ᱾ ᱡᱚᱴᱮᱫ ᱛᱮᱦᱚᱸ ᱱᱚᱶᱟ ᱟᱡᱟᱨ ᱩᱪᱟᱹᱲᱚᱜ-ᱟ ᱢᱮᱱᱛᱮ ᱦᱚᱲᱟᱜ ᱟᱱᱫᱷᱟ ᱯᱟᱹᱛᱭᱟᱹᱶ ᱢᱮᱱᱟᱜ-ᱟ ᱾
ᱯᱷᱮᱰᱟᱛ
ᱵᱟᱦᱨᱮ ᱡᱚᱱᱚᱲ
This article uses material from the Wikipedia ᱥᱟᱱᱛᱟᱲᱤ article ᱮᱰᱥ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.