तस्य सञ्जनयन् हर्षं...
अयं भगवद्गीतायाः प्रथमोध्यायस्य अर्जुनविषादयोगस्य द्वादशः (१२) श्लोकः ।
श्लोकः
- तस्य सञ्जनयन् हर्षं कुरुवृद्धः पितामहः ।
- सिंहनादं विनद्योच्चैः शङ्खं दध्मौ प्रतापवान् ॥ १२ ॥
पदच्छेदः
तस्य, सञ्जनयन्, हर्षम्, कुरुवृद्धः, पितामहः । सिंहनादम्, विनद्य, उच्चैः, शङ्खम्, दध्मौ, प्रतापवान् ॥
अन्वयः
प्रतापवान् कुरुवृद्धः पितामहः तस्य हर्षं सञ्जनयन् सिंहनादं विनद्य उच्चैः शङ्खं दध्मौ ।
शब्दार्थः
- प्रतापवान् = तेजस्वी
- कुरुवृद्धः = कुरुषु ज्येष्ठः
- पितामहः = भीष्मः
- तस्य = दुर्योधनस्य
- हर्षम् = मोदम्
- सञ्जनयन् = उत्पादयन्
- सिंहनादं विनद्य = सिंहः इव गर्जित्वा
- शङ्खम् = शङ्खम्
- उच्चैः = गाढम्
- दध्मौ = आध्मातवान् ।
अर्थः
तदा पितामहः भीष्मः सिंहः इव उच्चैः गर्जनम् अकरोत् । ततः शङ्खमपि उच्चैः अधमत् येन दुर्योधनस्य महान् सन्तोषः जातः ।
बाह्यसम्पर्कतन्तुः
http://www.gitasupersite.iitk.ac.in
सम्बद्धाः लेखाः
This article uses material from the Wikipedia संस्कृतम् article तस्य सञ्जनयन् हर्षं..., which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). भिन्नोल्लेखः यावत् न भवेत्, तावत् CC BY-SA 4.0 इत्यत्र उल्लेखो भवति । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki संस्कृतम् (DUHOCTRUNGQUOC.VN) is an independent company and has no affiliation with Wiki Foundation.