तत्रापश्यत् स्थितान् पार्थः...
अयं भगवद्गीतायाः प्रथमोध्यायस्य अर्जुनविषादयोगस्य षड्विंशतितमः (२६) श्लोकः ।
श्लोकः
अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- तत्रापश्यत् स्थितान् पार्थः पितॄनथ पितामहान् ।
- आचार्यान्मातुलान्भ्रातॄन्पुत्रान्पौत्रान्सखींस्तथा ॥ २६ ॥
- श्वशुरान् सुहृदश्चैव सेनयोरुभयोरपि ।
पदच्छेदः
तत्र, अपश्यत्, स्थितान्, पार्थः, पितॄन्, अथ, पितामहान् । आचार्यान्, मातुलान्, भ्रातॄन्, पुत्रान्, पौत्रान्, सखीन्, तथा ॥ श्वशुरान्, सुहृदः, च, एव, सेनयोः, उभयोः, अपि ।
अन्वयः
अथ पार्थः तत्र स्थितान् पितॄन् पितामहान् आचार्यान् मातुलान् भ्रातॄन् पुत्रान् पौत्रान् सखीन् श्वशुरान् सुहृदः च उभयोः अपि सेनयोः अपश्यत् ।
शब्दार्थः
- अथ = ततः
- पार्थः = अर्जुनः
- तत्र = तस्मिन् प्रदेशे
- स्थितान् = वर्तमानान्
- पितॄन् = पितृतुल्यान्
- पितामहान् = पितुः पितॄन्
- आचार्यान् = गुरून्
- मातुलान् = मातृसहोदरान्
- भ्रातॄन् = सहोदरान्
- पुत्रान् = पुत्रतुल्यान्
- पौत्रान् = पुत्रपुत्रान्
- सखीन् = मित्राणि
- श्वशुरान् = भार्यायाः पितॄन्
- सुहृदः च = कृतोपकारान् च
- उभयोः = द्वयोः
- अपि = अपि
- सेनयोः = सैन्ययोः
- अपश्यत् = दृष्टवान् ।
अर्थः
तयोः सेनयोः अर्जुनः स्वबान्धावान्, गुरून्, मित्राणि च अपश्यत् ।
श्लोकवैशिष्ट्यम्
विषयस्य सुबोधाय अग्रिमश्लोकस्य प्रथमपादः अपि अत्रैव दत्तम् वर्तते ।
बाह्यसम्पर्कतन्तुः
http://www.gitasupersite.iitk.ac.in
सम्बद्धाः लेखाः
This article uses material from the Wikipedia संस्कृतम् article तत्रापश्यत् स्थितान् पार्थः..., which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). भिन्नोल्लेखः यावत् न भवेत्, तावत् CC BY-SA 4.0 इत्यत्र उल्लेखो भवति । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki संस्कृतम् (DUHOCTRUNGQUOC.VN) is an independent company and has no affiliation with Wiki Foundation.