Пестициды, лат.
Тип пестицида | Объект знищѣня |
---|---|
Гербициды | Ростлины |
Алгициды | Алгы |
Авициды | Птахы |
Бактерициды | Бактерии |
Фунгициды | Грибы и плѣсень |
Инсектициды | Инсекты |
Моллускоциды | Мягкуны |
Нематоциды | Нематоды |
Родентициды | Грызуны |
Вируциды | Вирусы |
Пестициды суть токсичны про людей и скотину, зашто их поуживаня ся остро регламентуе. Поужитя пестицидох уможнять досягти стабилну уроду и обмежити ширѣня инфекций, переношаных звѣрятами, инсектами, напримѣр маларию и тиф. Непомѣрне поужитя мать вшакже негативны дослѣдкы. Може вести ку взнику резистентных видох организмох, наймя межи инсектами; може знищити драпежникох — прироженых неприятельох шкодникох — и другы ужиточны звѣрята. Заморюючи животне окружѣня, пестициды огрожують здоровя люди: теперь уже суть доконця и в подземных водах.
В року 2017 експерты ОЗН выступили з выголошѣньом о фалошности тверджѣня о потребѣ хоснованя пестицидох про потравинову застаченость. Тыж информовали они о 200 000 смертелных отровлѣнь пестицидами рочно и о том, же сталый контакт з пестицидами споеный з онкологичныма хворотами, Алцгеймеровов и Паркинсоновов хворотами, ендокринныма хворотами, порухами вывоя и безплодностьов.
This article uses material from the Wikipedia Русиньскый article Пестициды, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.