Петро Линтур (Горонда, жупа Берег, Мадярске кральовство, 4.
май">4. май 1909 — Ужгород, Украина, 2. фебруар 1969) — высокошколскый професор, фолклориста, литературознатель, сполоченскый активиста Подкарпатской Руси.
Петро Линтур | |
---|---|
Познатый як | педагог, фолклориста, литературознатель |
Уроджѣня | мая 4, 1909 |
Горонда, жупа Берег, Мадярске кральовство | |
Упокоеня | фебруара 2, 1969 (59 р.) |
Ужгород, Украинска ССР | |
Научна робота | |
Сферы наук | фолклористика, литературознательство |
Ученый ступень | кандидат филологичных наук |
Alma mater | Ужгородска универзита |
Петро Линтур на Викискладѣ VIAF:10780039; GND:124462502; LCCN:n85193248; FAST:190257; OL:OL201917A; |
Родив ся в селянской родинѣ в русинском селѣ Горонда под Мукачовом. Абсолвовав Мукачовску русску гимназию (1930), Карлову универзиту в Празѣ (1935) , а пак еще славянску филологию на Београдской универзитѣ в Београдѣ (1935—1936). Уже тогды спознав ся з Русинами Бачкы и зачав зо збераньем русинского фолклора. Свою працовну дорогу зачав на русской гимназии в Хустѣ року 1938 яко професор истории и русской литературы. Ту зорганизовав литературный кружок, выдав зберьку верши поетох-штудентох «Будет день» (1941). На тот час пришов и зачаток его научной роботы у фолклористицѣ: публиковав три статьи: о кралю Матяшови, князю Ференцу ІІ. Ракоцию, цѣсареви Йозефу ІІ. в русинском фолклорѣ (1941); антологию Угро-русскія коляды, допроводжену основным аналитичным розбором.
В часѣ войны яко русофил быв подозрѣваный и остро контролованый полициев. В року 1944 по вступѣ совѣтского войска до Подкарпатя став межи ведучы общественны активисты, быв участником зъѣзда народных комитетов, де ся принимала вызва о прилучѣню края ку СССР, подпредсѣдателем Народной Рады Закарпатской Украины, ведучым оддѣла умѣлств. В роках 1945—1946 брав активну участь в створѣню Ужгородской универзиты, музыкалного и малярского училищ, образовой галерии. Авшак не роздѣляв линию на украинизацию Подкарпатя. Брав участь в роботѣ православного зъѣзда (Мукачово, 18. новембер 1944), на котром было принято рѣшеня о прилучѣню Карпаторусской Церкви ку Московскому Патриархату. В децембрѣ 1944 побрав ся до Москвы з делегациев Православной Церкви. Пробовав пресвѣдчити совѣтске водство в мылности украинизации новоствореной Закарпатской Украины, выступав за ей статуованя як окремой Карпаторусской Совѣтской републикы або автономии в рамках Российской Федерации. Наперек вшиткым усилованям не домог ся нич и быв остро абрихтованый од партийного аппарата за ревизию генералной линии партии и намаганя захранити «русскы традиции края».
Тот неуспѣх наконец заставив го лишити вшиткы урядны посты и оддати ся цѣлком научной роботѣ. Од року 1949 складать испыт и доставать ся на двохрочны екстерны постдипломны студии до Московской штатной универзиты. Року 1950 лишать свои урядны посты и переходить на научну роботу до Ужгородской универзиты. Року 1953 здобывать степень кандидата наук з филологии на Московской штатной универзитѣ и зыскуе од року 1955 пост доцента в Ужгородѣ, де робить уж до самой смерти, 2. фебруара 1969.
Научна робота Петра Линтура мала 4 напрямы: подкарпатска литература и новинарство, фолклор, умѣлствознательство, педагогика, главныма з котрых были первы два.
Една з первых его робот того напряму была А.А. Митракъ. Очеркъ жизни и дѣятельности 1937. Опубликовав тыж статьи о цѣлом рядѣ подкарпатскых литераторов (Д. Вакаров, А. Духнович, И. Керча, М. Попович, И. Силвай и др.), даколько робот, в котрых высвѣтляв вплыв русской литературы на подкарпатскых писателей и поетов. Сам Петро Линтур року 1948 быв приятый в члены Союза писателей, что было в тамтых часах и условиях знаком великой чести.
Але найвекшых успѣхов и пересвѣдчивых резултатов добив ся во фолклористицѣ. Записав и выдав (в товмачѣню на украинскый язык, что было императивом линии на украинизацию) народны казкы и баллады Подкарпатя, о котрых опубликовав и теоретичну роботу Народные баллады Закарпатья и их славянские связи (1963). Року 1972 в Берлинѣ по нѣмецькы опубликована приготовлена ним книга Украинскы народны казкы. Его зберькы казок тыж выходили в товмачѣню по чешскы и по русскы.
This article uses material from the Wikipedia Русиньскый article Петро Линтур, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.