Октавиан Август (лат.
септембер">23. септембра 63 до н. е., Рим — †19. августа 14 н. е., Ноле, близко Неапола) — быв первым императором, закладательом Римской империи и пановав од року 27 до н. е. аж до своей смерти в року 14. По уроджѣню достав имя Гай Октавий: так ся звав его отець, сенатор з богатого роду конникох (equites). По смерти Цезаря приняв имя Гая Юлия Цезаря. При вступѣ в иншый род, род Юлиох, призвиско Октавий змѣнило ся на Октавиан, и одтогды го так познавали аж до року 27 до н. е., коли му даровали титул Августа.
Октавиан Август | |
---|---|
Первый римскый император | |
Во функции: | |
16. януар 27 до н. е. — 19. август 14 | |
Предходник | Гай Юлий Цезар, диктатор Рима |
Наступник | Тиберий Цезарь Август |
Уродив ся | 23. септембер 63 до н. е. Рим, Римска република |
Умер | авґуста 19, 14 (76 р.) Нола, Римска империя |
Август (латинске Augustus означать «возвеличеный богом») быв сыном дѣвкы сестры Гая Юлия Цезаря, Юлии. Але Гай Юлий Цезарь усыновив го во своем тестаментѣ, и так он став ся од року 27 до н. е. императором. Допроводжовав Цезаря в его походах до Испании, быв вызнаменаный орденами. По смерти Цезаря став ся его наслѣдником подля тестаменту. З Марком Антонием и Лепидом створили другый триумвират и звитязили над войском Брута и Кассия, забивцьох Цезаря. По одставлѣню од влады Лепида, Август зачав бой против Марка Антония, которому забрав вшиткы уряды и званя, а его сполочници, египетской царици Клеопатрѣ, выголосив войну. В року 31 до н. е. Октавиан Август став ся самоособным римским пановником. Быв ку тому Найвысшым жрецьом (Pontifex maxĭmus) и Отцьом Отечества (pater patriae). Знав притягти ку своей политицѣ ученых и розумных радникох, меджи котрыма одзначали ся войвода Агриппа и покровитель умѣня Гай Меценас. Под их вплывом пришов росцвѣт умѣня и народа. Императора и его добу прославляли Гораций, Проперций и Вергилий. В Римѣ были вознесены знамениты архитектурны ставбы: императорскы палаты и форум, сонѣчна годинка, Олтарь Мира Августа, мавзолей на Марсовом полѣ, библиотека на Палатинском грунку. Мѣсяць его смерти быв названый Августом. По часѣ термин Август достав вызнам титула императора.
This article uses material from the Wikipedia Русиньскый article Октавиан Август, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.