Гай Юлий Цезар

юла">12./13. юла 100 до н. е., Рим — 15. марца 44 до н. е., Рим) — быв римскым войводцом и политиком и едным з наймоцнѣйшых пановникох античной истории.

Гай Юлий Цезарь
Диктатор Римской републикы
Во функции:
октобер 49 до н. е. — 15. марец 44 до н. е.
Наступник	Октавиан Август, первый император
Уродив ся	12. юл 100 до н. е.
Умер	15. марец 44 до н. е. (55 рокы)

Мав ключову роль в процесѣ занику римской републикы и ей трансформации на монархию. Прилучив ку Риму Францию, яка тоды называла ся Галлия. Де факто го мож поважовати за первого римского императора. В року 46 перед Рождеством Христовым Юлий Цезарь зреализовав реформу календаря, приявши новый, якый склав грецкый филозоф и астроном Созиген з Александрии, котрый переробив египетскый календарь и розробив сонѣчный календарь, де в року были 365,25 днѣ (Юлианскый календарь).

Юлий Цезарь быв политичный и военный гений, обалившый роспадуючый ся политичный порядок в Римѣ и вымѣнившый го на диктатуру. Цезарь зостав побѣдительом в римской домовой войнѣ, але быв забитый в римском Сенатѣ групов сприсяжникох, котры поважовали, же став ся он над мѣру могучым.

Гай Юлий Цезарь ся родив в Субурѣ, передмѣстю Рима. Род Цезаря были патриции, циже члены зачаточной аристокрации Рима, котра ся породинала в IV.. сторочу до н. е. з рядом головных плебейских (простых) родин, жебы сформовати великашство, котре одтогды было пановным в Римѣ. Ку часу Цезаря число такых зачаточных родох было невелике. Хоть дакоторы з найвплывнѣйшых великашскых родин были патрициями, патрицианская кровь уже не была политичным тромфом; насправдѣ тото было минусом, бо патриций не мав право занимати неконститучный, але вплывовый пост трибуна.плебса. Цезарьове прослѣдили свой родовод аж до богынѣ Венеры, але родина не была снобовска ани конзервативна. Он тыж не быв богатым, вплывным, ани не славным. Гай Юлий Цезарь прийшов ку владѣ вдякы свому военному и политичному таленту. Спочатку став ся витязным римскым генералом и державником. В конци в року 60 до н. е. учинив догоду з Гнейом Помпейом Великым и Марком Лицинойом Крассом и створили Триумвират, колективный орган влады, котрому ся подарило забрати владу од Сената. По загыбели Красса (53 до н. е.) Триумвират роспав ся, Гай Юлий Цезарь рушив свое войско на Италию, побѣдив Помпея и выголосив себе едноособным диктатором (49 до н. е.).

• Griffin, Miriam, ред. (2009) (по англицкы). A Companion to Julius Caesar. John Wiley & Sons. ISBN 9781444308457. https://books.google.com/books?id=gzOXLGbIIYwC. "The true date is assured by a precise quotation (though in indirect speech) by Macr. Sat. 1.12.34, of a law passed by the consul M. Antonius (i.e. in 44), changing the name of the month Quintiles to Iulius, "because in that month, on the fourth day before the ldes {i.e. the 12th), Iulius was born" (quod hoc mense a.d. quartum idus Quintiles Iulius procreatus sit: the numeral is written out in full and there are no textual variants)"  Коли в року 44 принимали закон о перемѣнѣ назвы мѣсяця Quintiles на Iulius, мотивация была тота, же в том мѣсяцю четвертый день перед Идами (циже 12. юлия) родив ся Юлий Цезарь.
• Toynbee, Arnold Joseph (17 Sep. 2021). Julius Caesar. Encyclopedia Britannica. https://www.britannica.com/biography/Julius-Caesar-Roman-ruler. [перевірено 2021-11-24]. англ.