بروکلی
بروکلی سروں دے ٹبر دی اک عام سبزی اے۔ جیدا پھل والا انگ سبزی لئی ورتیا جاندا اے۔ ایہ ہرے رنگ دا ہوندا اے۔ بروکلی اطالوی بولی دا شبد اے جیدا مطلب اے گوبی دا پھل والا انگ۔ بروکلی دایورپ دے اک جنگلی بوٹے توں نکلیا۔ 2000 ورے توں ایہ ورتیا جاریا اے۔ رومی سلطنت دے ویلے توں ای اینوں اطالوی کھان پین دے کھانیاں وچ مانتا ملی ہوئی سی۔ بروکلی نوں کینسر تے دل دے روگاں لئی ودیا منیا گیا اے۔ اینوں کجا یا پاف دے کے کھادا جاندا اے۔
| بروکلی | |
 | |
| پچھان | |
| دیس: | بوٹے |
| برادری: | پھلوالے بوٹے |
| ٹبر: | سروں دا ٹبر |
| ٹوکرہ: | براسیکا |
| سائینسی ناں: | Brassica oleracea |
کھان دے فیدے
بروکلی وٹامن سی تے پھوک نال بھریا ہوندا اے۔ ایہدے وچ ایساں شیواں وی ہوندیاں نیں جیہڑیاں کینسر نال لڑدیاں نیں۔ ایہنوں اگر ابالیا جاوے تے ایہدی کینسر نال لڑن دی طاقت گھٹ جاندی اے۔
اگائی
بروکلی ٹھنڈی رت دی فصل اے جیہڑی گرمیاں نہیں سہ سکدی۔ ایہ 18 توں 23 سینٹی گریڈ دے گرمی ناپ وچ ودھیا اگدا اے۔ ایہدا جدوں پھل دا سرا نکلدا اے تے اوہنوں کٹ کے ورتیا جاندا اے۔ ایہنوں ایہدے پیلے پھل کھڑن توں پہلے ای کٹیا جاندا اے۔
پسار
بروکلی دا اصل دیس اناطولیہ سی جتھوں ایہ اٹلی اپڑیا تے اوتھوں فرانس، یورپ تے فیر امریکہ اپڑیا۔ ایہدی سب توں جوکھی اگائی چین وچ ہوندی اے۔
مورتاں
 |  |  |
| بروکلی | جامنی بروکلی | بروکلی پتہ |
 |  |  |
| بروکلی پھل | بروکلی پھل | پاف دتی بروکلی |
بارلے جوڑ
| وکیمیڈیا کامنز چ مورتاں: بروکلی |
This article uses material from the Wikipedia شاہ مکھی پنجابی (Shāhmukhī Pañjābī) article بروکلی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.