ਨਿਕੋਲੇਈ ਚਾਉਸੈਸਕੂ (ਰੋਮਾਨੀਆਈ: ( ਸੁਣੋ); 26 ਜਨਵਰੀ 1918 – 25 ਦਸੰਬਰ 1989) ਇੱਕ ਰੋਮਾਨੀਆਈ ਕਮਿਊਨਿਸਟ ਸਿਆਸਤਦਾਨ ਸੀ। ਉਹ 1965 ਤੋਂ 1989 ਤੱਕ ਰੋਮਾਨੀਆਈ ਕਮਿਊਨਿਸਟ ਪਾਰਟੀ ਦਾ ਜਨਰਲ ਸਕੱਤਰ ਰਿਹਾ, ਅਤੇ ਉਹ ਦੇਸ਼ ਦਾ ਦੂਜਾ ਅਤੇ ਆਖ਼ਰੀ ਕਮਿਊਨਿਸਟ ਨੇਤਾ ਸੀ। ਉਹ 1967 ਤੋਂ 1989 ਤੱਕ ਦੇਸ਼ ਦਾ ਪ੍ਰਮੁੱਖ ਵੀ ਸੀ।
ਉਹ ਰੋਮਾਨੀਆਈ ਨੌਜਵਾਨ ਕਮਿਊਨਿਸਟ ਲਹਿਰ ਦਾ ਮੈਂਬਰ ਸੀ, ਅਤੇ 1965 ਵਿੱਚ ਜੌਰਜੀਊ-ਦੇਜ ਦੀ ਮੌਤ ਤੋਂ ਬਾਅਦ ਉਹ ਰੋਮਾਨੀਆਈ ਕਮਿਊਨਿਸਟ ਪਾਰਟੀ ਦਾ ਜਨਰਲ ਸਕੱਤਰ ਬਣ ਗਿਆ।
ਕੁਝ ਦੇਰ ਦੇ ਉਦਾਰਵਾਦੀ ਰਾਜ ਤੋਂ ਬਾਅਦ ਉਹ ਬਹੁਤ ਹਿੰਸਕ ਅਤੇ ਦਮਨਕਾਰੀ ਹੋ ਗਿਆ, ਅਤੇ ਕੁਝ ਜਾਣਕਾਰਾਂ ਮੁਤਾਬਿਕ ਉਹ ਸੋਵੀਅਤ ਖੇਮੇ ਦਾ ਸਭ ਤੋਂ ਕੱਟੜ ਸਟੈਲਿਨਵਾਦੀ ਨੇਤਾ ਸੀ। ਉਹ ਪ੍ਰੈਸ ਨੂੰ ਦਬਾ ਕੇ ਰੱਖਦਾ ਸੀ ਅਤੇ ਉਸਦੀ ਖ਼ੂਫ਼ੀਆ ਪੁਲਿਸ ਬਹੁਤ ਨਿਰਦਈ ਸੀ। ਉਸਦੇ ਰਾਜ ਦੌਰਾਨ ਗ਼ਲਤ ਆਰਥਿਕ ਨੀਤੀਆਂ ਦੇ ਕਾਰਨ ਰੋਮਾਨੀਆ ਵਿੱਚ ਖੁਰਾਕ, ਬਾਲਣ, ਦਵਾਈਆਂ ਅਤੇ ਹੋਰ ਜ਼ਰੂਰੀ ਚੀਜਾਂ ਦੀ ਕਿੱਲਤ ਪੈਦਾ ਹੋ ਗਈ ਸੀ, ਜੀਵਨ ਪੱਧਰ ਨੀਵਾਂ ਹੋ ਗਿਆ ਅਤੇ ਅਸ਼ਾਂਤੀ ਫ਼ੈਲ ਗਈ।
1989 ਵਿੱਚ ਰੋਮਾਨੀਆਈ ਇਨਕਲਾਬ ਹੋਇਆ ਅਤੇ ਉਸਦੀ ਸਰਕਾਰ ਗਿਰ ਗਈ ਚਾਉਸੈਸਕੂ ਅਤੇ ਉਸਦੀ ਪਤਨੀ ਇਲੀਨਾ ਹੈਲੀਕਾਪਟਰ ਵਿੱਚ ਰਾਜਧਾਨੀ ਤੋਂ ਬਚ ਨਿੱਕਲੇ ਪਰ ਛੇਤੀ ਹੀ ਫ਼ੌਜ ਦੇ ਕਾਬੂ ਵਿੱਚ ਆ ਗਏ। ਇਸ ਤੋਂ ਬਾਅਦ ਉਹਨਾਂ ਉੱਤੇ ਜਲਦਬਾਜ਼ੀ ਵਿੱਚ ਮੁਕੱਦਮਾ ਚੱਲਿਆ ਅਤੇ ਉਹਨਾਂ ਨੂੰ ਨਸਲਕੁਸ਼ੀ ਅਤੇ ਰੋਮਾਨੀਆ ਦੀ ਆਰਥਿਕਤਾ ਤਬਾਹ ਕਰਨ ਦੇ ਦੋਸ਼ਾਂ ਹੇਠ ਸਜ਼ਾ ਸੁਣਾਈ ਗਈ। ਇਸ ਤੋਂ ਬਾਅਦ ਛੇਤੀ ਹੀ ਉਸਨੂੰ ਅਤੇ ਉਸਦੀ ਪਤਨੀ ਨੂੰ ਗੋਲੀਮਾਰ ਦਸਤੇ ਵੱਲੋਂ ਮੌਤ ਦੇ ਘਾਟ ਉਤਾਰ ਦਿੱਤਾ ਗਿਆ।
This article uses material from the Wikipedia ਪੰਜਾਬੀ article ਨਿਕੋਲੇਈ ਚਾਉਸੈਸਕੂ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ਇਹ ਸਮੱਗਰੀ CC BY-SA 4.0 ਹੇਠ ਮੌਜੂਦ ਹੈ। ਅਜਿਹਾ ਨਾ ਹੋਣ ਉੱਤੇ ਵਿਸ਼ੇਸ਼ ਤੌਰ ਉੱਤੇ ਦੱਸਿਆ ਜਾਵੇਗਾ। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ਪੰਜਾਬੀ (DUHOCTRUNGQUOC.VN) is an independent company and has no affiliation with Wiki Foundation.