ସ୍ୱରୂପ ନାୟକ
ସ୍ୱରୂପ ନାୟକ ( (Audio file LL-Q33810 (ori)-Sangram Keshari Senapati (Ssgapu22)-ସ୍ୱରୂପ ନାୟକ.wav not found); ୮ ଫେବୃଆରୀ ୧୯୪୭ – ୨୭ ଅକ୍ଟୋବର ୨୦୨୩) ଜଣେ ଓଡ଼ିଆ କଥାଚିତ୍ର ସଙ୍ଗୀତକାର, ଗୀତିକାର, ପ୍ରଚ୍ଛଦପଟ୍ଟ ଗାୟକ ଓ ଅଭିନେତା ଥିଲେ । ୧୯୬୨ ମସିହାରେ ସେ ଜଣେ ଶିଶୁ କଳାକାର ଭାବରେ ଜୟଦେବ ଜରିଆରେ ଓଡ଼ିଆ କଥାଚିତ୍ର ଜଗତରେ କାମ କରିବା ଆରମ୍ଭ କରିଥିଲେ । ୧୯୮୪ ମସିହାରେ ସେ ହୀରାନୀଳା ଜରିଆରେ କଥାଚିତ୍ରରେ ସଙ୍ଗୀତ ନିର୍ଦ୍ଦେଶନା ଦେବା ଆରମ୍ଭ କରିଥିଲେ । ଶ୍ରେଷ୍ଠ ସଙ୍ଗୀତକାର ଭାବରେ ସେ ଦୁଇଥର ରାଜ୍ୟ ଚଳଚ୍ଚିତ୍ର ପୁରସ୍କାର ପାଇଥିଲେ ।
ସ୍ୱରୂପ ନାୟକ | |
|---|---|
 | |
| ଜନ୍ମ | ୮ ଫେବୃଆରୀ ୧୯୪୭ |
| ମୃତ୍ୟୁ | ୨୭ ଅକ୍ଟୋବର ୨୦୨୩ (ବୟସ ୭୬) କଟକ |
| ମୃତ୍ୟୁର କାରଣ | କର୍କଟ |
| ଜାତୀୟତା | ଭାରତୀୟ |
| ପ୍ରସିଦ୍ଧି | ଓଡ଼ିଆ ସଙ୍ଗୀତକାର, ଗାୟକ, ଗୀତିକାର, ଅଭିନେତା |
| ବୈବାହିକ-ସାଥୀ | ନିହାରିକା ସାହୁ |
| ସମ୍ପର୍କୀୟ | ସାରଦା ପ୍ରସନ୍ନ ନାୟକ (ଭାଇ) ପାର୍ବତୀ ଘୋଷ (ଭଉଣୀ) |
| ପୁରସ୍କାର | ଓଡ଼ିଶା ରାଜ୍ୟ ଚଳଚ୍ଚିତ୍ର ପୁରସ୍କାର |
ଜନ୍ମ ଓ ପରିବାର
୧୯୪୭ ମସିହାର ଫେବୃଆରୀ ୮ ତାରିଖରେ ସେ କଟକରେ ଜନ୍ମଗ୍ରହଣ କରିଥିଲେ । ଓଡ଼ିଆ ଅଭିନେତ୍ରୀ ପାର୍ବତୀ ଘୋଷ ତାଙ୍କ ଭଉଣୀ ଓ ଓଡ଼ିଆ କଥାଚିତ୍ର ସଙ୍ଗୀତକାର ସାରଦା ପ୍ରସନ୍ନ ନାୟକତାଙ୍କ ଭାଇ ।
କଥାଚିତ୍ର ଜୀବନ
ସ୍ୱରୂପ, ମୋଟ ୪୧ଟି ଓଡ଼ିଆ କଥାଚିତ୍ରରେ ସଙ୍ଗୀତ ନିର୍ଦ୍ଦେଶନା ଦେବା ସହ ୩୦ଟି କଥାଚିତ୍ରରେ ଗୀତ ରଚନା, ୬ଟି କଥାଚିତ୍ରରେ ପ୍ରଚ୍ଛଦପଟ୍ଟ ଗାୟକ ଓ ୬ଟି କଥାଚିତ୍ରରେ ଅଭିନୟ କରିଛନ୍ତି ।
ଓଡ଼ିଆ କଥାଚିତ୍ରକୁ ଅବଦାନ
- ସ୍ୱୟଂସିଦ୍ଧା, (୨୦୧୦) ସଙ୍ଗୀତକାର
- କଥାନ୍ତର, (୨୦୦୬) ସଙ୍ଗୀତକାର, ଗୀତିକାର
- ପ୍ରେମ ଋତୁ ଆସିଲାରେ, (୨୦୦୬), ସଙ୍ଗୀତକାର
- ହୀରାନୀଳା, (୧୯୮୬), ସଙ୍ଗୀତକାର ଭାବେ ପ୍ରଥମ କଥାଚିତ୍ର, ଗୀତିକାର
- ଜୟଦେବ, ୧୯୬୨ ଶିଶୁ କଳାକାର ଭାବେ ପ୍ରଥମ ଅଭିନୟ
ସମ୍ବର୍ଦ୍ଧନା ଓ ସମ୍ମାନ
- ବାଇସ୍କୋପ ପୁରସ୍କାର, ୨୦୦୬
- ଶ୍ରେଷ୍ଠ ସଙ୍ଗୀତ ନିର୍ଦ୍ଦେଶକ, ରାଜ୍ୟ ଚଳଚ୍ଚିତ୍ର ପୁରସ୍କାର (ମନ ରହିଗଲା ତୁମରି ଠାରେ, କଥାନ୍ତର)
- ସମ୍ବର୍ଦ୍ଧନା, ବାଣୀଚିତ୍ର ତରଫରୁ
ମୃତ୍ୟୁ
୨୦୨୩ ମସିହାର ଅକ୍ଟୋବର ୨୭ ତାରିଖରେ ତାଙ୍କର ମୃତ୍ୟୁ ହୋଇଥିଲା । ମୃତ୍ୟୁବେଳକୁ ତାଙ୍କୁ ୭୬ ବର୍ଷ ବୟସ ହୋଇଥିଲା ।
ଆଧାର
ବାହାର ଆଧାର
- ଇଣ୍ଟରନେଟ ମୁଭି ଡାଟାବେସରେ ସ୍ୱରୂପ ନାୟକ
- odiamusic.comରେ ସ୍ୱରୂପଙ୍କ ଗୀତ ସଙ୍ଗୀତ Archived 2011-10-25 at the Wayback Machine.[
This article uses material from the Wikipedia ଓଡ଼ିଆ article ସ୍ୱରୂପ ନାୟକ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.