ଲସି

ପରମ୍ପରାଗତ ସାମାନ୍ୟ ମିଠା ବା ଲୁଣିଆ ଲସି

 

 

 

ଉତ୍ତର ଭାରତ ତଥା ପଞ୍ଜାବରେ ଏହି ଲସି ଅତି ସାଧାରଣ । ଦହି ସାଥିରେ ପାଣି, ଚିନି ଓ ସ୍ୱାଦ ଅନୁସାରେ ମସଲା ମିଶାଯାଏ । ଚିନି ବଦଳରେ ଲୁଣ ମିଶେଇଲେ ଲୁଣିଆ ଲସି କୁହାଯାଏ ।

ମିଠା ଲସି

ମିଠା ଲସିରେ ଚିନି, ;;ଗୋଲାପ ଜଳ କିମ୍ବା ଲେମ୍ବୁ ରସ, ଷ୍ଟ୍ରବେରି (strawberry) କିମ୍ବା ଅନ୍ୟ ଫଳ ରସ ଦିଆଯାଏ । ପାକିସ୍ଥାନର ସିନ୍ଧ ଓ ଭାରତର ଯୋଧପୁର ଓ ରାଜସ୍ଥାନରେ ସାଫ୍ରନ ଲସି ଅତି ପ୍ରିୟ ପାନୀୟ । ମାଖନ ବା ଲହୁଣୀ ଲସିରେ ଅଧିକ ଲହୁଣୀ ପକାଯାଏ । ଏହା ମିଲ୍କ ସେକ (milkshake) ଭଳି ହୁଏ ।

ଆମ୍ବ ଲସି

ସାରା ପୃଥିବୀରେ ଆମ୍ବ ଲସି ଅତି ପ୍ରିୟ ପାନୀୟ । ଦହି, ପାଣି ଓ ଆମ୍ବ ପଳ୍ପ (Mango pulp) ମିଶେଇ ତିଆରି କରାଯାଏ । ଏଥିରେ ଚିନି ମିଶାଯାଇପାରେ ବା ନ ମିଶାଯାଇପାରେ । ଇଂଲଣ୍ଡ, ମାଲୟେସିଆ, ସିଙ୍ଗାପୁର ତଥା ପୃଥିବୀର ବିଭିନ୍ନ ସ୍ଥାନରେ ଏହା ମିଳେ । କାନାଡାରେ ଦହି, ଚିନି, କେସର, ସର, ଆଇସକ୍ରିମ ସହ ଆମ୍ବ ମିଶାଯାଏ । ଏହା ଗୋଟିଏ ବଡ଼ ଗିଲାସରେ ଏହା ରଖି ଉପରେ ପେସ୍ତା ସହ ଦିଆଯାଏ ।

ଭାଙ୍ଗ ଲସି

ଲସିରେ ଭାଙ୍ଗ ମିଶେଇଲେ ଭାଙ୍ଗ ଲସି ହୁଏ । ହୋଲି ସମୟରେ ଲୋକମାନେ ଏହାକୁ ପିଅନ୍ତି । ରାଜସ୍ଥାନରେ ଲାଇସେନ୍ସ ପ୍ରାପ୍ତ ଭାଙ୍ଗ ଦୋକାନ ଅଛି, ଯେଉଁଠି ଭାଙ୍ଗ ପଦାର୍ଥ ଓ ଭାଙ୍ଗ ଲସି ମିଳେ ।

ଛାଶ ଏକ ଲସି ଭଳି ପାନୀୟ, କିନ୍ତୁ ଏହା ଲସି ଭଳି ବହଳିଆ ନୁହେଁ ଓ ଏଥିରେ ଲହୁଣୀ ଅଂଶ କମ ଥାଏ । ଏଥିରେ ଜୀରା, ଲୁଣ ଓ ଧନିଆ ପତ୍ର ପକାଯାଏ । ସଦ୍ୟ ତିଆରି ଅଦା ଗୁଣ୍ଡ ଓ କଞ୍ଚା ଲଙ୍କା ମଧ୍ୟ ପକାଯାଏ । ରାଜସ୍ଥାନ ଓ ଗୁଜରାଟରେ ଏହା ଅତି ପ୍ରିୟା ପାନୀୟ ଓ ହଜମ ହେବା ବିଶ୍ୱାସରେ ଖାଦ୍ୟ ସହ ଖିଆଯାଏ । ଏହି ପାନୀୟକୁ କନ୍ନଡରେ ମାଜିଗେ, ମରାଠୀରେ ଟାକ, ତେଲୁଗୁରେ ମାଜିଗା, ମଲୟାଲମ ତଥା ତାମିଲିରେ ମୋରୁ ଓ ବଙ୍ଗଳାରେ ଘୋଲ କୁହାଯାଏ