ବିଷମ କଟକ
ବିଷମ କଟକ , ରାୟଗଡ଼ା ଜିଲ୍ଲାର ଏକ ନିର୍ବାଚନ ମଣ୍ଡଳୀ । ଏଠାକାର ଖ୍ରୀଷ୍ଟିୟାନ ହାସପାତାଳ (ମିଶନାରୀ ହାସପାତାଳ) ପାଇଁ ଏହା ବେଶ ଜଣାଶୁଣା ।
| ବିଷମ କଟକ | |
| — ସହର — | |
| ଦିଗବାରେଣି | 19°31′N 83°31′E / 19.52°N 83.52°E |
| ଦେଶ | ଭାରତ |
| ରାଜ୍ୟ | ଓଡ଼ିଶା |
| ଭାରତର ଜିଲାସବୁ | ରାୟଗଡ଼ା |
| ଲୋକସଂଖ୍ୟା | ୭୪୦୮ (2011[update]) |
| ସମୟ ଜୋନ | ଆ.ଏସ.ଟି (ୟୁଟିସି +୫.୩୦) |
| ପରିସୀମା • ସମୁଦ୍ର ପତ୍ତନଠାରୁ ଉଚ୍ଚତା | • 342 metres (1,122 ft) |
ଜନସଂଖ୍ୟା
୨୦୧୧ ଜନଗଣନା ଅନୁସାରେ ବିଷମ କଟକ ସହରର ଲୋକସଂଖ୍ୟା ୭୪୦୮ । ସେଥିରୁ ପୁରୁଷ ଲୋକସଂଖ୍ୟା 3723 ଓ ମହିଳା ଲୋକସଂଖ୍ୟା 3685 ।
ଭୂଗୋଳ
ପ୍ରାକୃତିକ ସୌନ୍ଦର୍ଯ୍ୟରେ ଭରପୂର ନିୟମଗିରି ପାହାଡ଼ ପାଦଦେଶରେ ବିଷମକଟକ ଅବସ୍ଥିତ । ବିଷମକଟକର ଭୌଗୋଳିକ ଅବସ୍ଥାନ ହେଉଛି latd = 19.52 । longd = 83.52 । ଏହାର ପଶ୍ଚିମ ଦିଗରେ ନିୟମଗିରି ପାହାଡ ରହିଛି ।
ଇତିହାସ
ଗଙ୍ଗବଂଶିକ ଶାସନ ବେଳେ ବିଷମ କଟକ, ଗୁଡାରି କଟକର ରାଜା ଦାଦାର୍ଣବ ଦେବଙ୍କ ଅଧୀନରେ ଥିଲା ।
୧୬୮୬-୧୭୦୮ ମଧ୍ୟରେ ଜୟପୁରର ତତ୍କାଳୀନ ରାଜା ଥିଲେ ମହାରାଜା ରଘୁନାଥ କୃଷ୍ଣ ଦେଓ ତାଙ୍କ ଅଧୀନରେ ଜମିଦାର ଥିଲେ ଗଞ୍ଜାମ ଜିଲ୍ଲା ସାନଖେମୁଣ୍ଡି ଅଞ୍ଚଳର କୃଷ୍ଣ ଥାଟରାଜା ରାଜାଙ୍କ ପରାମର୍ଶକ୍ରମେ ସେ ବିଷମ କଟକ ଜନବସତି ସ୍ଥାପନ କରିଥିଲେ । ପରେ ତାଙ୍କ ପୁତ୍ର ପିତାମ୍ବରଙ୍କଦ୍ୱାରା ଦୁର୍ଗଟିଏ ନିର୍ମିତ ହୋଇଥିଲା । ଦଶହରା ସମୟରେ ଥାଟରାଜା ପାଞ୍ଚ ଶହ ପାଇକ ମେଳରେ ଜୟପୁର ରାଜଦରବାରକୁ ଶୋଭାଯାତ୍ରାରେ ଯାଉଥିଲେ। ଥାଟରାଜାଙ୍କ ଏହି ଶୋଭାଯାତ୍ରା ପରମ୍ପରା ମହାରାଜାଙ୍କ ପାଇଁ ଆନୁଗତ୍ୟର ପ୍ରତୀକ ଥିଲା । ଅନେକ କାରଣରୁ ଥାଟରାଜା ଓ ଜୟପୁର ମହାରାଜାଙ୍କ ମଧ୍ୟରେ ଦୀର୍ଘ ବର୍ଷ ଧରି ବିବାଦ ଲାଗିରହିଥିଲା । ଉଭୟ ପକ୍ଷ ମଧ୍ୟରେ ଚାରି ଥର ଯୁଦ୍ଧ ହୋଇଥିବା ଜଣାଯାଏ । ପରେ ଜୟପୁର ରାଜ୍ୟ ସହ ବିଷମକଟକ ମିଶ୍ରଣ ହୋଇଥିଲା । ଜୟପୁର ରାଜାଙ୍କ ଅଧୀନରେ ଗୋବିନ୍ଦ ଚନ୍ଦ୍ର ଥାଟ୍ଟରାଜ ଥିଲେ ତତ୍କାଳୀନ ବିଷମକଟକର କରଦ ରାଜା ବା ଥାଟରାଜ ।
ଦର୍ଶନୀୟ ସ୍ଥାନ
ବିଷମ କଟକ, ମା ମାର୍କମାଂକ ପ୍ରାଚୀନ ପୀଠ ଅଟେ । ମା ମାର୍କମା ଓ ମା କର୍କମାଙ୍କ ପୀଠ ଏବେ ନୂତନ ରୂପରେ ଏକ ଦର୍ଶନୀୟ ସ୍ଥାନ ପାଲଟିଛି । ବିଷମ କଟକ ନିକଟରେ ଚାଟିକଣା ଶିବ ମନ୍ଦିର ସହିତ ଝରଣା ଏକ ଦର୍ଶନୀୟ ସ୍ଥାନ ।
- ବିଷମକଟକର (ଶ୍ରୀରଙ୍ଗ ନାୟକଙ୍କ)ଆଦିକନ୍ଦ ସଂଗ୍ରହାଳୟ ଏହି ଜିଲାର ଏକମାତ୍ର ବେସରକାରି ସଂଗ୍ରହାଳୟ ।
ଆଧାର
 | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ ଅଟେ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |
This article uses material from the Wikipedia ଓଡ଼ିଆ article ବିଷମ କଟକ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.