ଦିଲୀପ ତିର୍କୀ: ଓଡ଼ିଆ ହକି ଖେଳାଳି ଓ ରାଜନୀତିଜ୍ଞ

ଦିଲୀପ ତିର୍କି ୨୫ ନଭେମ୍ବର ୧୯୭୭ ମସିହାରେ ଓଡ଼ିଶାର ସୁନ୍ଦରଗଡ଼ ଜିଲ୍ଲାସ୍ଥିତ ସୁନାମରାଠାରେ ଜନ୍ମଗ୍ରହଣ କରିଥିଲେ । ତାଙ୍କ ପିତା ହେଉଛନ୍ତି ଭିନସେନ୍ଟ ତିର୍କି । ତାଙ୍କର ଦୁଇ ଭାଇ ଅନୁପ ତିର୍କି ଓ ଅଜିତ ତିର୍କି ରେଳବାଇ ପାଇଁ ହକି ଖେଳନ୍ତି । ଦିଲୀପ ମିରା ତିର୍କିଙ୍କୁ ୬ ଫେବ୍ରୁଆରୀ ୨୦୦୬ରେ ବିବାହ କରିଥିଲେ । ସେ ଏୟାର ଇଣ୍ଡିଆରେ ମଧ୍ୟ କାର୍ଯ୍ୟ କରିଥିଲେ ।

ଦିଲୀପ ଇଂଲଣ୍ଡ ବିରୁଦ୍ଧରେ ତାଙ୍କର ପ୍ରଥମ ଆନ୍ତର୍ଜାତୀୟ ମ୍ୟାଚ ଖେଳିଥିଲେ । ଏହାପରେ ସେ ଭାରତ ପକ୍ଷରୁ ୧୯୯୬ ଆଟଲାଣ୍ଟା ଅଲମ୍ପିକ, ୨୦୦୦ ସିଡିନୀ ଅଲମ୍ପିକ, ୨୦୦୪ ଏଥେନସ୍ ଅଲମ୍ପିକରେ ଭାଗନେଇଥିଲେ । ସେ ଭାରତ ପାଇଁ ସର୍ବମୋଟ ୪୧୨ଟି ମ୍ୟ୍ୟଚ୍ ଖେଳିଥିଲେ । ୨୦୧୦ ମସିହା ମଇ ୨ ତାରିଖରେ ସେ ହକିରୁ ଅବସର ନେଇଥିଲେ ।

କୃତିତ୍ୱ

• ୧୯୯୭: ଜୁନିୟର ବିଶ୍ୱ ହକି ଦଳରେ ସ୍ଥାନ
• ୨୦୦୨: ଏସୀୟ ଦଳରେ ସ୍ଥାନ
• ୨୦୦୬: ବିଶ୍ୱ ହକି ଦଳରେ ସ୍ଥାନ
• ୨୦୦୭: ବିଶ୍ୱ ହକି ଦଳରେ ସ୍ଥାନ
• ଜୁଲାଇ୧୫, ୨୦୧୦: ସମ୍ବଲପୁର ବିଶ୍ବବିଦ୍ୟାଳୟଦ୍ୱାରା ଡକ୍ଟରେଟ୍ ସମ୍ମାନ
• ଭାରତୀୟ ହକି ଦଳ ପାଇଁ ସର୍ବାଧିକ ମ୍ୟାଚ ଖେଳିଥିବା ଖେଳାଳି (୪୧୨ ମ୍ୟଚ୍) (ବିଶ୍ୱରେ ତୃତୀୟ ସର୍ବାଧିକ)

• ପଦ୍ମଶ୍ରୀ ପୁରସ୍କାର (୨୦୦୪)
• ଅର୍ଜ୍ଜୁନ ପୁରସ୍କାର (୨୦୦୨)
• ଏକଲବ୍ଯ ପୁରସ୍କାର (୧୯୯୬)
• ଓ.ଏନ୍.ଜି.ସି ପୁରସ୍କାର (୧୯୯୮)
• ବିଜୁପଟ୍ଟନାୟକ ବର୍ଷର ଶ୍ରେଷ୍ଠ ଖେଳାଳି (୨୦୦୪)
• ରିକୋ ବର୍ଷର ହକି ଷ୍ଟାର (୨୦୦୯)