ଚତୁର୍ଭୁଜ ମେହେର: ଭାରତୀୟ ବୁଣାକାର
ଚତୁର୍ଭୁଜ ମେହେର (୧୩ ଅକ୍ଟୋବର ୧୯୩୫) ଜଣେ ଜଣାଶୁଣା ଭାରତୀୟ ତନ୍ତୀ । ତାଙ୍କର ଓଡ଼ିଶା ବାନ୍ଧବୁଣାରେ ପାରଦର୍ଶିତା ସକାଶେ ସେ ସମଗ୍ର ଭାରତରେ ଜଣେ ମହାତନ୍ତୀ ଭାବେ ଜଣା ଓ ୨୦୦୫ ମସିହାରେ ତାଙ୍କୁ ପଦ୍ମଶ୍ରୀ ପୁରସ୍କାରର ମିଳିଥିଲା । ସେ ହାତ ବୁଣା ଲୁଗା ତିଆରି କରିବା ଓ ପାରମ୍ପରିକ ରଙ୍ଗ ବ୍ୟବହାର କରିବାରେ ସିଦ୍ଧହସ୍ତ । ତାଙ୍କ ତିଆରି ଲୁଗା ଆଦୃତ ହେବା ମଧ୍ୟରେ ଚଳଚ୍ଚିତ୍ର ଅଭିନେତ୍ରୀ ଐଶ୍ୱର୍ଯ୍ୟା ରାୟଙ୍କୁ ନିଜ ବାହାଘରରେ ଶାଶୁ ଜୟା ବଚନ ଉପହାର ଦେଇଥିବା ମେହେରଙ୍କ ତିଆରି ଏକ ଶାଢ଼ୀ ପିନ୍ଧିବା ଉଲ୍ଲେଖନୀୟ ।
ଚତୁର୍ଭୁଜ ମେହେର | |
|---|---|
| ଜନ୍ମ | ୧୩ ଅକ୍ଟୋବର ୧୯୩୫ ସୁବର୍ଣ୍ଣପୁର, ଓଡ଼ିଶା, ଭାରତ |
| ବୃତ୍ତି | ତନ୍ତି |
| ପ୍ରସିଦ୍ଧି | Tie-dye ହସ୍ତତନ୍ତ ବୁଣାକାର |
| ପୁରସ୍କାର | ପଦ୍ମଶ୍ରୀ ଓଡ଼ିଶା ରାଜ୍ୟ ପୁରସ୍କାର ଚିନ୍ତା ଓ ଚେତନା ଜାତୀୟ ପୁରସ୍କାର ବିଶ୍ୱକର୍ମା ପୁରସ୍କାର ପ୍ରିୟଦର୍ଶିନୀ ପୁରସ୍କାର |
| ୱେବସାଇଟ | mehersonline |
ଜୀବନୀ
ଚତୁର୍ଭୁଜ ମେହେର ଓଡ଼ିଶାର ସୁବର୍ଣ୍ଣପୁରଠାରେ ଜନ୍ମଗ୍ରହଣ କରିଥିଲେ । ସେ କେବଳ ସ୍କୁଲ ଯାଏଁ ପାଠ ପଢ଼ିଥିଲେ ।
ତନ୍ତକଳା
ସେ ପ୍ରଥମେ ପାରମ୍ପାରିକ ତନ୍ତକଳା ଶିକ୍ଷା କରି ଏକ ହସ୍ତତନ୍ତ ସେବା କେନ୍ଦ୍ରରେ ଯୋଗ ଦେଇଥିଲେ । ସେ ସୁବର୍ଣ୍ଣପୁରଠାରେ ‘’ବୟନ ବିହାର’’ ନାମକ ଏକ ହସ୍ତ ତନ୍ତ କାରଖାନା ତଥା ହସ୍ତତନ୍ତ ଗବେଷଣା ଓ ତାଲିମ କେନ୍ଦ୍ର ଆରମ୍ଭ କରି ସେଠାରେ ପ୍ରାୟ ୧୦,୦୦୦ କାରିଗରଙ୍କୁ ତାଲିମ ଦେଇଥିଲେ ।
ପୁରସ୍କାର ଓ ସମ୍ମାନ
- ଦୁଇ ଥର ଓଡ଼ିଶା ରାଜ୍ୟ ପୁରସ୍କାର (୧୯୯୧ ଓ ୧୯୯୫)
- ଚିନ୍ତା ଓ ଚେତନ ଆୱାର୍ଡ (୧୯୯୨)
- ବିଶ୍ୱକର୍ମା ରାଷ୍ଟ୍ରୀୟ ପୁରସ୍କାର (୧୯୯୭)
- ପ୍ରିୟଦର୍ଶିନୀ ଆୱାର୍ଡ (୨୦୦୫)
- ପଦ୍ମଶ୍ରୀ (୨୦୦୫)
ଆଧାର
This article uses material from the Wikipedia ଓଡ଼ିଆ article ଚତୁର୍ଭୁଜ ମେହେର, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.