ଆକ୍ୟୁଟ ଫ୍ଲାକସିଡ ମାୟେଲାଇଟିସ
ଆକ୍ୟୁଟ ଫ୍ଲାକସିଡ ମାୟେଲାଇଟିସ ବା ଏଏଫଏମ (ଇଂରାଜୀ ଭାଷାରେ Acute flaccid myelitis/ AFM) ଏକ ସାଂଘାତିକ ମେରୁଦଣ୍ଡ (spinal cord) ରୋଗ । ଏଥିରେ ଗୋଡ଼ ଓ ହାତ ସବୁ ଦୁର୍ବଳ ହୁଅନ୍ତି ଓ ରିଫ୍ଲେକ୍ସ (reflexes) କମିଯାଏ । ଆଖି ଡୋଲା ବୁଲେଇବାରେ, କଥା କହିବାରେ ଓ ଗିଳିବାରେ ଅସୁବିଧା ହୁଏ । ବେଳେବେଳେ ଯନ୍ତ୍ରଣା ଓ କାଲୁଆ ଲାଗେ । ସାଂଘାତିକ ହେଲେ ଶ୍ୱାସକ୍ରିୟା ଅସୁବିଧା ହୁଏ ।
| ଆକ୍ୟୁଟ ଫ୍ଲାକସିଡ ମାୟେଲାଇଟିସ Acute flaccid myelitis | |
|---|---|
| Acute flaccid paralysis with anterior myelitis, polio-like syndrome | |
.jpg) ଏମଆରଆଇ (Magnetic resonance imaging) ଚିତ୍ରରେ ଏଏଫଏମ ରୋଗୀର ମେରୁଦଣ୍ଡ ଫୁଲିଥିବା ଦେଖାଯାଉଛି (d) ଯାହା ୩ ସପ୍ତାହ ପରେ (e) ଉପଶମ ହୋଇଯାଇଛି । | |
| ବିଭାଗ | ସ୍ନାୟୁରୋଗ ବିଜ୍ଞାନ (Neurology) |
| ଲକ୍ଷଣ | ଦୌର୍ବଲ୍ୟ, କମ୍ ରିଫ୍ଲେକ୍ସ, ଗିଳିବା ଓ କଥା କହିବା ସମସ୍ୟା |
| ଆକ୍ରାନ୍ତ ସମୟ | ଦୃତ |
| କାରଣ | ଅଦ୍ୟାବଧି ଅଜ୍ଞାତ |
| ରୋଗ ନିର୍ଣ୍ଣୟ ପଦ୍ଧତି | ମେଡିକାଲ ଇମେଜିଙ୍ଗ *Medical imaging), ନର୍ଭ କଣ୍ଡକସନ ଟେଷ୍ଟ (nerve conduction studies), ସିଏସଏଫ (cerebral spinal fluid) ପରୀକ୍ଷା |
| ସଠିକ ରୋଗ ନିର୍ଣ୍ଣୟ | Transverse myelitis, Guillain–Barré syndrome, acute disseminated encephalomyelitis |
| ପ୍ରତିକାର | ପୋଲିଓ ଟିକା (Polio vaccination), ମଶା କାମୁଡ଼ା ଏଡ଼େଇବା |
| ଚିକିତ୍ସା | ସହାୟକ ଯତ୍ନ (Supportive care), ଫିଜିକାଲ ଥେରାପି (physical therapy), ମେକାନିକାଲ ଭେଣ୍ଟିଲେସନ (mechanical ventilation) |
| Prognosis | ପରିବର୍ତ୍ତନଶୀଳ |
| ପୁନଃପୌନିକ | କ୍ୱଚିତ |
ଅଧିକାଂଶ କ୍ଷେତ୍ରରେ ଏହି ରୋଗର କାରଣ ସ୍ପଷ୍ଟ ହେଉନାହିଁ । ପ୍ରାୟ ୯୦% କ୍ଷେତ୍ରରେ ଏଣ୍ଟେରୋଭୁତାଣୁ (enteroviruses) ଭଳି ସାମାନ୍ୟ ଭୁତାଣୁ ସଂକ୍ରମଣ (viral infection) ପରେ ମଧ୍ୟ ଏହି ରୋଗ ଆରମ୍ଭ ହୋଇଯାଏ । ପୋଲିଓମାୟେଲାଇଟିସ ଏହି ରୋଗ ସୃଷ୍ଟି କରିପାରୁଥିଲେ ମଧ୍ୟ ସନ ୨୦୨୪ରୁ ଯୁକ୍ତରାଷ୍ଟ୍ର ଆମେରିକାରେ ଏହା ଏକ କାରଣ ହୋଇନାହିଁ । ମେରୁଦଣ୍ଡ ମଧ୍ୟରେ ଥିବା ଗ୍ରେ ମ୍ୟାଟର (grey matter) ନଷ୍ଟ ହୋଇଯିବା କାରଣରୁ ଏହି ରୋଗ ହୁଏ । ମେଡିକାଲ ଇମେଜିଙ୍ଗ (Medical imaging), ନର୍ଭ କଣ୍ଡକସନ ଟେଷ୍ଟ (nerve conduction studies), ସିଏସଏଫ (cerebral spinal fluid) ପରୀକ୍ଷା ସାହାଯ୍ୟରେ ଏହି ରୋଗ ନିର୍ଣ୍ଣୟ କରାଯାଏ ।
ପୋଲିଓ ଟିକା (Polio vaccination) ନେଇ ଓ ମଶା କାମୁଡ଼ା ଏଡ଼େଇ ଏହି ରୋଗର ପ୍ରତିଷେଧ କରାଯାଇପାରିବା । ସହାୟକ ଯତ୍ନ (Supportive care) ସାହାଯ୍ୟରେ ଏହାରି ଚିକିତ୍ସା ଆରମ୍ଭ କରାଯାଏ । ଫିଜିକାଲ ଥେରାପି (physical therapy) ସୁପାରିସ ମଧ୍ୟ କରାଯାଏ । ବେଳେବେଳେ ଶ୍ୱାସକ୍ରିୟା ସହଜ କରିବା ନିମନ୍ତେ ମେକାନିକାଲ ଭେଣ୍ଟିଲେସନ (mechanical ventilation) ଆବଶ୍ୟକ ହୁଏ । ରୋଗର ଫଳାଫଳ ଅନିଶ୍ଚିତ । କ୍ୱଚିତ ଏହି ରୋଗ ହୁଏ ଓ ସାଧାରଣତଃ ପିଲାଙ୍କୁ ହୁଏ । ଯୁକ୍ତରାଷ୍ଟ୍ର ଆମେରିକାରେ ବର୍ଷକୁ ୨ ନିୟୁତରେ ଜଣକୁ ଏ ରୋଗ ହୁଏ । ଏହା ଏକ ନୂଆ ରୋଗ ନହେଲେ ମଧ୍ୟ ସନ ୨୦୧୪ ପରଠାରୁ ଏହାର ସଂଖ୍ୟା ବଢ଼ୁଛି ।
ଆଧାର
This article uses material from the Wikipedia ଓଡ଼ିଆ article ଆକ୍ୟୁଟ ଫ୍ଲାକସିଡ ମାୟେଲାଇଟିସ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.