ଅନୁରାଧା ପୌଡ଼ୱାଲ ( ଜନ୍ମ : ୨୭ ଅକ୍ଟୋବର ୧୯୫୪) ଜଣେ ଭାରତୀୟ ପ୍ରଚ୍ଚଦପଟ୍ଟ ଗାୟିକା । ସେ ହିନ୍ଦୀ, ଓଡ଼ିଆ, ମରାଠୀ, ବଙ୍ଗଳା, ନେପାଳୀ, ତାମିଲ ଓ କନ୍ନଡ଼ ଆଦି ଭାଷାର ଚଳଚ୍ଚିତ୍ରରେ କଣ୍ଠଦାନ କରନ୍ତି । ଚଳଚ୍ଚିତ୍ର ବ୍ୟତୀତ ସେ ଜଣେ ଭଜନ ଗାୟିକା ଭାବରେ ମଧ୍ୟ ପରିଚିତ । ୨୦୧୭ ମସିହାରେ ତାଙ୍କୁ ପଦ୍ମଶ୍ରୀ ପୁରସ୍କାର ପ୍ରଦାନ କରାଯାଇଥିଲା । ସେ ଜାତୀୟ ଚଳଚ୍ଚିତ୍ର ପୁରସ୍କାର ଓ ୪ଥର ଫିଲ୍ମଫେୟାର ପୁରସ୍କାର ମଧ୍ୟ ଲାଭ କରିଛନ୍ତି ।
ଅନୁରାଧା ପୌଡ଼ୱାଲ | |
---|---|
Background information | |
ଜନ୍ମ ସମୟରେ ନାମ | ଅଳକା ନନ୍ଦକର୍ଣ୍ଣି |
ଜନ୍ମ | କରୱାରା, କର୍ଣ୍ଣାଟକ | ୨୭ ଅକ୍ଟୋବର ୧୯୫୪
ଶୈଳୀ | ପ୍ରଚ୍ଚଦପଟ୍ଟ ଗାୟନ, ଭଜନ |
ବାଦ୍ୟଯନ୍ତ୍ର | କଣ୍ଠଶିଳ୍ପୀ |
କାର୍ଯ୍ୟକାଳ | ୧୯୭୩ରୁ ବର୍ତ୍ତମାନ ପର୍ଯ୍ୟନ୍ତ |
୧୯୭୩ ମସିହାର ହିନ୍ଦୀ ଚଳଚ୍ଚିତ୍ର ଅଭିମାନରୁ ଅନୁରାଧା ନିଜର ବୃତ୍ତିଗତ ଜୀବନ ଆରମ୍ଭ କରିଥିଲେ । ମରାଠି ଚଳଚ୍ଚିତ୍ର ଯଶୋଦାରୁ ସେ ଲୋକପ୍ରିୟତା ଲାଭ କରିଥିଲେ । ଆଶିକି, ଦିଲ ହେ କି ମାନତା ନେହିଁ, ବେଟା, ସଡ଼କ, ଦିଲ ଓ ସାଜନ ଆଦି ତାଙ୍କର ସଫଳ ଚଳଚ୍ଚିତ୍ର ।
ଅନୁରାଧା ଓଡ଼ିଆରେ ଅନେକ ଚଳଚ୍ଚିତ୍ର ସଙ୍ଗୀତ ଓ ଭଜନ ଗାୟନ କରିଛନ୍ତି । ତୁଣ୍ଡ ବାଇଦ ଓ କଣ୍ଢେଇ ଆଖିରେ ଲୁହ ଚଳଚ୍ଚିତ୍ରରେ କଣ୍ଠଦାନ କରି ପ୍ରଚ୍ଚଦପଟ୍ଟ ଗାୟିକା ଭାବରେ ସେ ରାଜ୍ୟ ଚଳଚ୍ଚିତ୍ର ପୁରସ୍କାର ଲାଭ କରିଥିଲେ ।
ସେ ଗାଇଥିବା କିଛି ଲୋକପ୍ରିୟ ଭଜନ ଓ ଚଳଚ୍ଚିତ୍ର ଗୀତ :
ଅନୁରାଧା, କର୍ଣ୍ଣାଟକର କରୱାର ସହରରେ ଜନ୍ମଗ୍ରହଣ କରିଥିଲେ । ଜନ୍ମ ସମୟରେ ତାଙ୍କ ନାମ ଥିଲା ଅଳକା ନନ୍ଦକର୍ଣ୍ଣି । ସେ ସଙ୍ଗୀତ ନିର୍ଦ୍ଦେଶକ ଅରୁଣ ପୌଡ଼ୱାଲଙ୍କୁ ବିବାହ କରିଥିଲେ । ଆଦିତ୍ୟ ଓ କବିତା ନାମରେ ତାଙ୍କର ଗୋଟିଏ ପୁଅ ଓ ଝିଅ ଥିଲେ । ଝିଅ କବିତା ମଧ୍ୟ ଜଣେ କଣ୍ଠଶିଳ୍ପୀ । ପୁଅ ଆଦିତ୍ୟଙ୍କର ୨୦୨୦ ମସିହା ସେପ୍ଟେମ୍ବର ୧୨ ତାରିଖରେ ବୃକ୍କ ବିଫଳତା ଯୋଗୁଁ ପରଲୋକ ଘଟିଥିଲା ।
This article uses material from the Wikipedia ଓଡ଼ିଆ article ଅନୁରାଧା ପୌଡ଼ୱାଲ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.