ଅନୁରାଧା ପୌଡ଼ୱାଲ: ଭାରତୀୟ ଗାୟିକା

୧୯୭୩ ମସିହାର ହିନ୍ଦୀ ଚଳଚ୍ଚିତ୍ର ଅଭିମାନରୁ ଅନୁରାଧା ନିଜର ବୃତ୍ତିଗତ ଜୀବନ ଆରମ୍ଭ କରିଥିଲେ । ମରାଠି ଚଳଚ୍ଚିତ୍ର ଯଶୋଦାରୁ ସେ ଲୋକପ୍ରିୟତା ଲାଭ କରିଥିଲେ । ଆଶିକି, ଦିଲ ହେ କି ମାନତା ନେହିଁ, ବେଟା, ସଡ଼କ, ଦିଲ ଓ ସାଜନ ଆଦି ତାଙ୍କର ସଫଳ ଚଳଚ୍ଚିତ୍ର ।

ଓଡ଼ିଆ ଗୀତ

ଅନୁରାଧା ଓଡ଼ିଆରେ ଅନେକ ଚଳଚ୍ଚିତ୍ର ସଙ୍ଗୀତ ଓ ଭଜନ ଗାୟନ କରିଛନ୍ତି । ତୁଣ୍ଡ ବାଇଦ ଓ କଣ୍ଢେଇ ଆଖିରେ ଲୁହ ଚଳଚ୍ଚିତ୍ରରେ କଣ୍ଠଦାନ କରି ପ୍ରଚ୍ଚଦପଟ୍ଟ ଗାୟିକା ଭାବରେ ସେ ରାଜ୍ୟ ଚଳଚ୍ଚିତ୍ର ପୁରସ୍କାର ଲାଭ କରିଥିଲେ ।

ସେ ଗାଇଥିବା କିଛି ଲୋକପ୍ରିୟ ଭଜନ ଓ ଚଳଚ୍ଚିତ୍ର ଗୀତ :

• ଛଅ ଖଣ୍ଡ କାଠରେ ମୋ ହେବ ସବାରୀ
• ଆଖି ଦୁଇ ଯଦି ହେବୁରେ, କଜଳ ଗାର ମୁଁ ହେବି
• ଯାରେ ଯା ଉଡ଼ି ଉଡ଼ି ମନ ଚଢ଼େଇ
• କାଳିଆ ମୋ ଦେହେ ବୋଳିଦେ ତୋ ଦେହ କଳା
• କାଳିଆ ପାଖକୁ ଯାଇଥିଲି, କଳା ବଂଇଶୀଟେ ପାଇଥିଲି
• କାଳିଆରେ ମନ ବୋଲି ତୋର କିଛି ନାହିଁ
• କେରି କେରି ସୁନା ଦୁବ
• ମୁଁ ଯେ ଲାଜରେ ଚାହିଁ ପାରୁନି କଳା ମୁହଁକୁ
• ତୁ ବାଇଶୀ ପାହାଚରେ ଦେ ଟିକେ ଗଡ଼େଇଦେ
• ତାରିବା ଶକତି ଅଛି ବୋଲି
• ଆରେ ଆ ମୋର ସପନ ବଣିକ
• ଆଜି ମତେ ମିଳିଗଲା ମୋ ମନ ମୟୁରୀ
• ଆସିବ ବର ତୋର ହୋଇବ ବାହାଘର
• ବାଟୋଇ ଭାଇ ଯାଉଛ କାହିଁ
• ଚିଠି ମୋର ଟିକି ଚଢ଼େଇ

ଅନୁରାଧା, କର୍ଣ୍ଣାଟକର କରୱାର ସହରରେ ଜନ୍ମଗ୍ରହଣ କରିଥିଲେ । ଜନ୍ମ ସମୟରେ ତାଙ୍କ ନାମ ଥିଲା ଅଳକା ନନ୍ଦକର୍ଣ୍ଣି । ସେ ସଙ୍ଗୀତ ନିର୍ଦ୍ଦେଶକ ଅରୁଣ ପୌଡ଼ୱାଲଙ୍କୁ ବିବାହ କରିଥିଲେ । ଆଦିତ୍ୟ ଓ କବିତା ନାମରେ ତାଙ୍କର ଗୋଟିଏ ପୁଅ ଓ ଝିଅ ଥିଲେ । ଝିଅ କବିତା ମଧ୍ୟ ଜଣେ କଣ୍ଠଶିଳ୍ପୀ । ପୁଅ ଆଦିତ୍ୟଙ୍କର ୨୦୨୦ ମସିହା ସେପ୍ଟେମ୍ବର ୧୨ ତାରିଖରେ ବୃକ୍‌କ ବିଫଳତା ଯୋଗୁଁ ପରଲୋକ ଘଟିଥିଲା ।

 

• ପଦ୍ମଶ୍ରୀ - ୨୦୧୭
• ଜାତୀୟ ଚଳଚ୍ଚିତ୍ର ପୁରସ୍କାର ( ଶ୍ରେଷ୍ଠ ପ୍ରଚ୍ଚଦପଟ୍ଟ ଗାୟିକା ) - ୧୯୮୯
• ଓଡ଼ିଶା ରାଜ୍ୟ ଚଳଚ୍ଚିତ୍ର ପୁରସ୍କାର ( ଶ୍ରେଷ୍ଠ ପ୍ରଚ୍ଚଦପଟ୍ଟ ଗାୟିକା ) - ୧୯୮୭, ୧୯୯୭
• ପ୍ରଫୁଲ୍ଲ କର ସମ୍ମାନ - ୨୦୧୬
• ମହମ୍ମଦ ରଫୀ ସମ୍ମାନ - ୨୦୧୩ (ମହାରାଷ୍ଟ୍ର ସରକାରଙ୍କଦ୍ୱାରା ପ୍ରଦତ୍ତ)
• ମଦର ଟେରେସା ସମ୍ମାନ - ୨୦୧୧
• ଲତା ମଙ୍ଗେସକର ସମ୍ମାନ - ୨୦୧୦ (ମଧ୍ୟପ୍ରଦେଶ ସରକାରଙ୍କଦ୍ୱାରା ପ୍ରଦତ୍ତ)
• ଗୁଜରାଟ ରାଜ୍ୟ ତାନା-ରିରି ସମ୍ମାନ ୨୦୨୦-୨୧
• ଫିଲ୍ମଫେୟାର ପୁରସ୍କାର ( ଶ୍ରେଷ୍ଠ ପ୍ରଚ୍ଚଦପଟ୍ଟ ଗାୟିକା ) - ୧୯୮୬, ୧୯୯୧, ୧୯୯୨, ୧୯୯୩
• ଡି ଲିଟ ( ଡି ୱାଇ ପାଟିଲ ବିଶ୍ୱବିଦ୍ୟାଳୟ )