ଅଗର
ଇଣ୍ଡୋମାଲେସିଆନ ପ୍ରଜାତିର ୧୫ ପ୍ରକାର ବୃକ୍ଷ ମଧ୍ୟରୁ ଅଗର ବା ଅଗୁରୁ ହେଉଛି ଏକ । ଏହା ଥିମିଲେସ କୁଳର ବୋଲି ବୈଜ୍ଞାନିକମାନେ ମତ ଦେଇଛନ୍ତି । ଏହା ଏକ ଲମ୍ବା ଚିରହରିତ ବୃକ୍ଷ । ଏହାର ଲମ୍ବ ପାଖାପାଖି ୪୦ମିଟର ଯାଏ ବଢ଼ିଥାଏ ଏବଂ ମୋଟେଇ ୧.୫ରୁ ୨.୫ମିଟର ଯାଏ ହୋଇଥାଏ । ସମୁଦ୍ର ପତନଠାରୁ ୧୦୦୦ ମିଟର ଉଚ୍ଚତା ଭିତରେ ଏହି ବୃକ୍ଷମାନ ବଢ଼ିଥାନ୍ତି । ଭାରତ, ବାଙ୍ଗଲାଦେଶ, ଭୁଟାନ, ଇଣ୍ଡୋନେସିଆ, ମାଲେସିଆ, ମିଆଁମାର, ଫିଲିପାଇନସ, ସିଙ୍ଗାପୁର ଏବଂ ଥାଇଲାଣ୍ଡରେ ଏହି ଗଛ ବହୁଳ ଭାବରେ ଦେଖାଯାଏ । ଏହି ଗଛର କାଠ ଅତ୍ୟନ୍ତ ମୂଲ୍ୟବାନ ହୋଇଥାଏ । ଏହି କାଠଗୁଡ଼ିକ ଔଷଧ ପାଇଁ ମୁଖ୍ୟ ଦରକାରୀ ପଦାର୍ଥ ।
| ଅଗର | |
|---|---|
 | |
Conservation status | |
 Vulnerable (IUCN 2.3) | |
| ବିଜ୍ଞାନଭିତ୍ତିକ ଶ୍ରେଣୀବିଭାଗ | |
| ଜଗତ: | Plantae |
| ଅଶ୍ରେଣୀକୃତ: | Angiosperms |
| ଅଶ୍ରେଣୀକୃତ: | Eudicots |
| ଅଶ୍ରେଣୀକୃତ: | Rosids |
| ଗଣ: | Malvales |
| କୁଳ: | Thymelaeaceae |
| ପ୍ରଜାତି: | Aquilaria |
| ଜାତି: | A. malaccensis |
| ବାଇନୋମିଆଲ ନାମ | |
| Aquilaria malaccensis Lamk. | |
| Synonyms | |
| A. agallocha, | |
ଜୀବନ ଏବଂ ଆକାର
ଅଗର ବୃକ୍ଷ ବିଭିନ୍ନ ପ୍ରକାରର ମାଟିରେ ବଢ଼ିଥାଏ । ପଥୁରିଆ, ବାଲିଆ, କେଲୁଆ ତଥା ଉର୍ବର ମାଟିରେ ଏହି ଗଛ ଭଲଭାବରେ ବଢ଼ିପାରେ । ଏହି ବୃକ୍ଷ ସାଧାରଣତଃ ସମୁଦ୍ରପତନଠାରୁ ୦ରୁ ୮୫୦ ମିଟର ମଧରେ ବଢ଼ିଥାଏ ଏବଂ ସର୍ବୋଚ୍ଚ ୧୦୦୦ମିଟର ଭିତରେ ଭଲଭାବରେ ବଢ଼ିପାରେ । ଏହି ବୃକ୍ଷଗୁଡ଼ିକୁ ବଢ଼ିବା ପାଇଁ ସାଧାରଣତଃ ୨୦ରୁ ୨୨ ଡୀଗ୍ରୀ ତାପମାତ୍ରା ଆବଶ୍ୟକ ହୋଇଥାଏ ।
ଅଗର ଗଛରେ ମୁଖ୍ୟତଃ ୭ରୁ ୯ ବର୍ଷ ମଧ୍ୟରେ ଫୁଲ ଏବଂ ଫଳ ଆସିଥାଏ । ଏବଂ ମଧ୍ୟମ ଧରଣର ବୃକ୍ଷମାନ ୧.୫କିଲୋଗ୍ରାମ ପର୍ଯ୍ୟନ୍ତ ମଞ୍ଜି ଉତ୍ପନ କରିପାରେ । ମାଲେସିଆର ଜଙ୍ଗଲରେ ଏହି ଗଛର ମୋଟେଇ ବର୍ଷକୁ ହାରାହାରି ୦.୩୩ ସେଣ୍ଟିମିଟର ବଢ଼ିଥାଏ । ଏହି ଗଛଗୁଡ଼ିକ ୪୦ ମିଟର ଉଚ୍ଚ ହୋଇଥିବା ବେଳେ ଏହାର ଡାଳ ଗୁଡ଼ିକ ପାଖାପାଖି ୬୦ ସେଣ୍ଟିମିଟର ଯାଏ ମୋଟା ହୋଇଥାଏ ।
ଆଧାର
This article uses material from the Wikipedia ଓଡ଼ିଆ article ଅଗର, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.