კაშხალი
კაშხალი — ჰიდროტექნიკური ნოგაფუ, ნამუთ გინოკიდუნს წყარმალუს (ვარა შხვა წყაროლუს) მალობაშ ჟინი ნორთის წყარიშ დონეშ ეიოკინალო დო ნოგაფუშ ორენიშ აბანს წყარიშ დოწნევუაშ კონცენტრაციაშო დო წყაროჩუაშეშ აკაქიმინალო.
ჯვეშო კაშხალს უმენტაშო ირიგაციაშო კიდუნდეს. კაშხალიშ კიდუაშენ ჩინებეფი თხილერიე ეგვიპტეს (ჯვეში წანეფიშეკოროცხუაშ 4000), ინდოეთის (ჯვეში წანეფიშეკოროცხუაშ 4000), ჩინეთის დო შხვ. ჯვეშო თის უთარაშო დიხაშე ვარა ჯაშე ეთმიოგანდეს დო მორჩილ სიმაღალა უღუდჷ. კაშხალეფიშ კიდუაქ ფირჩას გიფაჩჷ ახალი წანეფიშეკოროცხუაშ XVI-XVII ოშწანურეფს, ოდო გჷშაკერძაფილო — XIX ოშწანურაშ II გვერდიშე, მუჟამც დიჭყეს ჰიდროელექტროსადგჷმეფიშ ეგაფან.
მეშანილობაშ მეჯინათ რსებენს წყაროჩუაშეშ დო წყარდაკინალი კაშხალეფი. რე თაშნეშე ჸუნგა დო წყარგინაშქუმალარი კაშხალეფი. ჯინჯიერი ოკიდალ მოღეშ მეჯინათ კაშხალი შილებე რდასჷნ დიხაშ, ქუაშ, აკოწყორილი, ბეტონიშ, რკინაბეტონიშ დო შხვ.
- დიხაშ კაშხალი – უჯვეშაშიე დო არძოშე ფირჩას რე გოფაჩილი.
- ქუაშ კაშხალი – იკიდუ ქუაშ, ხირეშიშ ვარა კალიშ გერღვაფათ.
- აკოწყორილი ტიპიშ კაშხალი – ქუალონიშე დო დიხაშე ვარა ქუალონი დო ბეტონიშე აკმოდირთუ.
- ბეტონიშ დო რკინაბეტონიშ კაშხალი – მუშ ჸურე 3 ბუნაშიე: გრავიტაციული, თაღუამი დო კონტრფორსეფამი.
- ჯაშ კაშხალი – რჩქვანელობურო წყარგინაშქუმალარ ხასიათიშიე.
შხირას წყარმალუს იკიდუ მორჩილ სიმაღალაშ წყარგუმატებუამი აკარღვაფალი კაშხალეფი. თინეფი აკმოდირთუ დაბალი არდგმულშე დო თის მინოდვალირ გიობიჯალეფშე დო ბარჯგეფშე.
საქორთუოს ოშინალიე ენგურიშ თაღუამი კაშხალი.
კაშხალეფს მოხვალამირი უშხუაში კატასტროფეფი
| თარიღი | კაშხალი | აბანი | დინაფილეფი | სურათი | |||||
|---|---|---|---|---|---|---|---|---|---|
| 1928 წანა | სენტ-ფრენსისი კაშხალი | ააშ | დოხოლ. 600 ადამიერი |  |  | ||||
| 1941 წელი 1943 წანა | დნეპროჰესი | უკრაინა | ვითოშობათ ადამიერი |  |  | ||||
| 1959 წანა | მალპასეს კაშხალი | საფრანგეთი | 423 ადამიერი |  | |||||
| 1963 წანა | ვაიონტიშ კაშხალი | იტალია | 2500 ადამიერი |  |  | ||||
| 1975 წანა | ბაინციაოშ კაშხალი | ჩინეთი | 171 ვითოში ადამიერი |
| |||||
გალერეა
-
ჰუვერიშ კაშხალი -
-
იტაიპუშ კაშხალი
რესურსეფი ინტერნეტის
- კაშხალი – ენციკლოპედია ბრიტანიკა (ინგლისური)
- კაშხალი – დიდი სხუნუეფიშ ენციკლოპედია Archived 2014-09-17 ვებ-ხასჷლას Wayback Machine.
- კოროცხუაფონი ერკებულიშ ელემენტი
{{ქიანაშ მუნაჩემეფი {{{1}}} | country flaglink2 | variant = | size = | name = | altlink = მორაგბეეფიშ ერუანული ნაკორობა | altvar = rugby }}
ლიტერატურა
- მოსტკოვი მ., ჰიდროტექნიკური ნოგაფუეფი რკინაშარაშ ტრანსპორტის., ქთ., 1960;
- მოწონოლიძე ნ., ჰიდროტექნიკური ნოგაფუეფი, ნორ., 1, ქთ., 1977;
- Ничипорович А. А., Плотины из местных материалов, М., 1973;
- Производство гидротехнических работ, М., 1970.
სქოლიო
This article uses material from the Wikipedia მარგალური (Margaluri) article კაშხალი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.