ᱰᱮᱢ ᱫᱚ ᱦᱩᱭᱩᱜ ᱠᱟᱱᱟ ᱢᱤᱫ ᱢᱟᱨᱟᱝ ᱟᱲᱮ ᱟᱨᱟᱵᱟᱝ ᱠᱟᱸᱛ, ᱡᱟᱦᱟᱸ ᱫᱚ ᱮᱥᱮᱫ ᱟᱨᱵᱟᱝ ᱴᱷᱟᱠᱮᱫ ᱫᱚᱦᱚ ᱠᱟᱜᱼᱟᱭ ᱟᱭᱢᱟ ᱫᱟᱜ ᱾ ᱰᱮᱢ ᱠᱚᱨᱮ ᱫᱚ ᱥᱤᱞᱯᱤᱧ ᱛᱟᱦᱮᱸ ᱠᱚᱜᱼᱟ, ᱞᱟᱹᱠᱛᱤ ᱡᱚᱠᱷᱟᱜ ᱟᱨᱵᱟᱝ ᱫᱟᱜ ᱰᱮᱢ ᱨᱮ ᱵᱟᱹᱲᱛᱤ ᱞᱮᱱ ᱚᱱᱟ ᱥᱤᱞᱯᱤᱧ ᱡᱷᱤᱡ ᱠᱟᱛᱮ ᱞᱟᱛᱟᱨ ᱥᱮᱫᱟᱜ ᱜᱟᱰᱟ, ᱱᱟᱞᱟ ᱨᱮ ᱫᱟᱜᱼᱮ ᱟᱲᱟᱜᱟᱜᱼᱟ ᱾ ᱵᱟᱹᱲᱛᱤ ᱠᱟᱛᱮ ᱞᱟᱹᱠᱛᱤ ᱤᱠᱛᱚ ᱨᱮᱜᱮ ᱫᱟᱜ ᱫᱚᱭ ᱟᱲᱟᱜᱟ, ᱡᱮᱢᱚᱱ ᱰᱮᱢ ᱥᱮᱫ ᱨᱮ ᱮᱱᱟᱜ ᱠᱤ ᱦᱚᱲ ᱠᱚ ᱱᱚᱣᱟ ᱨᱮᱱᱟᱜ ᱞᱟᱵᱽ ᱠᱚ ᱧᱟᱢ ᱫᱟᱲᱮᱭᱟᱜᱼᱟ ᱢᱟ ᱾ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱩᱥᱩᱞ ᱰᱮᱢ ᱫᱚ ᱦᱩᱭᱩᱜ ᱠᱟᱱᱟ ᱛᱟᱡᱤᱠᱤᱥᱛᱟᱱ ᱨᱮᱱᱟᱜ ᱱᱩᱨᱮᱠ ᱰᱮᱢ ᱡᱟᱦᱟᱸ ᱨᱮᱱᱟᱜ ᱩᱥᱩᱞ ᱫᱚ ᱦᱩᱭᱩᱜ ᱠᱟᱱᱟ ᱓᱐᱐ ᱢᱤᱴᱚᱨ ᱾
ᱛᱤᱢᱤᱱ ᱜᱟᱱ ᱰᱮᱢ ᱮᱛᱚᱦᱚᱵ ᱫᱚ ᱢᱮᱥᱚᱯᱚᱴᱟᱢᱤᱭᱟ ᱨᱮ ᱗᱐᱐᱐ ᱥᱮᱨᱢᱟ ᱢᱟᱬᱟᱝ ᱨᱮ ᱠᱚ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱱᱮᱛᱟᱨᱟᱜ ᱰᱮᱢ ᱠᱚᱫᱚ ᱢᱮᱬᱦᱮᱫ ᱨᱚᱰ ᱟᱨ ᱥᱤᱨᱢᱤᱴ ᱛᱮ ᱠᱚᱝᱠᱨᱤᱴ ᱰᱷᱟᱹᱞᱟᱹᱭ ᱠᱟᱛᱮ ᱠᱚ ᱛᱮᱭᱟᱨᱮᱫᱼᱟ ᱾ ᱰᱷᱟᱹᱞᱟᱹᱭ ᱟᱲᱮ ᱫᱚ ᱟᱹᱰᱤ ᱠᱮᱴᱮᱡ ᱛᱟᱦᱮᱸᱱᱟ ᱟᱨ ᱟᱹᱰᱤ ᱰᱮᱦᱮᱨ ᱫᱟᱜᱼᱮ ᱴᱷᱟᱠᱮᱫ ᱴᱟᱨᱦᱟᱣ ᱫᱟᱲᱮᱭᱟᱜᱼᱟ ᱾ ᱥᱮᱫᱟᱭ ᱫᱚ ᱦᱟᱥᱟ ᱟᱲᱮ ᱜᱮ ᱢᱟᱨᱟᱝ ᱟᱨ ᱫᱷᱤᱨᱤ ᱛᱮ ᱟᱴᱮᱫ ᱯᱷᱤᱪᱤᱝ ᱠᱟᱛᱮ ᱠᱚ ᱵᱮᱱᱟᱣ ᱛᱟᱦᱮᱸᱫ ᱾ ᱱᱚᱝᱠᱟ ᱦᱚᱸ ᱠᱮᱴᱮᱡ ᱜᱮᱭᱟ ᱢᱮᱱᱠᱷᱟᱱ ᱰᱷᱟᱹᱞᱟᱹᱭ ᱞᱮᱠᱟ ᱩᱱᱟᱹᱜ ᱫᱚ ᱵᱟᱝᱟ ᱾
ᱟᱭᱢᱟ ᱚᱡᱮ ᱤᱫᱤ ᱠᱟᱛᱮ ᱦᱚᱲ ᱰᱮᱢ ᱠᱚ ᱛᱚᱞ ᱮᱫᱼᱟ ᱾ ᱛᱤᱢᱤᱱ ᱜᱟᱱ ᱫᱤᱥᱚᱢ ᱫᱚ ᱞᱤᱸᱡᱤᱜ ᱠᱟᱱ ᱛᱟᱜ ᱴᱷᱟᱠᱮᱫ ᱫᱚᱦᱚᱭ ᱞᱟᱹᱜᱤᱫ ᱰᱮᱢ ᱠᱚ ᱛᱮᱭᱟᱨᱮᱫᱼᱟ ᱥᱟᱶᱛᱮ ᱟᱥᱟᱲ ᱫᱤᱱ ᱮᱸᱟᱱ ᱠᱚᱨᱮ ᱦᱩᱭᱩᱜ ᱠᱟᱱ ᱵᱟᱱ ᱮᱢᱟᱱ ᱠᱚ ᱠᱷᱚᱱ ᱫᱩᱜ ᱞᱟᱹᱜᱤᱫ ᱦᱚᱸ ᱾ ᱛᱤᱢᱤᱱ ᱜᱟᱱ ᱫᱤᱥᱚᱢ ᱫᱚ ᱰᱮᱢ ᱠᱚ ᱵᱚᱱᱟᱣᱮᱫᱼᱟ ᱤᱞᱮᱴᱨᱤᱥᱤᱴᱤ ᱢᱮᱱᱫᱚ ᱵᱤᱡᱽᱞᱤ ᱛᱮᱭᱟᱨ ᱞᱟᱹᱜᱤᱫ ᱦᱟᱭᱰᱨᱤ ᱤᱞᱮᱠᱴᱨᱤᱠ ᱴᱚᱨᱵᱟᱭᱤᱱ ᱡᱮᱱᱮᱨᱮᱴᱚᱨ ᱞᱟᱜᱟᱣ ᱠᱟᱛᱮ ᱾ ᱛᱤᱢᱤᱱ ᱜᱟᱱ ᱫᱤᱥᱚᱢ ᱫᱚ ᱪᱟᱥ ᱠᱟᱹᱢᱤ ᱟᱨ ᱡᱚᱢ ᱧᱩ ᱨᱮ ᱫᱟᱜ ᱵᱮᱵᱷᱟᱨ ᱞᱟᱹᱜᱤᱫ ᱰᱮᱢ ᱠᱚ ᱛᱮᱭᱟᱨᱮᱫᱼᱟ ᱾
ᱡᱮᱜᱮᱛ ᱨᱮ ᱟᱭᱢᱟ ᱰᱮᱢ ᱠᱚ ᱛᱚᱞ ᱟᱠᱟᱫᱼᱟ, ᱚᱱᱟ ᱢᱩᱸᱫᱽ ᱠᱷᱚᱱ ᱡᱤᱛᱚ ᱠᱷᱚᱱ ᱢᱟᱨᱟᱝ ᱰᱮᱢ ᱠᱚ ᱨᱮᱱᱟᱜ ᱞᱤᱥᱴᱤ ᱞᱟᱛᱟᱨ ᱨᱮ ᱮᱢ ᱮᱱᱟ ᱾
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Dams ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
This article uses material from the Wikipedia ᱥᱟᱱᱛᱟᱲᱤ article ᱰᱮᱢ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.