Sysselmeisteren På Svalbard
Sysselmeisteren på Svalbard, tidlegare Sysselmannen på Svalbard, er regjeringa i Noreg si øvste representant på øygruppa Svalbard, som er underlagd Justis- og beredskapsdepartementet.
| Sysselmeisteren på Svalbard | |||
 | |||
 Hovudkontoret på Svalbard. Foto: Erlend Bjørtvedt | |||
| Org.form | Organisasjonsledd | ||
|---|---|---|---|
| Org.nr. | 971456523 | ||
| Skipa | 17. juli 1925 | ||
| Eigar | Justis- og beredskapsdepartementet | ||
| Morselskap | Justis- og politidepartementet | ||
| Hovudkontor | Longyearbyen | ||
| Land | Noreg | ||
| Tilsette | 37 | ||
| Nettstad | sysselmannen.no | ||
Organisasjon
Sysselmeisteren har same myndigheit som ein statsforvaltar, men han er òg politimeister og notarius publicus, i tillegg til å ha andre offentlege funksjonar jf. svalbardlova § 5. Han skal vidare sjå etter at rettane og ansvaret Noreg har, etter Svalbardtraktaten, vert overheldt.
Sysselmeisteren på Svalbard vert tilsett for tre år med mogelegheit for ei forlenging med inntil to år. Sysselmeisteren held til i Longyearbyen med totalt 37 personar som arbeider i etaten. Sidan 2021 har Lars Fauske vore sysselmeister på Svalbard.
Namn
Den offisielle tittelen sysselmann, og kjend som syslemann, vart endra av regjeringa Solberg til sysselmeister den 1. juli 2021 av di ein ynskja å ha ein kjønnsnøytral tittel. Fylgjeleg fekk sysselmeisteren på Svalbard også ein ny logo.
Tidlegare syslemenn
- 2015–2021 : Kjerstin Askholt
- 2009–2015 : Odd Olsen Ingerø
- 2005–2009 : Per Sefland
- 2005–2005 : Sven Ole Fagernæs
- 2001–2005 : Odd Olsen Ingerø
- 1998–2001 : Morten Ruud
- 1995–1998 : Ann-Kristin Olsen
- 1991–1995 : Odd Blomdal
- 1986–1991 : Leif Eldring
- 1982–1986 : Carl A. Wendt
- 1978–1982 : Jan S. Grøndahl
- 1974–1978 : Leif Eldring
- 1970–1974 : Frederik Beichmann
- 1967–1970 : Stephen Stephensen
- 1963–1967 : Tollef Landsverk
- 1960–1963 : Finn Backer Midbøe
- 1956–1960 : Odd Birketvedt
- 1945–1956 : Håkon Balstad
- 1935–1942 : Wolmer Marlow
- 1933–1935 : Helge Ingstad (fullmektig)
- 1932–1933 : Wolmer Marlow (konstituert sysselmann)
- 1925–1935 : Johannes Gerckens Bassøe
Kjelder
This article uses material from the Wikipedia Nynorsk article Sysselmeisteren på Svalbard, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.