San Marino I San Marino

Byen har om lag 4500 innbyggjarar. Han ligg på vestsida av det høgaste fjellet i San Marino, Monte Titano.

San Marino
Flagget til San Marino i San Marino Byvåpenet til San Marino i San Marino
Styresmakter
Land	San Marino
Grunnlagd	4. september 301 (tradisjonell dato)
Capitano	Alessandro Barulli
Geografi
Flatevidd	7,09 km²
Flatevidd  - By	7,09 km²
Innbyggjarar  - By (2003)    - folketettleik	4493   634/km²
Koordinatar	43°56′N 12°26′E / 43.933°N 12.433°E / 43.933; 12.433
Høgd over havet	749 m
Tidssone - Ved sommartid	CET (UTC+1) CEST (UTC+2)
Diverse anna
Postnummer	RSM-47890
Plassering

Sjølv om han er hovudstaden, ligg dei fleste føretaka i Borgo Maggiore. Han er den tredje største byen i landet, etter Dogana og Borgo Maggiore. Han grensar til dei sanmarinske kommunane Acquaviva, Borgo Maggiore, Fiorentino og Chiesanuova, samt den italienske kommunen San Leo.

Akademio Internacia de la Sciencoj San Marino ligg her.

Byen vart grunnlagd av Sankt Marinus og fleire kristne flyktningar i år 301. Frå den gong vart byen eit senter for kristne flyktningar som flytta frå forfølginga til romarane. Som følgje av dette vart byen den eldste republikken i Europa, for området til republikken den gong omfatta berre byen San Marino.

Hjarte av byen vart verna tre torn, det første Guaita, vart bygd på 1000-talet, og var kjend for å vere umogeleg å ta. Dette var medverkande til at byen stort sett fekk vere i fred.

Under krosstoga følte ein at det var naudsynt å byggje eit nytt tårn, Cesta (1200-talet). Men det sanmarinske forsvarssystemet var ikkje komplett før eit tredje tårn vart bygd, Montale (1300-talet) - det minste av dei, som vart bygd på den høgaste toppen Monte Titano.

Etter kvart som folketalet auka voks landområdet til byen med eit par kvadratkilometer. Sidan sanmarinarane hadde som mål å ikkje invadere eller gå til krig for å oppnå nye landområde, fekk dei tak i dei andre ni castelli som utgjer republikken San Marino gjennom kjøp og avtalar.

Byen San Marino er delt inn i følgjande kretsar (curazie):

• Cà Berlone, Canepa, Casole, Castellaro, Montalbo, Murata, Santa Mustiola

Økonomien til byen er tett knytt til økonomien til heile landet. Nyleg var ein av hovudnæringane hogging av stein, men i dag er økonomien meir variert og omfattar turisme, handel, sal av frimerke og ein liten jordbruksindustri.

 

 

Turisme

Byen vert vitja av meir enn tre millionar menneske kvart år og har etter kvart utvikla seg til eit turistsenter. Av turistane er 85 % italienarar.

Attraksjonar

• Palazzo dei Capitani
• Palazzo Pubblico
• Dei tre tårna i San Marino
• Piazza del Titano
• Piazza Garibaldi
• Klosteret Santa Clara
• Grand Hotel San Marino

Transport

Byen er kjend for lange, svingete brusteinsgater. I store delar av byen er det ikkje lov med motoriserte køyretøy.

Før den andre verdskrigen vart det bygd jernbane frå byen til Rimini under Benito Mussolini. Tunnelane og jernbanestasjonen finst framleis. Det har vore snakk om å opne jernbanelinja på ny.

• Valentina Monetta, songar