Nibiru

Oppfatninga om at ein slik kollisjonskatastrofe kan ventast i nær framtid er ikkje støtta av vitskaplege bevis, og astronomer har avvist henne som pseudovitskap eller ein internettbløff.

Påstanden om Nibiru og den framtidige kollisjonen vart lagd fram i 1995 av Nancy Lieder, grunnleggaren av nettstaden ZetaTalk. Lieder hevdar å vera ein UFO-kontaktperson som er i stand til å motta informasjon frå innbyggarane i Zeta Reticuli-stjernesystemet via eit implantat i hjernen sin. Han hevdar at han har vorte vald til å åtvara menneskja om ein lekam som vil trenga seg inn i det indre av solsystemet, og forårsaka at rotasjonsaksen til jorda og polane plutseleg skiftar, og øydelegg det meste av menneksja. Han spådde først at dette ville henda i mai 2003, men han har sidan flytt spådommen sin til ein seinare dato. Spådommen har spreidd seg frå nettstaden til Lieder og til fleire dommedagsgrupper på internettet, derav dei fleste kopla han til 2012-fenomenet. Namnet «Nibiru» kjem frå verka til den gamle astronauten Zecharia Sitchin og tolkingane hans av babylonske og sumeriske mytar. Likevel nekta Sitchin sjølv for at verka hans hadde noko å gjera med påstandar om ein framtidig global katastrofe.