Pátmos
Pátmos (gresk Πάτμος) er ei øy i Hellas og den nordlegaste øya i Dodekanesane i Egearhavet.
Ho har om lag 3 000 innbyggjarar og eit areal på 34,6 km². Det høgaste punktet er Profítis Ilías på 269 moh.
| Pátmos Lokalt namn Πάτμος | |
|---|---|
 Skála på Pátmos | |
| Geografi | |
 | |
| Stad | Egearhavet |
| Koordinatar | 37°19′N 26°30′E / 37.317°N 26.500°E |
| Øygruppe | Dodekanesane
|
| Areal | 34,6 km²
|
| Høgaste punkt | Profitis Ilias (269 moh.)
|
| Administrasjon | |
| Land | Hellas |
| Periferi Periferieining | Dei sørlege egeiske øyane Kálymnos |
| Største busetnad | Pátmos (541 innb.)
|
| Demografi | |
| Folketal | 3 047 (2011) |
| Folketettleik | 67,7 /km² |
Pátmos er eigen kommune, og frå 2011 høyrer øya administrativt til under periferieininga Kálymnos i periferien Dei sørlege egeiske øyane. Kálymnos er hovudstad i periferieininga.
Dei største landsbyane på øya er Khóra eller Pátmos (hovudbyen) og Skála, den einaste kommersielle hamna. Andre landsbyar er Gríkos og Kámbos. Aust for Pátmos ligg øygruppene Arkí, som høyrer til Pátmos kommune, og Lipsí, som er eigen kommune.
Ved folketeljinga i 2011 hadde kommunen Pátmos 3 047 innbyggjarar, medan tettstaden med same namn hadde 541 innbyggjarar.
Pátmos er mest kjend for å vere nemnd i Johannes' openberring, og forfattaren apostelen Johannes var i eksil på Pátmos då han skreiv boka. På grunn av dette har Pátmos vore ein kristen pilegrimstad. Pilegrimar og turistar kan sjå grotta der Johannes fekk openberringa si. Fleire kloster på øya er tileigna Johannes.
Sommaren 2006 vart det historiske sentrumet på øya (Khóra) med St. Johannes-klosteret og openberringsgrotta ein del av UNESCO si verdsarv.
Historie
Øya vart styrt av tyrkarane i mange år. Pátmos vart erobra av italienarane i 1912 under den tyrkisk-italienske krigen. I 1915 vart Pátmos framleis under italiensk kontroll. Pátmos vart avstått til Hellas etter den andre verdskrigen.
Pátmos er i dag ein turistattraksjon på grunn av dei naturskjønne omgivnadane og dei religiøse heilagdomane.
Byar og tettstader
Byane og tettstadene i kommunen er:
| Tettstad | Folketal 2011 |
|---|---|
| Skála | 1 747 |
| Kámbos | 633 |
| Pátmos (Khóra) | 541 |
| Grígos | 77 |
| Arkí | 44 |
Småøyar i kommunen:
- Arkí (44)
- Maráthi (5)
- Aváptistos (0)
- Ajía Thékla (0)
- Ájos Jeórjos (0)
- Agreloússa (0)
- Anýdro (0)
- Kalóvolos (0)
- Kómaros (0)
- Makronísi (0)
- Nerá (0)
- Petrokáravo (0)
- Skláves (0)
- Syneronísi (0)
- Spathathonísi (0)
- Strongyló (0)
- Tragonísi (0)
- Tsoúka (0)
- Tsoukáki (0)
- Khiliomódi (0)
- Psathonísi (0)
Referansar
Bakgrunnsstoff
Kjelde
This article uses material from the Wikipedia Nynorsk article Pátmos, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.