Selderie (Apium graveolens) is een plant uut de Schärmbloemenfemilie (Apiaceae of Umbelliferae).
De plante stiet op de Nederlaandse Rode Lieste as aorig zelsem en as slim of enömmen in et wild. In et wild kump de plante veur langes de kuste waoras et nat is met zilte töt brakke gronden. De plante kump mangs ok veur langes sloten.
Verschillende varianten van selderie wördt gebruukt deur de luu. Dit bint bladselderie (Apium graveolens var. secalinum), bleekselderie (A. graveolens var. dulce) en knolselderie (A. graveolens var. rapaceum). Van zowel bleekselderie as bladselderie wördt de bladstealen egetten, van bladselderie ook de blader. Van knolselderie wördt de knolle egetten die körtbi'j boaven de grond gruuit. Ook de ni'je jonge blader van knolselderie bint goed te lieden as die egetten wördt. Van alle drie de vörms wördt ook soep emaakt.
Bi'j luu die voedselallergie hebt kump een allergie veur selderie vri'j väke veur.
In de Oldheid had ze de selderiekrans als pries van de Nemeïsche Spöllen ter ere van Zeus.
Dit artikel is eskreaven in et sallandsk. |
This article uses material from the Wikipedia Nedersaksisch article Selderie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.