Erwin Nyhoff

Hi'j zingt miest in 't Engels, mar hef ok in 't Sallaans op-eneumen.

The Prodigal Sons

In de jaoren neengtig was hi'j slim succesvol mit zien band The Prodigal Sons, die mit 't debutalbum Wine of Life (1993) kats goed op 'e kaorte kwaamp te staon. De band speulden op 't Pinkpop-festival (1994) in Laandgraof en tweimaol op 't prestigieuze South by South West-festival in Austin, Texas (1995 en 1997). 't Tweide album In the Eye of a Stranger (1995) harren de mèensen veule minder oog veur.

Stille tied

The Prodigal Sons gungen in 1997 uut menare, waornao 't een tiedlaank stille was rond Erwin Nyhoff. Hi'j speulden mit een gelegenheidsbandtien in 't akoestische circuit, mar har tied neudig um humzölf muzikaal weerumme te vienen. Hi'j leverden bi'jdragen an tribute-cd's veur Boudewijn de Groot en Doe Maar, en trad op mit de originele slagwarker en gitarist van Elvis Presley, respectievelijk DJ Fontana en Scotty Moore.

Solo-carrière

Bi'j een optreden veur 't radiopregramma Leidsekade Live vund hum een mitwarker van Warner Music Benelux. Bi'j dit label brocht Erwin Nyhoff in 2001 't 't album Take Your Time uut, in Nashville op-eneumen en eproduceerd deur Richard Dodd. Mit dit album kwaamp Nyhoff as solo-muzikaant naor veuren. Sindsdien toert hi'j regelmaotig mit verskillende samenstellings deur Nederlaand.

Nyhoff zien hitsingle You Still Think kuj heuren in de speulfilm van Robert Jan Westdijk Phileine zegt sorry (2003), naor een roman van Ronald Giphart.

In 2011 zingt Erwin in The Voice of Holland, hi'j zat bie Angela Groothuizen. Hee is daor daarde eworden.

Discografie

As Erwin Nyhoff

Take Your Time (2001)
Songs for You (single, 2001)
About Our Love (single, 2001)

Mit The Prodigal Sons

You Still Think (1996)
Misty Rain (single, 1996)
Cool It (single, 1996)
China (single, 1995)
In the Eye of a Stranger (1995)
Wine of Life (1994)
In Another Land (1993)
That's When I Love You (single, 1993)
Wine of Life (1993)
Shut Your Mouth (single, 1992)

Bronnen

Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.

This article uses material from the Wikipedia Nedersaksisch article Erwin Nyhoff, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.