'n Burger is simpel ezegd 'n inwoner van 'n gemiente of van 'n stoat.
Dus as 't zo bekekken wörd mag iederiene zich een burger numen.
Mar d'r bint luu die weer zegt dat iederiene die gien militaire functie bekleedt, of nog breeder ezegd, iederiene die gien uniform an hef (pliesie-agent, soldaot, etc.) 'n burger is.
As bevoegelik naamwoord hef 't vake de betiekenisse (verwant an die van kleinburgerlik) van 'nie veul pretentieus, slechte smaak, bekrömpen, niet beheurend töt de bettere kringen'. Bi'j de heugere klasses war 't gebruuk van dit woord (net as ordinair, vulgair, beschaafd en plebs) nie gaanks, hoewel 't d'r sinds circa 1950 toch hier en daor in-esleupen is. 'Ie heurt nie op aanderen neere te kieken'.
Burgerlik is eglik mar 'n muuilik uut te leggen meniere van leven, waor völle meensen dan ok 't liefs met 'n boogchie um hen lopen wilt. Kleinburgerlikheid en grootburgerlikheid staot beide veur 'tzölfde, allinnig red 'n grootburger in 'n dikke auto en de kleinburger mut 't doen met 'n gammel evulde sokke. Burgerlikheid op zich is 'n oppervlakkige meniere van leven, waorin gien hedonisties genot, gien filosofiese zölfontplooiing 'n echte rolle speult, mar gewoon zich toegef an de veurspelbare sleur van alledag, onverklaorde en onbegrepen sociale regels, een mooi veurdoen naor de butenwereld toe en 't met 'n boogchie um muuilike en umstreden beslissingen hen lopen. Burgerlikheid wördt eziene as 't tegenover-estelde van individualisme en zölfontplooiingsdrang.
Dit artikel is eskreaven in et sallandsk. |
This article uses material from the Wikipedia Nedersaksisch article Burgerlikheid, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.