Silicon Valley

In disse streake huset vöäle technologiebedryve, wåründer een paar van de gröätste in de wearld. Anvangelik verweys de term når de vöäle bedryve dee gangs warren med siliciumskyve maken en verbeateren, mär rechtevoord verwist et up alle hitechbedryve in et gebeed. "Silicon Valley" geldet rechtevoord selvs as metonym vöär de heyle amerikaanske technologysektor.

Al sint der heyl wat verskillende gebeden vöär hitechindudstry in de VS, toch blivt Silicon Valley et centrum vöär hitech-innovaty. By mekander geyt eyn-darde van investeringen van dorvkapitaal når Silicon Valley. Wat bekende bedryve dee as der sittet sint unde meyr Apple, Hewlett-Packard, Intel, Sun Microsystems, eBay, Google, AMD, Facebook en McAfee.

Een grout antal universiteiten ståt rund Silicon Valley en et is een populär gebeed vöär hougupleide technöten uut de wearld. binnen et gebeed ligget ungevear de völgende städen: San Jose, Santa Clara, Milpitas, Mountain View, Sunnyvale, Los Gatos, Palo Alto, Fremont en Saratoga. San Jose nöömt sikselv de "höyvdstad van Silicon Valley". Binnen et gebeed ligget twey luchthavens: den van San Jose en den van San Francisko.

"Silicon Valley" is synonym wörden vöär een gebeed wår as vöäruutstreavende technology maked wördt. Andere steades up de wearld med hougtechnologiske industry wordet der når vernöömd, so as Bangalore (et "Indiaske Silicon Valley"), Flanders Language Valley (et "Vlaamske Silicon Valley") en Sophia Antipolis bij Valbonne, et süüdfranske Telecom Valley.

Under meyr de volgende bedryve hebbet een höyvdkantoor in Silicon Valley:

• Eva de Valk, Silicon Valley: waar de toekomst wordt gemaakt, Uitgeverij Lebowski, Amsterdam, 2014, ISBN 9789048818822.
• Peter Hinssen, Steven Van Belleghem & Harry Demey, The Spirit of the Valley, Uitgeverij LannooCampus, Tielt, 2015, ISBN 9789401426558.

Commons: Silicon Valley - plaatjes, filmkes en/of gelüüdsbestanden.