Грамадзянства
Грамадзянства — палітыка-прававая прыналежнасць асобы да пэўнай дзяржавы.
На грамадзяніна пашыраецца суверэнітэт гэтай дзяржавы і ён карыстаецца дзяржаўнай аховай сваіх правоў і законных інтарэсаў як унутры краіны, так і па-за яе межамі. У манархічных дзяржавах паняццю «грамадзянства» адпавядае тэрмін «падданства». Парадак набыцця або страты грамадзянства рэгулюецца заканадаўствам кожнай дзяржавы. Заканадаўства пераважнай большасці дзяржаў адрознівае набыццё грамадзянства пры нараджэнні (філіяцыя), у парадку натуралізацыі або ўкаранення. Пры вырашэнні пытання аб набыцці грамадзянства пры нараджэнні выкарыстоўваецца два прынцыпы: нацыянальны (т.зв. «прынцып права крыві»), паводле якога грамадзянства дзіцяці залежыць ад грамадзянства бацькоў, і тэрытарыяльны (т.зв. «прынцып права глебы»), калі грамадзянства абумоўлена месцам нараджэння і не звязана з грамадзянствам бацькоў. У заканадаўстве большасці замежных краін спалучаюцца два гэтыя прынцыпы з выкананнем пэўных абавязковых умоў.
 |
| Канстытуцыйна-прававы статус фізічных асоб |
| Асноўныя статусы |
| Грамадзянства Падданства |
| Дадатковыя статусы |
| Бежанец Асоба, якая шукае сховішчы |
| Спадарожныя паняцці |
| Натуралізацыя Дэпартацыя |
Грамадзянства Беларусі
Паводле закона Беларусі «Аб грамадзянстве Рэспублікі Беларусь» ад 18.10.1991 яе грамадзянамі з'яўляюцца асобы, якія пастаянна жылі на тэрыторыі Беларусі на дзень уступлення ў сілу гэтага закона, і асобы, якія набылі беларускае грамадзянства ў адпаведнасці з гэтым законам. У Беларусі грамадзянства з'яўляецца роўным для ўсіх грамадзян дзяржавы, незалежна ад падстаў яго набыцця, ніхто з іх не можа быць пазбаўлены грамадзянства або адвольна пазбаўлены права змяніць грамадзянства. Падставы і парадак набыцця грамадзянства, яго спынення, змянення і іншае вызначаны заканадаўствам. Дакументам, які сведчыць аб беларускім грамадзянстве, з'яўляецца пашпарт грамадзяніна Беларусі.
Гл. таксама
- Канстытуцыйнае права
- Рымскае грамадзянства
- Біпатрыд
- Апатрыд
Літаратура
- Чалавек і грамадства: Энцыклапедычны даведнік. Мінск: Беларуская Энцыклапедыя, 1998. ISBN 985-11-0108-7
- Грамадзянства і апатрыдства: кіраўніцтва для парламентарыяў (англ.) Міжпарламенцкі саюз, 2005 ISBN 92-9142-262-2
- Еўрапейская канвенцыя пра грамадзянства, СЁЕ, 1997
Спасылкі
- Партал Савета Еўропы пра грамадзянства (англ.) (фр.)
- Абсерваторыя па дэмакратыі ў Еўрапейскім саюзе — грамадзянства Архівавана 21 снежня 2017. (англ.)
- Цэнтр вывучэння праблем грамадзянства і ідэнтычнасці Архівавана 2 лістапада 2014.. Праект Інстытута Філасофіі РАН, прысвечаны спецыфіцы грамадзянства і нацыянальнай ідэнтычнасці ва ўмовах глабалізацыі
This article uses material from the Wikipedia Беларуская article Грамадзянства, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.