Augmented Reality
Augmented Reality (vake afekörted töt AR) is ne variant up virtuele warkelikheid.
Hyrby wördt ne weadergave van de warkelikheid digitaal uutbouwd of 'versyrd' med digitale informatie. De programmatuur bekikt de höygde-deepteverholdingen en past et projekteerde beald dårup an. Dat gevt de illusy dat et projekteerde medbewegt med et echte leaven. De sichtbåre beleaving kan uutbouwd worden med hülpe van geluud en andere sintügelike prikkels.
En vöärbeald van Augmented Reality was et populäre klookfoonspelleke Pokémon Go, wårby as spöllers fiktive karakters musten versammelen dee in et beald van öären kamera-app projekteerd wörden. Oaver de GPS-funkty kunde et spelleke byholden wår as nen spöller was en angeaven of der nen Pokémon in de nöägde was.
Nen anderen förm van AR sint de Sociale Filters up platförme as Facebook, SnapChat en Instagram, wårmed as gebrukers sik allerhande versyringen up et gesichte köänet projekteren.
Augmented Reality büdt ouk möägelikheiden in de verkoup van produkten. Besökers van webshops köänet produkten med AR 'in huus' halen en et in de eygen rüümte bekyken. Möbels en kleyder köänet sou al digitaal in et eygene interiöör epasd worden, sunder en proovmodel an te halen.
This article uses material from the Wikipedia Nedersaksisch article Augmented Reality, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.