ဘေဘီလုံ သည် ရှေးခေတ်ကမ္ဘာ၏ ဩဇာအရှိဆုံး ဧကရာဇ်အချို့ အုပ်ချုပ်ခဲ့သည့် ရှေးဟောင်းမြို့ဖြစ်သည်။ ၎င်းသည် ဘေဘီလုံ အင်ပါယာ ၏မြို့တော်ဖြစ်ပြီး ၎င်းသည် ကူးသန်းရောင်းဝယ်ရေး၊ အနုပညာနှင့် သင်ယူမှု ဆိုင်ရာ ဗဟိုချက်အဖြစ် သတ်မှတ်ခံထားရပြီး ကမ္ဘာပေါ်တွင် အကြီးဆုံးအစောပိုင်းမြို့ ဖြစ်မည်ဟု ခန့်မှန်းရပြီး လူဦးရေ ၂၀၀,၀၀ အထက်သို့ ပထမဆုံးရောက်ရှိသည့် မြို့လည်းဖြစ်သည်။
ဘေဘီလုံ* | |
---|---|
UNESCO ကမ္ဘာ့အမွေအနှစ်နေရာများ | |
တည်ရှိသည့် နိုင်ငံ | အီရတ် |
အမျိုးအစား | ယဉ်ကျေးမှု |
ရွေးချယ်သည့်စံနှုန်း | iii,vi |
ကိုးကား | ၂၇၈ |
ဒေသ** | အာရပ်နိုင်ငံများ |
သတ်မှတ်ခြင်း မှတ်တမ်း | |
စတင်သတ်မှတ်ခြင်း | ၂၀၁၉ (၄၃ကြိမ်) |
* ယူနက်စကိုကမ္ဘာ့အမွေခံစာရင်းတွင် ရေးထိုးထားသောအမည် ** ယူနက်စကိုမှ ခွဲခြားသတ်မှတ်ထားသောဒေသ |
လက်ရှိတွင် ၎င်းသည် ရှေးဟောင်းသုတေသနနယ်မြေတစ်ခုဖြစ်ပြီး ရှေးဟောင်းသုတေသန နယ်နိမိတ်အတွင်း လူဦးရေ ထောင်ဂဏန်း နှင့် ကျေးရွာအနည်းငယ်သာရှိသော်လည်း မကြာသေးမီ နှစ်များအတွင်းက ဆောက်လုပ်ရေးလုပ်ငန်းများ အရှိန်အဟုန်ဖြင့် တိုးမြင့်လာပြီး အချို့မှာ အပျက်အစီးများ အပေါ်သို့ ကျူးကျော် ဝင်ရောက်လာခြင်းဖြစ်သည်။ ရှေးဟောင်းသုတေသနနေရာသည် ယနေ့ခေတ် အီရတ်နိုင်ငံ ဘာဘေး အုပ်ချုပ်ရေးဒေသ ဟီလာရှိ ဘဂ္ဂဒက်မြို့ နှင့် ၈၅ ကီလိုမီတာ (၅၃ မိုင်) ခန့်အကွာတွင် တည်ရှိပြီး ၎င်း၏ နယ်နိမိတ်များသည် ဧရိယာ ၁၀၅၄.၃ ဟက်တာခန့်ရှိသော ရှေးဟောင်း အပြင်မြို့ရိုးများ၏ ပတ်ဝန်းကျင်ကို အခြေခံထားသည်။ ဘေဘီလုံ ကို ယူနက်စကို မှ ကမ္ဘာ့အမွေအနှစ်နေရာ အဖြစ် စာရင်းသွင်းထားပြီး နှစ်စဉ် ထောင်နှင့်ချီသော ဧည့်သည်များ လာရောက် လည်ပတ်ကြပြီး အားလုံးနီးပါးမှာ အီရတ်လူမျိုးများ ဖြစ်သည်။
This article uses material from the Wikipedia မြန်မာဘာသာ article ဘေဘီလုံ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.