ဝိသဇိ အဖြစ် မွေးလာပြီး ဘဂျီးရောင်ဝ် ဘလ်လာလ် ဟုလည်း သိကြသည့် ဘဂျီး ရောင်ဝ် ၁ (ဩဂုတ် ၁၈၊ ၁၇၀၀ - ဧပြီ ၂၈ ၁၇၄၀) သည် မာရထာ အင်ပါယာ၏ သတ္တမမြောက် ပေ့ရှ်ဝါ (ဝန်ကြီးချုပ်) ဖြစ်သည်။ အငြင်းပွားစရာ အကြောင်းအရာ တစ်ခုဖြစ်သော သူ၏ မွတ်ဆလင်အမျိုးသမီးနှင့် ဆက်ဆံရေးကို အိန္ဒိယ ဝတ္ထုများ နှင့် ရုပ်ရှင်တွင် ဆီလျော်အောင် ထည့်သွင်းဖော်ပြကြသည်။
ရှရီမန့်တ် ပေ့ရှ်ဝါ ဘဂျီး ရောင်ဝ် ၁ | |
---|---|
မာရထာအင်ပါယာ၏ သတ္တမမြောက်ဝန်ကြီးချုပ် | |
ဘဂျီး ရောင်ဝ် ၁ ၏ ပုံ၊ ပန်းချီဆရာတစ်ဦး၏ ပုံဖော်ချက်၊ ၁၈ ရာစု၊ မူဂယ်လ်လက်ရာ | |
နန်းသက် | ၁၇ ဧပြီ ၁၇၂၀ - ၂၈ ဧပြီ ၁၇၄၀ |
နန်းတက်ချိန် | ၁၇ ဧပြီ ၁၇၂၀ |
ရှေ့မင်းဆက် | ဘာလာဂျီး ဗိရှ်ဝါနသ် |
နောက်မင်းဆက် | ဘာလာဂျီး ဘဂျီး ရောင်ဝ် |
မွေးဖွား | ၁၈ ဩဂုတ် ၁၇၀၀ ဒုဘေရေ၊ ဆင်းနာ၊ မာရထာအင်ပါယာ |
ကွယ်လွန် | ၂၈ ဧပြီ ၁၇၄၀ (၃၉ နှစ်) ရဗေရ်ခေဒီ၊ မာရထာအင်ပါယာ |
သားသမီးများ | ဘာလာဂျီး ဘဂျီး ရောင်ဝ် ရာဂူနသ် ရောင်ဝ် ဂျနာ့ဓန် ရောင်ဝ် ရှမ်ရှား ဗဟာဒူး ၁ |
စံအိမ် | ဘတ်မိသားစု |
မင်းဆက် | မာရထာအင်ပါယာ |
ခမည်းတော် | ဘာလာဂျီး ဗိရှ်ဝါနသ် |
မယ်တော် | ရာဓါဘိုင် ဘာရ်ဗေ |
မာရထာအင်ပါယာ သမိုင်းတွင် ရှီဗာဂျီး ပြီးလျှင် ဘဂျီး ရောင်ဝ်သည် အမွမ်းအတင်ခံရဆုံးသောပုဂ္ဂိုလ် ဖြစ်သည်။ သူ၏ အောင်မြင်မှုများမှာ အိန္ဒိယတောင်ပိုင်းတွင် မာရထာတို့ အသာစီးရအောင် ကြိုးပမ်းခြင်း နှင့် အိန္ဒိယမြောက်ပိုင်းတွင် မာရထာတို့ နိုင်ငံရေးအရ လွှမ်းမိုနိုင်ရန် ကြိုးပမ်းခဲ့ခြင်း ဖြစ်သည်။ သူ၏ ဝန်ကြီးချုပ်အဖြစ် ထမ်းရွက်ခဲ့သည့် အနှစ် ၂၀ ကာလအတွင်း ပါးလ်ခေဒ် တိုက်ပွဲတွင် နီဇမ်း-ဥလ်-မုလ်ခ်ကို နှိမ်နှင်းခြင်း၊ ဂျန်ဂျီရာဒေသရှိ ဆစ်ဒီစ်တို့ထံမှ ကွန်းကန်ဒေသကို မော်လ်ဝါ၊ ဘွန်ဒဲလ်ခန် နှင့် ဂူဂျရတ်ဒေသတို့နှင့် လဲလှယ်စေခြင်းအားဖြင့် ထိုဒေသများအပေါ် မာရထာအင်အား ဖြန့်ကျက်ခြင်း နှင့် ပေါ်တူဂီတို့၏ လက်အောက်မှ အနောက်အိန္ဒိယ ကမ်းရိုးတန်းဒေသကို လွတ်မြောက်စေခဲ့သည်။
This article uses material from the Wikipedia မြန်မာဘာသာ article ဘဂျီး ရောင်ဝ် ၁, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.