ပတ်ဆောဂျူး

ညီအစ်ကိုသုံးယောက်၌ အကြီးဆုံးဖြစ်ကာ ဆိုးလ်၌ မွေးသည်။ အန်နန်အထက်ကျောင်း ပြီးဆုံးသော်၊ ဆိုးလ်အနုပညာကောလိပ်သို့ တက်ရောက်ခဲ့ပြီး၊ စစ်မှုထမ်းဆောင်ရန် ၂၀၀၈ ၌ စာရင်းပေးခဲ့သည်။

• အရပ် ၁၈၅ စင်တီ၊ ၆၉ ကီလို အလေးချိန်ရှိသော ပတ်သည် အလယ်တန်းကျောင်းသားဘဝတုန်းက ဘေ့စ်ဘောလက်ရွေးစင် ဖြစ်ရန် ရည်မှန်းခဲ့သော်လည်း၊ အထက်တန်း ပထမနှစ်လောက်မှာ သရုပ်ဆောင်ဖြစ်ရန် စိတ်ဝင်စားလာခဲ့သည်။
• မိဘများကလည်း မကန့်ကွက်သည့်အတွက်၊ သူငယ်ချင်းများကလည်း အကြံဉာဏ်များ ပေးသည့်အတွက် ပြဇာတ်သရုပ်ဆောင်ခြင်းကို အထူး လေ့လာသည်။
• တက္ကသိုလ် စတက်သည့် အသက် ၂၀ မှာပင် သူငယ်ချင်းများ စစ်မှုထမ်းရန် စာရင်းပေးနေကြ၍ အတူတူ စာရင်းပေးလိုက်ခြင်းက ကိုရီးယားအနုပညာရှင်များကြားတွင် နောင်အခါ အနုပညာလမ်းကြောင်းပေါ် မရောက်မီ စစ်မှုထမ်း ပြီးစီးသော အနုပညာရှင် အနည်းစု စာရင်းထဲ ဝင်သွားပေသည်။
• ဝါသနာမှာ ကွန်ပျူတာဂိမ်းနှင့် ဘေ့စ်ဘော ကစားခြင်း ဟူသတည်း။

 

ပတ်သည် ဘန်ယောင်ဂွတ်၏ တေးဗီဒီယို၌ ပါဝင်ခြင်းဖြင့် ၂၀၁၁ ၌ စတင်ပွဲဦးထွက်ခဲ့သည်။ ထို့နောက် အိပ်မက်မြင့်မြင့်မက် ၂၊ ရွှေအိုးကြီးများ၊ စုန်းမရဲ့သံယောဇဉ် စသော ရုပ်သံဇာတ်လမ်းတွဲများ၌ ပေါ်ပြင်လာခဲ့သည်။ ၂၀၁၃ အောက်တိုဘာမှ ၂၀၁၅ ဧပြီထိ ဂီတဘဏ်ရေဒီယိုအစီအစဉ်၏ တင်ဆက်သူ လုပ်ခဲ့သည်။

၂၀၁၅ ၌ မင်းကလှခဲ့တယ်ဇာတ်လမ်းတွဲကြောင့် တဟုန်ထိုး ကျော်ကြားလာသည်။ ထိုနှစ်ထဲမှာပင် ထိတ်လန့်သဲဖို ရုပ်ရှင် မကောင်းမှုတသီတတန်း၌ ပါဝင်သည်။

၂၀၁၆ ၌၊ သမိုင်းနောက်ခံပြု လူငယ်ဇာတ်လမ်း ဟွားရန်၊ ကဗျာစစ်သည်လေးကို ရိုက်ကူးသည်။ ခေါင်းဆောင်အဖြစ် လုပ်ကွက်ရသည်ဆိုနိုင်သော သန်းခေါင်ပြေးသူများ ရုပ်ရှင်၌လည်း ရိုက်ကူးထားပြီး ၂၀၁၇ နှစ်ဝက်၌ ပြသမည်ဖြစ်သည်။

၂၀၁၇ ၌၊ ကေဘီအက်စ်၌ အချစ်ဇာတ်လမ်းတွဲ တတိယတန်းစားငါ့ရဲ့လမ်းကြောင်း၌ ကင်ဂျီဝန်းနှင့် အပြိုင် သရုပ်ဆောင်သည်။

ရုပ်ရှင်

ရုပ်/သံ ဇာတ်လမ်းတွဲ

ဝဘ် ဇာတ်လမ်းတွဲများ

ဝဘ် ရှိုးများ

ရုပ်/သံ ရှိုးများ

တင်ဆက်သူ

တေးဂီတ ဗီဒီယို

ဇယားရပ်တည်မှုများ