Харри Поттэр Ба Үхлийн Шүтээн
Харри Поттер ба Үхлийн шүтээн (англиар: Harry Potter and the Deathly Hallows) ном нь Английн уран зохиолч Ж.К.Роулингийн Харри Поттер цуврал номын 7 дахь ба төгсгөлийн боть ном юм.
Энэхүү ном нь Их Британид Bloomsberry, АНУ-д Scholastic хэвлэлийн компаниудад хэвлэгдэн 2007 оны 7 сарын 21-нд гарсан байна. Энэ зохиолд Харригийн 17 насны үеийн адал явдлууд гарна. Энэхүү номыг монгол хэлнээ Н.Энхнаран орчуулжээ." Харрийг өнөөг хүртэл хамгаалж ирсэн хамгаалалтын шид цуцлагдлаа. Эцсийн тулаан эхэлж Харри дайсныхаа өөдөөс босох цаг иржээ..." Энэхүү зохиол нь 37 бүлэгтэй.
| Харри Поттер ба Үхлийн шүтээн | |
|---|---|
| Зохиолч | Жоанна Роулинг |
| Анхны нэр | Harry Potter and the Deathly Hallows |
| Зураагч | Жэсон Крокфорт (Нэгдсэн Хант Улс) Мэри Гранпре (АНУ) |
| Улс | Нэгдсэн Хант Улс |
| Хэл | Англи |
| Цуврал | 7 |
| Урсгал | Фантази |
| Хэвлэгч | Bloomsbury (НВУ) Arthur A. Levine/Scholastic (АНУ) Raincoast (Канад) |
| Хэвлэсэн огноо | 2007 оны 7 сарын 21 |
| хуудасны тоо | 607 (НВУ) 759 (АНУ) |
| ISBN | 0545010225 |
| Өмнөх | Харри Поттер ба Хагас цуст Ханхүү |
Ж.К.Роулинг уг номоо 2007 оны 1-р сард бичиж дуусгажээ. Дэлхий даяар 93 орнуудад хэвлэгдсэн бөгөөд Үхлийн шүтээн ном нь түүхэнд хамгийн хурдан борлогдсон номын амжилтыг эвджээ. Ердөө гарсныхаа дараах 24 цагийн дотор л 15 сая хувь борлогдсон бөгөөд үүний 11 сая нь АНУ болон Их Британид зарагдсан байна. Ингэснээр өмнөх Харри Поттэр ба Хагас цуст Ханхүү номны 1 өдрийн дотор 9 сая хувь зарагдсан амжилтийг эвджээ. Уг зохиол 120 гаруй орны хэлээр орчуулагдаад байна.
Номын зохиолоос сэдэвлэж Варнэр Брос компани 2 хэсэгтэй киног бүтээсэн. Харри Поттэр ба Үхлийн Шүтээн 1-р бүлэг кино 2010 оны 11 сард гарсан бол Харри Поттэр ба Үхлийн шүтээн 2-р бүлэг кино нь 2011 оны 7 сард гарсан билээ.
| Харри Поттэр | ||||||||||
|---|---|---|---|---|---|---|---|---|---|---|
|
This article uses material from the Wikipedia Монгол article Харри Поттэр ба Үхлийн шүтээн, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.