Албани Улсын төрийн далбааны төв хэсэгт улаан өнгийн дэвсгэр дээр хар өнгийн хоёр толгойтой бүргэд бүхий далбаа юм.
1992 оны дөрөвдүгээр сарын 7-ноос хойш өнөөгийн хэлбэрээр байгаа. Хос бүргэд нь Византын Эзэнт Гүрэн ба Ариун Ромын Эзэнт Гүрний үеэс эхлэн хэрэглэгдэж байсан эртний бэлгэдэл юм.
Албани Улсын Төрийн далбаа | |
---|---|
Далбааг таних тэмдэг: | ?? |
Талуудын харьцаа: | 5:7 |
Албан ёсоор хэрэглэсэн: | 1992 оны 4-р сарын 7 |
Төрийн далбаа нь 15-р зуунд Османы Эзэнт Гүрний эсрэг албаничуудыг удирдан тэмцээд, богино хугацаанд тусгаар тогтнуулсан (1443 оноос 1478 он хүртэл) Албанийн үндэсний баатар Скандербегийн тамганы дүрснээс улбаатай. Скандербегийн тамганы бүргэд нь эргээд Византын Эзэнт Гүрнээс гаралтай аж. Туркүүдийн өөдөөс 25 жилийн турш насан эцэслэх хүртлээ 25 томоохон тулалдааныг удирдан тэмцсэн Скандербегийг хүндэтгэн 25 өдтэй хос толгойтой бүргэдийг түүнд олгожээ.
Хос бүргэдийг Итали дахь албаничуудын нэгэн овог болох Арберешуудын дунд уламжлагдан хадгалагдсаар орчин үетэй золгожээ. Бүргэдийн дүрс нь Неаполь дахь Скандербегийн ач хүүгийн шарилын чулуун дээр өнөөг хүртэл байдаг байна. Далбаа 19-р зууны төгсгөл үеэр албаничуудын үндэстний үзэл дээшлэхтэй зэрэгцэн Османы Эзэнт Гүрнээс гадуур хэвлэгдсэн албанийн нэгэн хэвлэл дээр нийтлэгдсэнээр эргэн гарч ирсэн байдаг.
Төрийн ба тэнгис дэх дайны далбаа нь ЗХУ-ын Тэнгисийн Зэвсэгт Хүчний далбааг эхээ болгожээ. 2008 оны нэгдүгээр сарын 1-нд зэвсэгт хүчний төрөл бүрийн салбарууд өөр өөрийн гэсэн далбаатай болжээ..
This article uses material from the Wikipedia Монгол article Албанийн төрийн далбаа, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.