A bandeira de Albania (en albanés: Flamuri i Shqipërisë) é unha bandeira vermella cunha aguia bicéfala negra no centro.
Ten a súa orixe nun selo similar de Gjergj Kastriot Skanderbeg, un albanés do século XV que conduciu a revolta contra o Imperio Otomán, e que acabou nunha breve independencia para Albania entre 1443 e 1478. Gjerg Kastriot adoptou o selo e a bandeira do Imperio Bizantino.
Bandeira da Albania | |
---|---|
Características | |
Uso | |
Proporción | 5:7 |
Adopción | 7 de abril de 1992 |
Cores | Vermello Negro |
A bandeira de Albania foi historicamente de cor vermella escura ou sangue coa aguia bicéfala de cor negra localizada no centro. En 1912, o goberno autónomo de Albania utilizou estas cores, diferenciándose da actual no tamaño e no debuxo da aguia. Coa formación do reino, en 1920, adoptouse esta bandeira e en 1928 foi agregado o casco de Skanderbeg na parte superior. Entre 1940 e 1992, o casco foi substituído por unha estrela vermella con beira amarela como símbolo da República Popular de Albania. Logo da caída do réxime socialista, foi abolida a estrela deixando a bandeira actual como oficial, o 7 de abril de 1992.
This article uses material from the Wikipedia Galego article Bandeira de Albania, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.