Улаан хулсны баавгай (Ailurus fulgens, буюу гялалзсан муур) нь жижиг биетэй модон дээр амьдардаг хөхтөн амьтан бөгөөд Ailurus төрөлд багтах цорын ганц зүйл болно.
Гэрийн муурнаас бага зэрэг том биетэй, улаан хүрэн үс, урт, сэгсгэр сүүлтэй энэ амьтны урд хоёр хөл нь богино байдгаас алцагнаж явдаг. Ихэвчлэн хулсаар хооллох бөгөөд хааяа өндөг, шувуу, шавьж, жижиг хөхтөн амьтдаар хооллоно. Голдуу ганцаараа амьдарна. Үдшийн бүрийгээс үүр цайх хүртэл идэвхтэй байдаг.
Улаан хулсны баавгай | ||||||||||||||
---|---|---|---|---|---|---|---|---|---|---|---|---|---|---|
Ховордолтын зэрэглэл | ||||||||||||||
Биологийн ангилал | ||||||||||||||
| ||||||||||||||
Латин нэр | ||||||||||||||
Ailurus fulgens Ф. Кувье, 1825 | ||||||||||||||
Улаан хулсны баавгайн тархалт | ||||||||||||||
Дэд зүйлүүд | ||||||||||||||
A. f. fulgens | ||||||||||||||
Ижил утгатай нэршил | ||||||||||||||
A. ochraceus Хожсон, 1847 |
Хималайн нурууны ой модонд л амьдардаг улаан хулсны баавгай Балба, Хятадын нутагт тархжээ. Мөн Энэтхэг, Бутан, хойд Мьянмарт тааралдах нь бий. Байгаль дээр зэрлэгээрээ байгаа тоо толгойг олж тооцоолоход тун хэцүү бөгөөд 2,500 - 16,000, эсвэл 20,000 орчим байна гэж үздэг. Тархсан улсуудад нь уг амьтныг хуулиар хамгаалсан байдаг хэдий ч амьдрах орчны хомсдол, хуваагдал, хулгайн ан зэргээс болж тоо толгой нь цөөрсөөр байгаа.
Улаан хулсны баавгайг 2009 оны 1 сард Олон Улсын Байгаль Хамгаалах Холбоо улаан номдоо багтаасан. Хуучин Илбэнхийнхэн, Баавгайнхан овогт багтаадаг байсан ч сүүлийн үеийн судалгаагаар тусдаа овгийн амьтан болох нь тодорхой болжээ. Уг амьтны 2 дэд зүйл олдоод байгаа.
Улаан хулсны баавгай нь дасан зохицох чадвар сайтай бөгөөд дэлхийн өнцөг булан бүрийн амьтны хүрээлэнд байдаг. 2006 оны байдлаар дэлхий даяар 800 гаруй толгой улаан хулсны баавгай амьтны хүрээлэнд амьдарч байжээ.
Викизүйлд Улаан хулсны баавгай-тай холбоотой мэдээлэл байна. |
This article uses material from the Wikipedia Монгол article Улаан хулсны баавгай, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.