ഗോലാൻ കുന്നുകൾ
ലെവന്റ് മേഖലയിലെ ഒരു പ്രദേശമാണ് ഗോലാൻ കുന്നുകൾ (അറബി: هضبة الجولان Haḍbatu 'l-Jawlān അല്ലെങ്കിൽ مرتفعات الجولان Murtafaʻātu l-Jawlān, ഹീബ്രു: רמת הגולן, Ramat ha-Golan ⓘ), ഗോലാൻ അല്ലെങ്കിൽ സിറിയൻ ഗോലാൻ ഗോലാൻ കുന്നുകൾ എന്ന പ്രയോഗം ഏതു പ്രദേശത്തെയാണ് സൂചിപ്പിക്കുന്നത് എന്നത് പല മേഖലകളിലും വ്യത്യസ്തമായാണ് വിവരിക്കപ്പെടുന്നത്.
- ജിയോളജിക്കൽ പ്രദേശം എന്ന നിലയിൽ തെക്ക് യാർമൗക്ക് നദിയും പടിഞ്ഞാറ് ഗലീലി കടൽ, ഹുലാ സമതലം വടക്ക് ഹെർമൺ കുന്നും കിഴക്ക് റക്ക്വാദ് വാദിയും അതിർത്തിയായി വരുന്ന ബസാൾട്ടിക് പീഠഭൂമിയാണ് ഇത്. ഈ പ്രദേശത്തിന്റെ പടിഞ്ഞാറു ഭാഗത്തുള്ള മൂന്നിൽ രണ്ടു ഭാഗം ഇപ്പോൾ ഇസ്രായേലിന്റെ അധിനിവേശത്തിൻ കീഴിലാണ്. കിഴക്കുഭാഗത്തുള്ള മൂന്നിലൊന്ന് സിറിയയുടെ നിയന്ത്രണത്തിലാണ്.
ഗോലാൻ കുന്നുകൾ هضبة الجولان רמת הגולן | |
|---|---|
 ഹെർമോൺ കുന്നിനു (പശ്ചാത്തലം) സമീപമുള്ള റാം തടാകം. വടക്കുകിഴക്കൻ ഗോലാൻ കുന്നുകളിലാണിത് | |
 | |
| Country | ഇസ്രായേലിന്റെ അധിനിവേശത്തിൻ കീഴിലുള്ള സിറിയൻ ഭൂവിഭാഗം. |
| • ആകെ | 1,800 ച.കി.മീ.(700 ച മൈ) |
| • ഇസ്രായേലിന്റെ അധിനിവേശത്തിൽ | 1,200 ച.കി.മീ.(500 ച മൈ) |
| ഉയരത്തിലുള്ള സ്ഥലം | 2,814 മീ(9,232 അടി) |
| താഴ്ന്ന സ്ഥലം | 0 മീ(0 അടി) |
- രാഷ്ട്രീയപരമായ ഭൂവിഭാഗം എന്ന നിലയിൽ നോക്കിയാൽ ആറു ദിവസത്തെ യുദ്ധത്തിനിടെ സിറിയയിൽ നിന്ന് ഇസ്രായേൽ പിടിച്ചടക്കിയ ഭൂവിഭാഗമാണിത്. 1981-ൽ ഇസ്രായേൽ ഇത് ഫലത്തിൽ തങ്ങളുടെ രാജ്യത്തിന്റെ ഭാഗമാക്കുകയാണുണ്ടായത്. ജിയോളജിക്കൽ പ്രദേശത്തിന്റെ പടിഞ്ഞാറുള്ള മൂന്നിൽ രണ്ടു ഭാഗം, ഹെർമൺ കുന്നിന്റെ ഇസ്രായേൽ പിടിച്ചെടുത്ത ഭാഗം എന്നിവയാണ് ഇതിൽ പെടുന്നത്.
ഈ പ്രദേശത്ത് അപ്പർ പ്രാചീനശിലായുഗം മുതലെങ്കിലും മനുഷ്യവാസമുള്ളതിന്റെ തെളിവുകൾ ലഭിച്ചിട്ടുണ്ട്. ബൈബിൾ പ്രകാരം ഒഗ് രാജാവിന്റെ ഭരണകാലത്ത് ബഷാൻ പ്രദേശത്തുള്ള ഒരു അമോണൈറ്റ് രാജ്യം ഇസ്രായേൽ കീഴടക്കിയിരുന്നു. പഴയനിയമകാലത്ത് മുഴുവൻ ഗോലാൻ കുന്നുകൾ "ഇസ്രായേലിലെ രാജാക്കന്മാരും ആധുനിക ദമാസ്കസിനടുത്തുള്ള അരാമിയന്മാരും തമ്മിൽ ഈ പ്രദേശം കേന്ദ്രമാക്കി നിയന്ത്രണത്തിനായുള്ള മത്സരം നടന്നിരുന്നു" ഇറ്റൂറിയനുകളോ, അറബുകളോ അരമായ ജനതയോ ബി.സി. രണ്ടാം നൂറ്റാണ്ടിൽ ഇവിടെ താമസമാക്കുകയുണ്ടായി. ബൈസന്റൈൻ കാലഘട്ടം വരെ ഇവർ ഇവിടെയുണ്ടായിരുന്നു. എ.ഡി. 636-ൽ ഈ പ്രദേശത്ത് ജൂതന്മാരുടെ താമസത്തിന് അവസാനമായി. ഉമാർ ഇബ്ൻ അൽ-ഖത്താബിന്റെ കീഴിൽ അറബികൾ ഇവിടം ആക്രമിച്ചു കീഴടക്കിയതാണ് ഇതിനു കാരണം. പതിനാറാം നൂറ്റാണ്ടിൽ ഓട്ടോമാൻ സാമ്രാജ്യം ഗോലാൻ കീഴടക്കി. അതിനുശേഷം ഇത് ദമാസ്കസ് വിലായത്തിന്റെ ഭാഗമായിരുന്നു. 1918-ൽ ഫ്രഞ്ച് നിയന്ത്രണത്തിലെത്തും വരെ ഈ സ്ഥിതി തുടർന്നു. 1946-ൽ ഫ്രഞ്ച് മാൻഡേറ്റ് അവസാനിച്ചപ്പോൾ ഈ പ്രദേശം പുതുതായി സ്വാതന്ത്ര്യം ലഭിച്ച സിറിയൻ അറബ് റിപ്പബ്ലിക്കിന്റെ ഭാഗമായി.
സിറിയയുടെ ഭൂവിഭാഗമാണെന്ന് അന്താരാഷ്ട്ര തലത്തിൽ അംഗീകരിക്കപ്പെട്ടിട്ടുള്ള ഈ പ്രദേശം 1967 മുതൽ ഇസ്രായേലിന്റെ ഭരണത്തിൻ കീഴിലാണ്. 1967-ലെ ആറു ദിവസ യുദ്ധത്തിനുശേഷം, പർപ്പിൾ ലൈൻ എന്നറിയപ്പെടുന്ന വെടിനിറുത്തൽ രേഖ രൂപീകരിക്കപ്പെട്ടപ്പോൾ ഈ പ്രദേശം ഇസ്രായേലിന്റെ നിയന്ത്രണത്തിലാവുകയായിരുന്നു.
1967 ജൂൺ 17-നു ശേഷം ഇസ്രായേലി കാബിനറ്റ് ഒരു സമാധാന ഉടമ്പടിക്ക് പകരമായി ഗോലാൻ കുന്നുകൾ സിറിയയ്ക്ക് മടക്കി നൽകാനുള്ള പ്രമേയം വോട്ടെടുപ്പിലൂടെ പാസാക്കി. 1967 സെപ്റ്റംബർ 1-ന് ഈ നീക്ക്കം അറബ് ലോകം ഖാർത്തോം പ്രമേയത്തിലൂടെ തള്ളിക്കളഞ്ഞു. 1973-ലെ യോം കിപ്പൂർ യുദ്ധത്തിനുശേഷം, ഇസ്രായേൽ ഈ പ്രദേശത്തിന്റെ 5% സിറിയയുടെ നിയന്ത്രണത്തിൽ നൽകാൻ തീരുമാനിച്ചു. ഈ പ്രദേശം വെടിനിർത്തൽ രേഖയ്ക്ക് കിഴക്കോട്ട് വ്യാപിക്കുന്ന സൈനികരില്ലാത്ത പ്രദേശമാണ്. യു.എൻ. സമാധാന സേനയുടെ നിയന്ത്രണത്തിലാണ് ഈ ഭൂവിഭാഗം.
ഇസ്രായേലിന്റെ നിയന്ത്രണത്തിലുള്ള പ്രദേശങ്ങൾ സൈനിക ഭരണത്തിലായിരുന്നു. ഇസ്രായേൽ ഗോലാൻ ഹൈറ്റ്സ് നിയമം പാസാക്കിയതോടെ ഇസ്രായേലി നിയമവും ഭരണവും ഈ പ്രദേശമാകെ 1981 മുതൽ ബാധകമായി. ഇതോടെ ഇവിടെ ജൂത കുടിയേറ്റവും ആരംഭിച്ചു. ഈ നീക്കം ഐക്യരാഷ്ട്രസഭയുടെ സുരക്ഷാസമിതി 497-ആമത് യു.എൻ. പ്രമേയത്തിലൂടെ അപലപിക്കുകയുണ്ടായി. "സ്വന്തം നിയമങ്ങളും നിയമവാഴ്ച്ചയും ഭരണവും സിറിയൻ ഗോലാൻ കുന്നുകളിൽ നടപ്പിലാക്കാനുള്ള ഇസ്രായേലിന്റെ തീരുമാനം അന്താരാഷ്ട്ര നിയമമനുസരിച്ച് അസാധുവാണ്" എന്നായിരുന്നു പ്രമേയത്തിന്റെ ഉള്ളടക്കം. 242-ആമത് യു.എൻ. പ്രമേയമനുസരിച്ച് തങ്ങളുടെ നീക്കം സാധുതയുള്ളതാണെന്നാണ് ഇസ്രായേൽ അഭിപ്രായപ്പെടുന്നത്. "ബലപ്രയോഗം നടക്കുമെന്ന ഭീഷണിയോ പ്രവൃത്തിയോ ഇല്ലാത്തതും സുരക്ഷിതമായതുമായ അതിർത്തികൾ ഉറപ്പുവരുത്തണം" എന്നാണ് ഈ പ്രമേയം പറയുന്നത്. എന്നിരുന്നാലും അന്താരാഷ്ട്ര സമൂഹം ഇസ്രായേലിന്റെ അവകാശവാദം തള്ളിക്കളയുകയും ഈ പ്രദേശം സിറിയയുടേതാണെന്ന നിലപാടിൽ ഉറച്ചുനിൽക്കുകയും ചെയ്യുന്നു.
യിത്സാക്ക് റാബിൻ, എഹൂദ് ബറാക്ക്, എഹൂദ് ഓൾമെർട്ട് എന്നിവർ തങ്ങൾ ഗോലാൻ കുന്നുകൾ സമാധാനത്തിനു പകരമായി സിറിയയ്ക്ക് കൈമാറാൻ തയ്യാറാണെന്ന് പ്രസ്താവിച്ചിരുന്നു. 2010-ൽ ഇസ്രായേലി വിദേശകാര്യമന്ത്രിയായ അവിഗ്ഡോർ ലൈബർമാൻ സിറിയയോട് ഈ ഭൂവിഭാഗം തിരികെപ്പിടിക്കാം എന്ന മോഹം ഉപേക്ഷിക്കാൻ ആവശ്യപ്പെടുകയുണ്ടായി. സിറിയൻ ഗോലാൻ ഡ്രൂസ് ജനതയുടെ 10% ഇസ്രായേലി പൗരത്വം സ്വീകരിക്കാൻ തയ്യാറായിട്ടുണ്ട്. സി.ഐ.എ. വേൾഡ് ഫാക്റ്റ്ബുക്ക് അനുസരിച്ച് 2010-ൽ 41 ഇസ്രായേലി ആവാസപ്രദേശങ്ങൾ ഇവിടെയുണ്ട്.
അവലംബം
- Biger, Gideon (2005). The Boundaries of Modern Palestine, 1840–1947. London: Routledge. ISBN 0-7146-5654-2.
- Bregman, Ahron (2002). Israel's Wars: A History Since 1947. London: Routledge. ISBN 978-0-415-28716-6.
- Louis, Wm. Roger (1969). "The United Kingdom and the Beginning of the Mandates System, 1919–1922". International Organization, 23(1), pp. 73–96.
- Maar'i, Tayseer, and Usama Halabi (1992). "Life under occupation in the Golan Heights". Journal of Palestine Studies. 22: 78–93. doi:10.1525/jps.1992.22.1.00p0166n. CS1 maint: multiple names: authors list (link)
- Maoz, Asher (1994). "Application of Israeli law to the Golan Heights is annexation". Brooklyn Journal of International Law. 20, afl. 2: 355–96.
- Morris, Benny (2001). Righteous Victims. New York, Vintage Books. ISBN 978-0-679-74475-7.
- Sheleff, Leon (1994). "Application of Israeli law to the Golan Heights is not annexation". Brooklyn Journal of International Law. 20, afl. 2: 333–53.
- Zisser, Eyal (2002). "June 1967: Israel's capture of the Golan Heights". Israel Studies. 7, 1: 168–194.
- Richard, Suzanne (2003). Near Eastern Archaeology: A Reader. Eisenbrauns. ISBN 978-1-57506-083-5
{{cite book}}: CS1 maint: postscript (link) CS1 maint: ref duplicates default (link)
പുറത്തേയ്ക്കുള്ള കണ്ണികൾ
- The Syrian Golan Archived 2010-10-08 at the Wayback Machine. – Permanent Mission of the Syrian Arab Republic to the United Nations
- Jawlan.org Archived 2013-09-29 at the Wayback Machine. (in Arabic)
- Gaulonitis in The unedited full text of the 1906 Jewish Encyclopedia
- Golan, Gaulonitis in The International Standard Bible Encyclopedia
- Qatzrin Archived 2006-02-14 at the Wayback Machine.
- What is the dispute over the Golan Heights? Archived 2013-08-24 at the Wayback Machine.
- A View From Damascus: Internal Refugees From Golan’s 244 Destroyed Syrian Villages from Washington Report
This article uses material from the Wikipedia മലയാളം article ഗോലാൻ കുന്നുകൾ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.