യാസ്ദെഗെർദ് ഒന്നാമൻ
399 മുതൽ 420 വരെ ഭരണത്തിലിരുന്ന സസ്സാനിയൻ ചക്രവർത്തി ആയിരുന്നു യാസ്ദെഗെർദ് ഒന്നാമൻ (പാഹ്ലവി: 𐭩𐭦𐭣𐭪𐭥𐭲𐭩) ശാപൂർ മൂന്നാമന്റെ (ഭരണവർഷം 383–388) മകനായിരുന്ന ഇദ്ദേഹം പിതാവിന്റെയും സ്വന്തം സഹോദരൻ ബഹ്റാം നാലാമന്റെയും (ഭരണവർഷം 388–399) മരണത്തിന് ശേഷമാണ് അധികാരത്തിലേറിയത്.
| യാസ്ദെഗെർദ് ഒന്നാമൻ 𐭩𐭦𐭣𐭪𐭥𐭲𐭩 | |
|---|---|
| ഇറാന്റെയും ഇറാനേതരപ്രദേശത്തിന്റെയും രാജാക്കന്മാരുടെ രാജാവ്
| |
 | |
| അഞ്ചാം നൂറ്റാണ്ടിലെ സസാനിയൻ പാത്രം യാസ്ദെഗെർദ് ഒന്നാമൻ ഒരു മാനിനെ വേട്ടയാടുന്നു. | |
| ഭരണകാലം | 399–420 |
| മുൻഗാമി | ബഹ്റാം നാലാമൻ |
| പിൻഗാമി | ശാപൂർ നാലാമൻ |
| മക്കൾ | |
| |
| പിതാവ് | ശാപൂർ മൂന്നാമൻ |
| മതം | സൊറോസ്ട്രിയൻ മതം |
യാസ്ദെഗെർദ് ഒന്നാമന്റെ ഭരണകാലം സസ്സാനിയൻ സാമ്രാജ്യത്തിൽ നവീകരണത്തിന്റെ കാലമായിരുന്നു. യഹൂദന്മാരുമായും ക്രൈസ്തവരുമായും നല്ല ബന്ധം സ്ഥാപിക്കാൻ ഇദ്ദേഹം തത്പരനായിരുന്നു. തന്നിമിത്തം യഹൂദരും ക്രിസ്ത്യാനികളും ഇദ്ദേഹത്തെ അക്കീമെനിദ് ചക്രവർത്തിയായിരുന്ന മഹാനായായ സൈറസിനോട് ഉപമിച്ചിരുന്നു. കിഴക്കൻ റോമാ സാമ്രാജ്യവുമായി ഇദ്ദേഹം വലിയ സൗഹാർദ്ദം സ്ഥാപിച്ചു. റോമാ ചക്രവർത്തി അർക്കാദിയൂസ് തന്റെ മകനായ തിയഡോഷ്യസിന്റെ രക്ഷകർത്താവായി ഇദ്ദേഹത്തെ ബഹുമാനിച്ചിരുന്നു. റോമാ സാമ്രാജ്യത്തിലെ സഭയ്ക്ക് ലഭിക്കുന്ന ഔദ്യോഗിക അംഗീകാരം കണക്കിലെടുത്ത് സ്വന്തം സാമ്രാജ്യത്തിലെ ക്രൈസ്തവ സഭയ്ക്കും അംഗീകാരം നൽകാൻ അദ്ദേഹം സന്നദ്ധനായി. കിഴക്കിന്റെ സഭയുടെ കേന്ദ്രീകൃത സംഘാടനത്തിലേക്ക് നയിച്ച 410ലെ സെലൂക്യാ-ക്ടെസിഫോൺ സൂനഹദോസ് വിളിച്ചു ചേർത്തത് ഇദ്ദേഹമാണ്.
അവലംബം
This article uses material from the Wikipedia മലയാളം article യാസ്ദെഗെർദ് ഒന്നാമൻ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.