സസ്യലോകത്തിലെ ഉഭയജീവികൾ എന്നറിയപ്പെടുന്ന ജീവികളാണ് ബ്രയോഫൈറ്റുകൾ.
കരയിലും ഈർപ്പമുള്ള സ്ഥലങ്ങളിലും ഇവ വസിക്കുന്നു. വളർച്ചയ്ക്കും ബീജസങ്കലനപ്രക്രിയയ്ക്കും ഈർപ്പം ആവശ്യമായ ഇവയുടെ പ്രത്യുൽപാദന സവിശേഷതയാണ് ഉഭയജീവിതശൈലി ഇവയ്ക്ക് നൽകിയിട്ടുള്ളത്. ലിവർവേർട്ട്, മോസ് എന്നിവയാണ് പരിചിതമായ ബ്രയോഫൈറ്റുകൾ.
ഭൗമചരിത്രത്തിൽ 350 കോടിയോളം വർഷങ്ങൾക്കുമുമ്പ് ഡിവോണിയൻ കാലഘട്ടത്തിലാണിവ രൂപപ്പെട്ടത്. മോസ്സുകൽക്കുമുൻപ് ലിവർവേർട്ട് എന്ന വിഭാഗം സസ്യങ്ങൾ രൂപപ്പെട്ടു. ഏകദേശം 960 ജീനസ്സുകളിലായി ഇരുപത്തിഅയ്യായിരത്തോളം ജീവജാലങ്ങൾ ഈ വിഭാഗത്തിൽ ഉൾപ്പെടുന്നു.
ലിവർവെർട്ടുകൾ (ഹെപ്പാറ്റിക്കോപ്സിഡ), ഹോൺവെർട്ടുകൾ(ആന്തോസീറോപ്സിഡ), മോസ് (ബ്രയോപ്സിഡ) എന്നിങ്ങനെ മൂന്നുഗ്രൂപ്പുകളായി ഇവയെ തിരിച്ചിരിക്കുന്നു. പുരാതന റോമാസാമ്രാജ്യത്തിൽ കരൾരോഗം ബാധിച്ചിട്ടുള്ള രോഗികൾക്ക് കരളിന്റഎ രൂപത്തിലുള്ള ചെടികൾ കഴിച്ചാൽ രോഗം ഭേദപ്പെടും എന്ന വിശ്വാസമാണ് ലിവർവേർട്ട് എന്ന പേരിന് നിദാനം.
പരന്ന, ഫോർക്കിന്റെ ആകൃതിയിൽ വിഭജിച്ചിരിക്കുന്ന താലസ് എന്ന ശരീരമാണ് ഇവയ്ക്കുള്ളത്. അടിവശത്ത് പ്രാഥമികവേരുകൾ അഥവാ റൈസോയിഡുകൾ കാണപ്പെടുന്നു.നനവുള്ള പ്രതലത്തിൽ പറ്റിച്ചേർന്നിരിക്കാനും ആഹാരവസ്തുക്കൾ ആഗിരണം ചെയ്യാനും സഹായിക്കുന്നു. താലസിന് പ്രകാശസംശ്ലേഷണ ശേഷിയുണ്ട്. മോസുകൾക്ക് വേര്, കാണ്ഡം, ഇല ഇങ്ങനെ വികസിതശരീരഘടനയാണുള്ളത്. സൈലം, ഫ്ലോയം എന്നീ സംവഹനകലകൾ ഇവയ്ക്കില്ല.
This article uses material from the Wikipedia മലയാളം article ബ്രയോഫൈറ്റ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.