Фудбалска Репрезентација На Аргентина

Аргентина има освоено најмногу меѓународни титули од било кој друга репрезентација (19), рекорд кој го дели само со Уругвај.

 Аргентина

Прекари(и)	La Albiceleste (Бело и небесно сино)
Сојуз	АФА
Конфедерација	КОНМЕБОЛ
Селектор	Хорхе Сампаоли
Капитен	Лионел Меси
Најмногу настапи	Хавиер Занети (145)
Најдобар стрелец	Лионел Меси (56)
Домашен стадион	Ел Монументал
Домашни бои Гостински бои
Пласман на рангирањето на ФИФА
Моментално	1 (октомври 2016)
Највисок	1 (март 2007)
Најнизок	24 (август 1996)
Прв меѓународен натпревар
Уругвај 0 - 6 Аргентина (Монтевидео, Уругвај; 20 јули 1902)
Најголема победа
Аргентина 12 - 0 Еквадор (Монтевидео, Уругвај; 22 јануари 1942)
Најлош пораз
Чехословачка 6 - 1 Аргентина (Хелсингборг, Шведска; 15 јуни 1958) Уругвај 5 - 0 Аргентина (Гвајакил, Еквадор; 16 декември 1959) Аргентина 0 - 5 Колумбија (Буенос Аирес, Аргентина; 5 септември 1993)
Светско првенство
Учества	14 (првпат во 1930)
Најдобар резултат	1 место, 1978 и 1986
Копа Америка
Учества	37
Најдобар резултат	1 место, 1921, 1925, 1927, 1929, 1937, 1941, 1945, 1946, 1947, 1955, 1957, 1959, 1991, 1993

Аргентина е една од најуспешните фудбалски репрезентации во светот, а моментално е на првото место на Светската ранг-список на ФИФА. Репрезентацијата двапати го има освоено Светското првенство во фудбал во 1978 и во 1986. Аргентина го освоила Јужноамериканското првенство 14 пати, рекорд кој го споделува со Уругвај, и го освоила Купот на конфедерации во 1992 година и Олимпискиот фудбалски турнир во 2004 и 2008 година.

Аргентина, Бразил и Франција се единствените три репрезентации кои ги освоиле трите најважни машки титули признати од ФИФА: Светското првенство, Купот на конфедерации и Олимписките игри. Трите репрезентации исто така го освоиле и соодветното континентално првенство (Копа Америка за Аргентина и Бразил и Европското првенство за Франција).

Рана историја (1902-1947)

 

Репрезентацијата на Аргентина својот прв натпревар во историјата го одиграла во 1901 година против Уругвај завршен со победа на Аргентина со 2-3. На 20 јули година дена подоцна, репрезентацијата го одиграла и својот прв официјален натпревар исто така против Уругвај во Монтевидео и победиле со 6-0. Составот на Аргентина во тој натпревар бил: Хосе Бурука Лафорија (Баракас), Вилијам Лесли (Килмес), Валтер Бученан (Алумни), Едуардо Патрисио Дуган (Белграно), Карлос Х. Бученан (Алумни), Ернесто Браун (Алумни), Едвард О. Морган (Килмес), Хуан Хосе Мур (кап.) (Алумни), Хуан О. Андерсон (Ломас), Карлос Едгар Дикинсон (Белграно), Хорхе Браун (Алумни); головите ги постигнале Дикинсон, Аримало, Морган, Карве Уриосте, Андерсон и Х. Браун. Тој натпревар против Уругвај бил првиот официјален меѓународен натпревар одигран надвор од границите на Британија. Треба да се напомене дека Аргентина и Уругвај исто така го држат рекордот по бројот на одиграни натпревари имеѓу две држави. Во својата богата историја овие две репрезентации се сретнале повеќе од 180 пати.

 

Во 1912 година Аргентина станала членка на ФИФА, а од 1916 година е членка на КОНМЕБОЛ. Првиот успех Аргентина го остварила во 1916 година на домашен терен, освојувајќи го сребрениот медал на првиот јужноамериканско континентално првенство. Со една победа (6-1 против Чиле) и две ремија (против Бразил и Уругвај) биле доволни само за втората позиција и сребро додека златото го освоил Уругвај.. Првиот златен медал Аргентина го освоила на првенството во 1921 година како домаќин. После три сребра и една бронза, Аргентина убедливо завршила на првото место, со три победи од три натпревари, без примен гол. Следниот златен медал го освоиле после четири години, повторно како организатори на турнирот. Следната година освоиле сребро а своето прво злато надвор од својте граници го освоиле во Перу.

 

Својот прв настап на Олимписките игри Аргентина го имала во Амстердам во 1928 година. После три убедливи победи (САД 11-2, Белгија 6-3, Египет 6-0) се пласирале во финалето. Првиот натпревар бил завршен без победник 1-1, па во преигрувањето на 13 јуни 1928, Уругвај победил со 1-2 и го освоил златниот медал.

Следната година, репрезентацијата ја одбранила титулата освоена пред две години во Перу и на тој начин ја потврдува својата доминација на континенталните првенства на Јужна Америка.

 

Својот прв натпревар на Светските првенства Аргентина го одиграла на 15 јули 1930 година против Франција. Единствениот гол на тој натпревар, а и прв историски на светските првенства за Ла Абиселесте го дал Луис Монти во 81-вата минута од натпреварот со кој аргентинците победиле со 1-0. После таа победа, следувале и победи над Мексико, Чиле, и во полуфиналето со убедливи 6-1 победена е репрезентацијата на САД. Во финалето на Светското првенство 1930 ги чекал двобој со домаќинот на првенството Уругвај. Тоа финале се одиграло на 30 јули 1930 во Монтевидео во кое иако Аргентина имала предност на полувремето од 1-2 на крајот загубила со 4-2, и морала да се задоволи само со второто место.. На следното светско првенство 1934 одиграно во Италија, Аргентина била елиминирана уште во првиот круг на натпреварување иако двапати водела во натпреварот против Шведска на крајот загубила со резултат 2-3..

 

Следната година, Аргентина го загубила престолот и на јужноамериканскиот континент откако на првенството на Јужна Америка го освоила второто место на табелата препуштајќи му го златото одново на Уругвај. Меѓутоа само две години подоцна во 1937 година Аргентина одново станала континентален првак, по освојувањето на првото место на првенството во кое влегла како организатор, стигајќи вкупно до петтата шампионска титула, односно четврта која била освоена пред својте навивачи на домашен терен. До титулата аргентинците дошле после победата со 2-0 над Бразил во плејоф натпревар, кој бил одигран дополнително бидејќи двете репрезентации првично имале ист број на бодови.. Следната година Аргентина не настапила на Светското првенство како ни на јужноамериканското првенство 1939. Затоа пак, на следните пет првенства на Јужна Америка, освоиле четири златни (1941, 1945, 1946 и 1947) и еден сребрен медал (1942) сите под водство на селекторот Гуљелмо Стабиле..

Период на транзиција (1947-1974)

Долгото отсуство од турнирите (1947-1955)

 

После серијата одлични настапи на првенствата на Јужна Америка уследиле неколку неславни години на фудбалската репрезентација на Аргентина во периодот од (1947-1955 година). Најпрво се повлекле од Светското првенство 1950 кое се одржало во Бразил поради конфликт со Фудбалскиот сојуз на Бразил додека на Светското првенство 1954 кое се играло во Швајцарија воопшто не учествувале. Истиот случај бил и со Јужноамериканските првенства, на кои Аргентина не учествувала во 1949 и 1953 година. Во меѓувреме земјата била организатор на Панамериканските игри, турнир за кој од организацијата се повлекол Бразил..

"Los Carasucias" и Катастрофата во Шведска (1955-1967)

После две отсуства од јужноамериканските првенства Аргентина се вратила на турнирот во 1955 година во Чиле каде станале шампиони. Следната година Аргентина го освоила третото место за во 1957 повторно да се вратат на врвот и во 1959 да ја одбранат титулата освоена прд две години..

 

На Јужноамериканското првенство 1957 фудбалерите на Аргентина добиле прекар Los Carasucias (превод на мак. валкани лица) во споредба со децата кој валкано играат фудбал на улица, чиј стил на играње со дриблинг станал како знак на идентитетот на аргентинскиот фудбал. Во меѓувреме, Аргентина после три пропуштени Светски првенства учествувала на Светското првенство во фудбал 1958 играно во Шведска. Со една победа (над Северна Ирска) и два порази (од Западна Германија и Чехословачка) сосема неочекувано аргентинците завршиле на дното на табелата. Токму на ова првенство репрезентацијата го забележала и еден од двата најубедливи порази во својата историја, кога на 15 јуни 1958 биле поразени во Хелсингборг од Чехословачка со 6-1. Сиромашниот настап во аргентинската јавност бил наречен El desastre de Suecia (превод на мак. Катастрофата во Шведска) и предизвикал бес кај навивачите, кој околу 10 000 ги дочекале при враќањето во татковината на аеродромот Ezeiza за да ги исмејуваат и навредуваат.. За лошиот настап на Светското првенство во Шведска, Аргентина се искупила следната година на јужноамериканското првенство каде биле и организатори на турнирот. Треба да се напомене дека во 1959 година, е единствениот случај кога јужноамериканското првенство бил одржан двапати во една иста година, 7 март - 4 април во Аргентина и 5-27 декември во Еквадор. Во декемвриското првенство Аргентина го завршила својот настап на второто место забележувајќи го вториот најубедлив пораз во својата историја со 5-0 од Уругвај, кои подоцна и ја освоиле титулата..

 

На Олимписките игри 1960 одржани во Рим, Аргентина го завршила натпреварувањето на во групната фаза. Пресуден бил поразот од Данска во првото коло со 2-3. На Светското првенство 1962 во Чиле забележала скромен учинок, по една победа,(против Бугарија), еден пораз (против Англија) и еден нерешен резултат (против Унгарија) но не доволно за пласман во четвртфиналето. Настапот на јужномамериканското првенство во 1963 година во Боливија на Аргентина и донел бронзен медал.. Во 1964 година Аргентина по третпат се квалификувала на Олимписките игри. Во Токио забележале едно реми (против Гана) и пораз (против Јапонија) па така го завршиле своето натпреварување уште во првата фаза.. На следното Светско првенство во 1966 година во Англија, гаучосите стигнале до четвртфиналето, каде биле поразени од домаќинот, кој подоцна се испоставил како шампион на тој турнир.. Година дена подоцна во Уругвај на последното Јужноамериканско првенство одиграно под ова име Аргентина го освоила второто место, со пораз во поледното коло на натпреварувањето од домаќинот..

Период на стагнација (1967-1974)

Во 1969 година, Аргентина ги започнала квалификациите за Светското првенство 1970 под водство на селекторот Адолфо Педернера. Аргентина се нашла во квалификациска група со Боливија и Перу, и ги загубила првите два натпревари одиграни на гости. Иако Аргентина победила во следниот натпревар против Боливија со 1-0, ремито 2-2 против Перу во последното квалификациско коло (натпревар игран на Ла Бомбонера) му донело пласман на Светското првенство како еден од претставниците на Јужна Америка на перуанскиот состав, елиминирајќи ја Аргентина. До денес, тоа е единственото Светско првенство во историјата за кое Аргентина не успеала да се квалификува.

 

По фрустрација во 1969 година, сојузот за селектор на репрезентацијата го назначила Хуан Хосе Пицути, кој го освоил Интерконтиненталниот куп со Расинг Клуб три години пред тоа. Пицути бил селектор во текот на три години, во кои Аргентина одиграла неколку пријателски натпревари против јужноамериканските екипи, во кој е вклучена и титулата на Рока купот во 1971 година (поделена со Бразил). Во 1972 година, Пицути бил заменет на селекторската клупа со Омар Сивори. Сивори успеал да ја квалификува Аргентина на Светското првенство 1974 во Западна Германија, откако во квалификациската група Аргентина била подобра од Парагвај и Боливија, но откако обезбедил пласман на мундијалот Сивори ја напуштил селекторската функција и бил заменет со Владислао Кап. На Светското првенство Аргентина стигнала до втората фаза по групи. Претходно успешно ја минале првата групна фаза со една победа (против Хаити 4-1), реми (Италија 1-1) и пораз (Полска 2-3) и подобра гол-разлика од Италија. Втората групна фаза во која се нашла Аргентина била прејака, и веќе после првиот натпревар во кој загубиле со 0-4 од Холандија се видело дека нема да можат многу да сторат. Вториот пораз од Бразил и математички потврдил дека Аргентина нема да мине понатаму.

Почетокот на славните години и првата титула Светски првак (1974-1982)

По колапсот на екипата на Светското првенство го принудила фудбалскиот сојуз да направат промени во аргентинскиот фудбал. Давид Бракуто бил назначен за претседател на фудбалската асоцијација во 1974 година. Тој му понудил на Сесар Луис Меноти да биде нов селектор на Аргентина. Меноти прифатил но под негови услови, а еден од нив бил дека домашните играчи под 25 години не треба да бидат продадени на странски клубови. Меноти дебитирал на клупата на Аргентина на 12 октомври 1974, во пријателски натпревар против Шпанија. За следното Светско првенство, Аргентина не играла квалификации бидејќи и била доделена организацијата на првенството, односно да биде домаќин на првенството.

 

После осум години неиграње на јужноамериканското првенство, натпреварувањето повторно било воспоставено и воедно преименувано во Копа Америка. На првото првенство на Копа Америка, Аргентина го завршила својот настап во групниот дел на натпреварување со половичен учинок. Доживеале два порази и забележиле две победи.

Светски првак 1978

Аргентинската репрезентација својата прва титула светски првак ја освоила на домашен терен на Светското првенство 1978. Тоа била генерацијата во која играле Марио Кемпес, Леополдо Луке, Даниел Бертони, Рене Хаусман, Даниел Пасарела, Алберто Тарантини, Освалдо Ардилес итн.

 

Луке   Галего   Филол   Ортис   Бертони   Ардилес   Кемпес   Олхуин   Галван   Пасарела   Тарантини

Почетната постава на Аргентина во финалниот натопревар на Светското првенство 1978

После долгите подготовки за првенството, Аргентина го отворила првенството на 2 јуни 1978 година со победата од 2-1 над Унгарија, иако унгарците први повеле со головите на Луке и Бертони аргентинците успеаледа направат пресврт. Во второто коло од групната фаза Аргентина се сретнала Франција, запишувајќи уште една победа и повторно со истиот резултат како и во првото коло 2-1. Со таа победа Аргентина веќе се пласирала понатаму, како и Италија која после победата над Франција (во првото коло) ја победила и Унгарија, па во последното коло натпреварот Аргентина-Италија директно одлучувал за првото место во групата, но на Аргентина и било потребна победа бидејќи во случај на нерешен резултат Италија би била прва поради подобрата гол-разлика. Натпреварот се одиграл на 10 јуни 1978 и завршил со победа на Италија до 1-0, што значи дека Италија го освоила првото место во групата а Аргентина второто, но и двете репрезентации поминале понатаму во втората групна фаза во која ќе бидат во различни групи. Во втората групна фаза Аргентина се нашла во група со репрезентациите на Полска, Бразил и Перу. Во првиот натпревар од втората фаза Аргентина забележала победа со 2-0 над Полска со головите на Марио Кемпес. Вториот натпревар против Бразил завршил без голови 0-0, па околу тоа кој ќе биде финалист одлучувале натпреварите од последното коло во групата; неколку часа пред Аргентина да го одигра својот последен натпревар од групата Бразил ја победил Полска со 3-1 и на тој начин на Аргентина за прво место во групата и пласман во финалето и била потребна победа над Перу со најмалку 4 гола разлика. После првото полувреме Аргентина водела со 2-0, а на крајот победила со 6-0 и на тој начин се пласирала во финалето; по два гола во овој натпревар постигнале Кемпес и Луке а по еден Тарантини и Хаусман. Во финалето на 11-тото Светско првенство играле Аргентина и Холандија. Финалето се одиграло на 25 јуни 1978 на Стадионот Монументал во Буенос Аирес каде преку 70.000 гледачи се собрале во исчекување и надеж дека нивната репрезентација конечно ќе стане Светски шампион. Аргентина повела со голот на Кемпес во 37-мата минута и долго водела сè до осум минути пред крајот кога холанѓаните изедначиле со голот на Дик Нанинга. По 90 минути игра резултатот останал непроменет што значи дека се играле продолженија. Кон крајот на првото продолжение со вториот гол на Кемпес Аргентина повторно дошла до водство, а во 115-тата минута гол постигнал и Бертони и на тој начин ја заверил победата на Аргентина во овој натпревар и репрезентацијата за првпат во својата историја станала Светски првак.

Следната година Аргентина не била толку супериорна на Копа Америка; во 4 натпревари доживела 2 порази и во одлучувачкиот натпревар против Бразил одиграла нерешено 2-2.

Времето на Марадона и втората титула светски првак (1982-1994)

По неуспехот на Копа Америка, Аргентина како бранител на титулата обезбедила учество на следното Светско првенство 1982 во Шпанија. Иако настапот на репрезентацијата во Шпанија бил под знак прашање бидејќи земјата се борела во Фокландската војна, сепак се одлучиле Аргентина да учествува на Светското првенство.

 

Составот главно бил заснован на играчите од претходното Светско првенство во 1978 година со додавање на Диего Марадона (кој го освоил домашното првенство и бил во одлична форма) и Рамон Дијаз. Репрезентацијата пристигнала во Шпанија како голем фаворит за освојување на првенството, меѓутоа изненадувачки Аргентина го отвори првенството со пораз од Белгија со 0-1 на Камп Ноу во Барселона. После поразот имало внатрешни тензии во соблекувалната на селекцијата помеѓу постарите и помладите играчи, што предизвикало проблеми. Сепак, екипата набргу се вратила на победничките патеки и со двете победи над Унгарија (4-1) и Ел Салвадор (2-0) се квалификувале за следната фаза како второпласирана екипа од групата 3. Во вториот круг, Аргентина се нашла во група со Италија и Бразил, и била поразен од страна и на двете репрезентации (3-1 и 2-1) по што биле елиминирани и го препуштиле престолот на Италија. Ниту Марадона не можел да ги покаже своите вистински квалитети за време на турнирот, бидејќи страдал од грубата игра на противниците над него (особено на Клаудио Џентиле на натпреварот против Италија); во последниот натпревар на турнирот тој бил исклучен поради удирање во препоните на бразилскиот играч Жоао Батиста.

Валдано   Батиста   Пумпидо   Олартикочеа   Гиусти   Буручага   Марадона   Кукиуфо   Руџери   Браун   Енрике

Почетната постава на Аргентина во финалниот натопревар на Светското првенство 1986

Неуспехот на Светското првенство го натерал Меноти да ја напушти функцијата. И покрај слабите перформанси, репрезентацијата освоила две светски титули (сениорски и младински) во текот на 9 години со Меноти како селектор. На местото на Меноти, фудбалскиот сојуз одлучил да го назначи Карлос Билардо, тренер кој истата сезона го освоил Метрополитано пренството со Естудијантес. Дебито на големите турнири Билардо го имал на Копа Америка 1983, но без успех бидејќи Аргентина не успеала да ја мине групната фаза. Иако во првото коло го победиле Бразил, во следните три натпревари одиграле нерешено (еднаш против Бразил и двапати против Еквадор) што не било доволно за пласман понатаму. Сепак, Билардо потоа успеал да ја квалификува Аргентина за Светското првенство во 1986 во Мексико, освојувајќи го првото место во групата со Колумбија, Венецуела и Перу.

 

Светски првак (1986)

На Светското првенство 1986 играно во Мексико 1986 Аргентина по вторпат во својата историја станал светски шампион. Во групната фаза на натпреварување репрезентацијата остварила две победи: против Јужна Кореја (3-1) и Бугарија (2-0) и реми против Италија (1-1). По освоеното прво место во групата во осминафиналето противник им била репрезентацијата на Уругвај. Единствениот гол на натпреварот уште во првото полувреме го постигнал Педро Пашули и така на Аргентина и обезбедил пласман во четвртфиналето. Таму Аргентина се соочила со Англија, предводена од легендарниот Гари Линекер, и изгледала супериорно победувајќи со 2-1 со два гола на Марадона (од кој едниот со рака, кој подоцна самиот го нарекол Божја рака). Во полуфиналето Аргентина играла против Белгија и како и во претходниот натпревар победила (2-0) со два гола на Марадона за пласман во финале. Во финалето играно на 29 јуни 1986, играно на стадионот Ацтека, Аргентина ја победила Западна Германија со 3-2. Иако Аргентина имала убедливо водство од 2-0 на 15-тина минути пред крајот со головите на Хосе Луис Браун и Хорхе Валдано, Западна Германија успеала да изедначи на 5 минути пред крајот со головите на Румениге и Руди Фелер, но сепак три минути подоцна Хорхе Буручага го поставил конечниот резултат и Аргентина по вторпат станала светски првак.

Следната година Аргентина како домаќин учествувала на Копа Америка 1987, и го освоила дури 4-тото место., а две години подоцна, на Копа Америка 1989 во Бразил, стигнала до бронзен медал.

Финале на СП 1990 и златните години на Копа Америка (1990-1994)

На Светското првенство 1990 играно во Италија, Аргентина влегла како бранител на титулата и на почетокот била во група со Советскиот Сојуз, Романија и Камерун. Во првиот натпревар неочекувано Аргентина доживеала пораз од Камерун на Роже Мила, и на тој начин им се повторило истото сценарио како и во Шпанија на Светското првенство 1982 кога исто така како актуелни светски шампиони загубиле на отворањето на првенството со истиот резултат 0-1 но тогаш од Белгија. Во второто коло забележале победа со 2-0 над Советскиот Сојуз, а во третото коло Аргентина и Романија ги поделиле бодовите играјќи 1-1, баш онака како што им одговарало и на двете репрезентации за пласман во осминафиналето. Во осминафиналето Аргентина играла против Бразил и победила со 1-0, а единствениот погодок вреден четвртфинале за својата репрезентација го постигнал Клаудио Каниџа на 10 минути пред крајот. Во четвртфиналето противник на Abiceleste била репрезентацијата на Југославија. После регуларниот дел од натпреварот и продолженијата од двапати по 15 минути неамо голови па се пристапило кон изведување на пенали. Во пенал-рулетот Аргентина била подобра и победила со 3-2, а како одлучувачка се покажала последната петта серија во која Густаво Децоти погодил за Аргентина додека на другата страна за Југославија промашил Фарук Хаџибегиќ. Во полуфиналето Аргентина за противник го имала домаќинот на првенството, репрезентацијата на Италија и после уште едно реми по 120 минути игра (овојпат 1-1) одново пласманот понатаму аргентинците го обезбедиле по изведувањето на пенали, овој пат било 4-3; откако по првите три серии репрезентациите биле без промашен пенал први попуштиле италијаните а непрецизни биле Донадони и Серена. Во финалето на Светското првенство противник на Аргентина и била Западна Германија, која победила во финалето со 1-0 со голот на Андреас Бреме од пенал на 5 минути пред крајот.

Следната година во Чиле Аргентина супериорно триумфирала на Копа Америка. Година дена подоцна учествувале на новиот турнир под покровителство на ФИФА познат по тогашното име Турнир на Кралот Фахд, а 4 години подоцна името му било променето во ФИФА Куп на конфедерации. На турнирот учествувале 4 екипи, тогашните актуелни шампиони од четирите континенти: Јужна Америка - Аргентина, Африка - Брегот на Слоновата Коска, Северна Америка - САД и актуелниот шампион на Азија и воедно организатор на турнирот Саудиска Арабија. Првиот натпревар на тој турнир Аргентина го одиграла против Брегот на Слоновата Коска и со два рани гола на Габриел Батистута веќе го скршила отпорот на противникот и до крајот забележале убедлива победа со 4-0 и пласман во финалето. Во финалето играле Аргентина и домаќинот, Саудиска Арабија. Аргентина победила со 3-1 и така станалапрвата репрезентација која го освоила Турнирот на Кралот Фад, подоцна познат под името Куп на конфедерации. На Копа Америка 1993 во Еквадор Аргентина повторно го освоила златниот медал и ја одбранила титулата освоена пред две години во Чиле.

Годините кон крајот на векот и почетокот на следниот (1995-2004)

Ерата на Пасарела

Во август 1994 година, улогата на селектор на Аргентина му била доделена на Даниел Пасарела, капитен на златната генерација на abiceleste која во 1978 година станала светски шампион. Во јануари 1995 година, Аргентина загубила во финалето на Купот на Кралот Фахд, освоен три години порано. Поразот дошол од европскиот шампион Данска со 2-0. Потоа, репрезентацијата без проблеми се квалификувала за Светското првенство 1998, со освојување на Јужноамериканската квалификациска група, кој била без Бразил, кој како светски шампион од претходното првенство стекнал право директно да учествува во Франција '98. Со една квалитетна генерација на фудбалери во која играле: Роберто Ајала, Хосе Антонио Шамот, Матијас Алмеида, Клаудио Лопес, Диего Пабло Симеоне, Габриел Батистута, Ариел Ортега, Хуан Себастијан Верон, Хавиер Санети, Абел Балбо, Ернан Креспо, Марсело Галјардо итн. Аргентина била еден од фаворитите за освојување на турнирот. Тие започнале супериорно на француското тло со три победи во низа во групната фаза, против Јапонија (1-0), Јамајка (5-0) и Хрватска (1-0). Во осминафиналето Аргентина ја елиминирала Англија по изведување на пенали со 4-3 (резултатот бил 2-2 по продолженијата). Во четвртфиналето против Холандија, екипата на Пасарела многу брзо се нашла во негатива, но успеала да изедначи со гол на Клаудио Лопес. Сепак, на една минута до крајот на регуларното време Денис Бергкамп постигнал гол со кој ја одвел својата селекција во полуфиналето и ја елиминирал Аргентина.

После елиминацијата, Пасарела бил обвинет од страна на јавноста и медиумите за премногу дефанзивниот стил на игра во натпреварот против Холандија. Во септември 1998 година, тој ја напушти клупата на Selección и бил заменет со Марсело Биелса.

Ерата на Биелса

Новиот селектор донел конкретен стил на игра. Аргентина, не учествувала на Копа Америка 2001 во Колумбија (на 10 јули, во пресрет на првиот натпревар, дале известување за својата одлука и се пожалиле на смртни закани добиени од нејзините играчи), се квалификувала освојувајќи го првото место во јужноамериканската квалификациска група за Светското првенство 2002, со 13 тринаесет бодови пред вториот Еквадор, со најдобар напад и најдобра одбрана, и доживеала само еден пораз во осумнаесет натпревари.

Меѓутоа во Јапонија и Јужна Кореја дошло големо разочарување. По тесната победа против Нигерија, Аргентина загубила од Англија. Во последниот натпревар, против Шведска, одиграле само 1-1 и сензационално биле елиминирани уште во првиот круг.

И покрај неуспехот на Светското првенство, Билеса останал селектор. Под негово водство аргентинската репрезентација стигнал до финалето на Копа Америка 2004, каде загубиле од Бразил на пенали откако по регуларното време и продолженијата резултатот бил изедначен 2-2. Во август Биелса ја водел екипата на albiceleste до освојување на златниот медал на Олимписките игри во Атина во 2004 година.

Времето на Меси и трите изгубени финалиња (2004-)

Ерата на Пекерман, Басиле, Марадона и Батиста

По Биелса на клупата на Аргентина дошол Хосе Пекерман, со кој репрезентацијата лесно се квалификувала за Светското првенство во фудбал 2006 во Германија, завршувајќи на второ место во јужноамериканската квалификациска група зад Бразил, но со ист број на бодови како и жолто-зелените. Во Купот на конфедерации 2005 Аргентина стигнала до финалето каде одново биле поразени од Бразил со високи 4-1.

Во пресрет на Светското првенство во 2006 година Пекерман спровел исклучувања: во составот не се нашле Санети, Мартин Демикелис и Верон, најверојатно поради расправија со капитенот Хуан Пабло Сорин. Во нападот повторно се нашол Креспо, со Хулио Круз, Карлос Тевес, Хавиер Савиола и младиот Лионел Меси, подоцна петкратен добитник на златната топка за најдобар фудбалер на годината. Аргентина го започнала турнирот како еден од големите фаворити за конечна победа. По освојувањето на една од најтешките групи во која биле уште и Холандија, Брегот на слоновата коска и Србија и Црна Гора, во вториот круг ја елиминирале репрезентацијата на Мексико со 2-1 по продолженија, пред да го завршат своето учество во четвртфиналето во кое биле поразени од домаќинот Германија на пенали со 4-2 (1-1 бил резултатот по 120 минути).

После првенството Пекерман поднесол ставка и во септември 2006 година бил заменет од Алфио Басиле, кој се вратил на чело на репрезентацијата после 12 години и Светското првенство во 1994 година. Тој ја одвел Аргентина до финалето на Копа Америка 2007 во Венецуела, каде како и пред три години Аргентина одново загубила од Бразил, овојпат со 3-0. Базиле поднесол оставка после поразот во натпреварот против Чиле на 16 октомври 2008 година.

Во октомври 2008 година, АФА ја номинирала аргентинската и светска фудбалска легенда, Диего Марадона како наследник на Басиле на клупата на Аргентина. Тој дебитирал со победата над Венецуела во квалификациите за Светското првенство 2010. Во следните четири натпревари, сепак, тој доживеал исто толку порази (од Боливија, Еквадор, Бразил и Парагвај), примајќи дванаесет гола. Квалификацијата на мундијалот сепак била остварена без играње на плејофот. Одлучувачки биле победите во последните две кола против Перу и Уругвај, кој Аргентина ги добила без некоја посебно добра игра. Интересно, за време на мандатот на поранешниот играч на Барселона и Наполи, Аргентина има четири победи во пријателски натпревари со европски селекции (Шкотска, Франција, Русија и Германија).

Екипата на Марадона за Светското првенство вклучува враќање на Хавиер Санети и Хуан Себастијан Верон во репрезентацијата и доделување на капитенската лента на Лионел Меси добитникот на Златната топка на Фифа за 2009 и 2010 година. Авантурата во Јужна Африка започнала добро, откако Аргентина со три победи во фазата по групи се пласирала понатаму. Меѓу нив се издвојува онаа со 4-1 над Јужна Кореја, во која напаѓачот Гонсало Игуаин постигнал хет-трик. Во нокаут фазата Аргентина сосема случајно се нашла во двобој со истите противници од пред четири години. Во осминафиналето го елиминирала Мексико (повторно со 2-1 и повторно по продоленија), а потоа, како и во 2006 година, била елиминирана од Германија овојпат со убедливи 4-0. Марадона бил отпуштен набргу потоа.

Местото на Марадона го преземал Серхио Батиста, човекот кој ја одвел аргентинската олимписка селекција до златен медал на Олимписките игри во Пекинг. Меѓутоа, Батиста набргу ја напуштил клупата на репрезентацијата по неуспехот на Копа Америка 2011, каде Аргентина била елиминирана во четвртфиналето од Уругвај по изведувањето на пенали.

Ерата на Сабелја; Финалето на Светското првенство 2014

 

На 2 август 2011 година Фудбалскиот сојуз на Аргентина го назначил Алехандро Сабелја за заменик на селекторската функција на Батиста.

Под негово водство Аргентина, и покрај нестабилниот почеток, изборила пласман на Светското првенство 2014 како победник во квалификациската група на Јужна Америка со 32 освоени бода и 35 постигнати голови во 16 натпревари.

 

Во 2014 година на завршницата на Светското првенство во Бразил, Аргентина се вратила во финалето на мундијалите за првпат по 24 години. Екипата на Сабелја стигнал до завршниот чин на настанот поразувајќи ги минимално противниците: дебитантот Босна и Херцеговина (2-1), потоа Иран (1-0) и Нигерија (3-2) во групата, Швајцарија после продолженија во осминафиналето (1-0, гол на Ди Марија), и Белгија во четврт-финалето (1-0, со гол на Игуаин). Во полуфиналето albiceleste ја елиминирале Холандија после изведување на пенали 4-2 откако по продолженијата натпреварот завршил 0-0. Во двобоите од белата точка одлучувачки за Аргентина бил голманот Серхио Ромеро, кој ги неутрализирал обидите на Рон Влар и Весли Снајдер. Во финалето на мундијалот играно на Маракана во Рио де Жанеиро против Германија аргентинците по третпат се нашле во финален натпревар против истиот противник, после победата во 1986 и поразот во 1990. На крајот Германија излегла како победник на првенството, а одлучувачки бил единствениот гол на натпреварот кој го постигнал Марио Геце на седум минути од крајот на продолженијата.

Ерата на Мартино; Двете загубени финалиња на Копа Америка

Ерата на Бауса

На 1 август 2016 година, сојузот го назначува Едгардо Бауса на клупата на репрезентацијата.

Број на медали
Натпреварување				Вкупно
Светско првенство	2	3	0	5
Куп на конфедерации	1	2	0	3
Копа Америка	2	3	1	6
Првенство на Јужна Америка	12	10	3	25
Олимписки игри	0	1	0	1
Панамерикански игри	6	2	3	11
Вкупно	23	21	7	51

Настапи на Светските првенства

Светско првенство										Квалификации за Светско првенство
Домаќин/Година	Рунда	Поз.	ОН	П	Н	И	ДГ	ПГ		ОН	П	Н	И	ДГ	ПГ
1930	Финале	2.	5	4	0	1	18	9
1934	Прва рунда	9.	1	0	0	1	2	3
1938	Се повлекле									Се повлекле
1950
1954	Не учествувале									Не учествувале
1958	Групна фаза	13.	3	1	0	2	5	10		4	3	1	0	10	2
1962	Групна фаза	10.	3	1	1	1	2	3		2	2	0	0	11	3
1966	Четвртфинале	5.	4	2	1	1	4	2		4	3	1	0	9	2
1970	Не се квалификувале									4	1	1	2	4	6
1974	Втора рунда	8.	6	1	2	3	9	12		4	3	1	0	9	2
1978	Шампиони	1.	7	5	1	1	15	4		Се квалификувале како домаќини
1982	Втора рунда	11.	5	2	0	3	8	7		Се квалификувале како шампиони
1986	Шампиони	1.	7	6	1	0	14	5		6	4	1	1	12	6
1990	Финале	2.	7	2	3	2	5	4		Се квалификувале како шампиони
1994	Осминафинале	10.	4	2	0	2	8	6		8	4	2	2	9	10
1998	Четвртфинале	6.	5	3	1	1	10	4		16	8	6	2	23	13
2002	Групна фаза	18.	3	1	1	1	2	2		18	13	4	1	42	15
2006	Четвртфинале	6.	5	3	2	0	11	3		18	10	4	4	29	17
2010	Четвртфинале	5.	5	4	0	1	10	6		18	8	4	6	23	20
2014	Финале	2.	7	5	1	1	8	4		16	9	5	2	35	15
2018	Учествуваат во квалификациите									Квалификациите во тек
2022	Ќе учествуваат во квалификациите									Ќе учествуваат во квалификациите
Вкупно	2 Титули	16/20	77	42	14	21	131	84		118	68	29	21	216	111

Настапи на континенталните првенства на Јужна Америка

Јужноамериканско првенство
Домаќин/Година	Рунда	Поз.	ОН	П	Н	И	ДГ	ПГ	ГР	Ref.
1916	Вицешампиони	2.	3	1	2	0	7	2	+5
1917	Вицешампиони	2.	3	2	0	1	5	3	+2
1919	Трето место	3.	3	1	0	2	7	7	0
1920	Вицешампиони	2.	3	1	2	0	4	2	+2
1921	Шампиони	1.	3	3	0	0	5	0	+5
1922	Четврто место	4.	4	2	0	2	6	3	+3
1923	Вицешампиони	2.	3	2	0	1	6	6	0
1924	Вицешампиони	2.	3	1	2	0	2	0	+2
1925	Шампиони	1.	4	3	1	0	11	4	+7
1926	Вицешампиони	2.	4	2	1	1	14	3	+11
1927	Шампиони	1.	3	3	0	0	15	4	+11
1929	Шампиони	1.	3	3	0	0	9	1	+8
1935	Вицешампиони	2.	3	2	0	1	8	5	+3
1937	Шампиони	1.	6	5	0	1	14	5	+9
1939	Не учествувале
1941	Шампиони	1.	4	4	0	0	10	2	+8
1942	Вицешампиони	2.	6	4	1	1	21	6	+15
1945	Шампиони	1.	6	5	1	0	22	5	+17
1946	Шампиони	1.	5	5	0	0	17	3	+14
1947	Шампиони	1.	7	6	1	0	28	4	+24
1949	Не учествувале
1953	Не учествувале
1955	Шампиони	1.	5	4	1	0	18	6	+12
1956		3.	5	3	0	2	5	3	+2
1957	Шампиони	1.	6	5	0	1	25	6	+19
1959	Шампиони	1.	6	5	1	0	19	5	+14
1959	Вицешампиони	2.	4	2	1	1	9	9	0
1963	Трето место	3.	6	3	1	2	15	10	+5
1967	Вицешампиони	2.	5	4	0	1	12	3	+9
		26/29	113	81	15	17	314	107	+207
Копа Америка
1975	Групна фаза	5.	4	2	0	2	17	4	+13
1979	Групна фаза	8.	4	1	1	2	7	6	+1
1983	Групна фаза	6.	4	1	3	0	5	4	+1
1987	Полуфинале	4.	4	1	1	2	5	4	+1
1989	Трето место	3.	7	2	3	2	2	4	-2
1991	Шампиони	1.	7	6	1	0	16	6	+10
1993	Шампиони	1.	6	2	4	0	6	4	+2
1995	Четвртфинале	5.	4	2	1	1	8	6	+2
1997	Четвртфинале	6.	4	1	2	1	4	3	+1
1999	Четвртфинале	8.	4	2	0	2	6	6	0
2001	Не учествувале
2004	Финале	2.	6	4	1	1	16	6	+10
2007	Финале	2.	6	5	0	1	16	6	+10
2011	Четвртфинале	7.	4	1	3	0	5	2	+3
2015	Финале	2.	6	3	3	0	10	3	+7
2016	Финале	2.	6	5	1	0	18	2	+16
2019	Дополнително ќе биде одлучено
2023	Дополнително ќе биде одлучено
		13/14	70	33	23	14	123	64	+59
Вкупно		39/43	183	114	38	31	437	171	+266

Настапи на Купот на Конфедерации

Куп на Конфедерации
Година	Рунда	Позиција	ОН	П	Н*	П	ДГ	ПГ
1992	Шампиони	1.	2	2	0	0	7	1
1995	Финале	2.	3	1	1	1	5	3
1997	Не се квалификувале
1999
2001
2003
2005	Финале	2.	5	2	2	1	10	10
2009	Не се квалификувале
2013
2017	Дополнително ќе биде одлучено
2021
Вкупно	1 Титула	3/9	10	5	3	2	22	14

Настапи на Олимписките игри

Летни олимписки игри Година Рунда Позиција ОН П Н* И ДГ ПГ   1896 Немало фудбалски турнир   1900 Не учествувале   1904   1908   1912   1920   1924   1928 Сребрен медал 2. 5 3 1 1 25 7   1932 Немало фудбалски турнир   1936 Не учествувале   1948   1952   1956   1960 Четвртфинале 7. 3 2 0 1 6 4   1964 Групна фаза 10. 2 0 1 1 3 4   1968 Не се квалификувале   1972   1976   1980 Се квалификувале и се повлекле   1984 Не се квалификувале   1988 Четвртфинале 8. 4 1 1 2 4 5   1992 Не се квалификувале   1996 Сребрен медал 2. 6 3 2 1 13 6   2000 Не се квалификувале   2004 Златен медал 1. 6 6 0 0 17 0   2008 Златен медал 1. 6 6 0 0 11 2   2012 Не се квалификувале   2016 Групна фаза 11. 3 1 1 1 3 4   2020 TBD Вкупно 2 Златни медали 2 Сребрени медали 8/19 35 22 6 7 81 32

Настапи на Панамериканските игри Панамерикански игри Година Рунда Позиција ОН П Н* И ДГ ПГ   1951 Шампиони 1. 4 4 0 0 16 2   1955 Шамшпиони 1. 6 5 1 0 23 7   1959 Шампиони 1. 6 5 1 0 20 4   1963 Финале 2. 7 3 1 0 18 3   1967 Прва рунда 5. 3 1 1 1 7 3   1971 Шампиони 1. 5 4 1 0 7 2   1975 Трето место 3. 3 2 1 0 9 1   1979 Трето место 3. 4 2 2 0 3 0   1983 Прва рунда 5. 2 0 0 2 0 4   1987 Трето место 3. 4 3 0 1 11 3   1991 Не се квалификувале   1995 Шампиони 1. 6 5 1 0 10 4   1999 Не се квалификувале   2003 Шампиони 1. 5 5 0 0 10 5   2007 Прва рунда 9. 3 0 2 1 1 3   2011 Финале 2. 5 3 1 1 6 2   2015 Не учествувале   2019 TBD Вкупно 6 Титули 14/16 60 46 10 6 134 43

•   Светско првенство (2) : Аргентина 1978, Мексико 1986
• Копа Америка (14) : Аргентина 1921, Аргентина 1925, Перу 1927, Аргентина 1927, Аргентина 19371, Чиле 1941, Аргентина 1945, Аргентина 1946, Аргентина 1947, Аргентина 1955, Аргентина 1957, Аргентина 1959, Чиле 1991 и Еквадор 1993
• Куп на конфедерации (1) : Саудиска Арабија 1992

Моментален состав

Состав на Копа Америка 2019.

Бр. Поз. Играч Год. Настапи Голови Клуб 1 ГМ Франко Армани (1986-10-16)16 октомври 1986 (воз. 32) 5 0   Ривер Плејт 2 ОД Хуан Фојт (1998-01-12)12 јануари 1998 (воз. 21) 3 0   Тотенхем 3 ОД Николас Талјафико (1992-08-31)31 август 1992 (воз. 26) 14 0   Ајакс 4 ОД Ренцо Саравија (1993-06-16)16 јуни 1993 (воз. 25) 4 0   Расинг 5 СР Леандро Паредес (1994-06-29)29 јуни 1994 (воз. 24) 12 1   Париз Сен Жермен 6 ОД Херман Пецелја (1991-06-27)27 јуни 1991 (воз. 27) 7 1   Фјорентина 7 СР Роберто Переира (1991-01-07)7 јануари 1991 (воз. 28) 16 2   Вотфорд 8 СР Маркос Акуња (1991-10-28)28 октомври 1991 (воз. 27) 18 0   Спортинг Лисабон 9 НП Серхио Агуеро (1988-06-02)2 јуни 1988 (воз. 31) 90 39   Манчестер Сити 10 НП Лионел Меси   (1987-06-24)24 јуни 1987 (воз. 31) 130 67   Барселона 11 СР Анхел Ди Марија (1988-02-14)14 февруари 1988 (воз. 31) 97 20   Париз Сен Жермен 12 ГМ Агустин Марчесин (1988-03-16)16 март 1988 (воз. 31) 4 0   Америка 13 ОД Рамиро Фунес Мори (1991-03-05)5 март 1991 (воз. 28) 25 2   Вилјареал 14 ОД Милтон Каско (1988-04-11)11 април 1988 (воз. 31) 2 0   Ривер Плејт 15 СР Гвидо Писаро (1990-02-26)26 февруари 1990 (воз. 29) 2 0   Тигрес 16 СР Родриго Де Паул (1994-05-24)24 мај 1994 (воз. 25) 5 0   Удинезе 17 ОД Николас Отаменди (1988-02-12)12 февруари 1988 (воз. 31) 60 4   Манчестер Сити 18 СР Гвидо Родригес (1994-04-12)12 април 1994 (воз. 25) 3 0   Америка 19 НП Матијас Суарес (1988-05-09)9 мај 1988 (воз. 31) 3 0   Ривер Плејт 20 СР Џовани Ло Селсо (1996-04-09)9 април 1996 (воз. 23) 13 1   Бетис 21 НП Пауло Дибала (1993-11-15)15 ноември 1993 (воз. 25) 20 1   Јувентус 22 НП Лаутаро Мартинес (1997-08-22)22 август 1997 (воз. 21) 7 4   Интер 23 ГМ Хуан Мусо (1994-05-06)6 мај 1994 (воз. 25) 1 0   Удинезе

Статистика на играчите

Последна промена 12 ноември 2016.

Список на играчи со најмногу настапи

•  
  Лионел Меси
•  
  Хавиер Санети
•  
  Хавиер Маскерано
•  
  Диего Симеоне
•  
  Диего Марадона
•  
  Роберто Ајала

Список на играчи со најмногу постигнати голови

•  
  Габриел Батистута
•  
  Гонсало Игуаин
•  
  Ернан Креспо
•  
  Луис Артиме
•  
  Серхио Агуеро

Од 1924¹:

Период Селектори 1924-1925   Анхел Васкес 1926-1927   Хорхе Валдерама 1927-1928   Хосе Лаго Милан 1928-1929   Франсиско Оласар 1929-1930   Франсиско Оласар &   Хуан Хосе Трамутола 1934   Фелипе Пашучи 1934-1937   Мауел Сеоане 1937-39   Анхел Фернандес Рока 1939-1960   Гилермо Стабиле 1960-1961   Викторио Спинето 1962-1963   Хуан Карлос Лоренцо

Период Селектор 1963   Алехандро Галан 1963-1964   Хорасио Торес 1964-1968   Хосе Марија Минела 1968   Ренато Чезарини 1968-1969   Умберто Маскио 1969   Адолфо Педернера 1969-1972   Хуан Хосе Пицути 1972-1974   Омар Сивори 1974   Владислао Кап 1974-1983   Сесар Луис Меноти 1983-1990   Карлос Билардо 1990-1994   Алфио Басиле

Период Селектор 1994-1998   Даниел Пасарела 1998-2004   Марсело Биелса 2004-2006   Хосе Пекерман 2006-2008   Алфио Басиле 2008-2010   Диего Марадона 2010-2011   Серхио Батиста 2011–2014   Алехандро Сабелја 2014-2016   Херардо Мартино 2016-   Едгардо Бауса

Напомена:

• ¹ Моментално не се внесени информации околу тоа кој бил селектор во периодот 1901-1924 и 1930-1935 (освен Пашучи, кој бил селектор од 27 мај 1934).

• Гилермо Стабиле
  Гилермо Стабиле
•  
  Омар Сивори
•  
  Алехандро Сабелја
•  
  Херардо Мартино
•  
  Едгардо Бауса

Домашни

1901–1910

1911–1974

1975

1978

1986

1990

1994

1998

1999

фinco         2002

фinco           2006

2008

2010

2011

2014

2015

Гостински

1919	1958	1978	1982	1986	1994	1998	фinco         2002	2004	2006
2008	2010	2011	2014

• Аргентина на официјалната страна на ФИФА Архивирано на 3 јуни 2007 г.
• Официјална страна на фудбалскиот сојуз на Аргентина

 

Статијата „Фудбалска репрезентација на Аргентина“ е избрана статија. Ве повикуваме и Вас да напишете и предложите избрана статија (останати избрани статии).