Тигрињски Јазик: семитски јазик во Африка

Јазикот е мајчин јазик на народот Тигрињци, кои живеат во Етиопија и Еритреја. Во Еритреја тигриња е најголемиот јазик во државата, а воедно и службен јазик на Еритреја. Во Етиопија јазикот се зборува во Тиграјскиот регион.

Тигрињски јазик
ትግርኛ tigriññā
Изговор	/tɨɡrɨɲa/
Застапен во	Еритреја, Етиопија
Подрачје	Еритреја, Етиопија
Народ	Тигрињци
Говорници	9 милиони  (2011–2012)
Јазично семејство	афроазиско семитски јужни етиопски северни гиз тигрињски јазик
Писмо	етиопско писмо
Статус
Службен во	Еритреја
Признаен како малцински во	Етиопија
Јазични кодови
ISO 639-1	ti
ISO 639-2	tir
ISO 639-3	tir
Белешка: Оваа статија содржи МФА-фонетски знаци во Уникод.

Нема сеопфатно име за луѓето кои збориваат тигриња (односно сеопфатно месно име). Во Етиопија се користи следната номенклатура: tigrāwāy (за маж), tigrāweytī (за жена), tigrāwōt или tegaru (множина). Во Еритреја службено народот е познат како Bihére-Tigrigna („нација Тигриња“).

Тигриња е најголемиот јазик во Еритреја, и четврт најголем јазик во Етиопија. Јазикот го зборуваат и припадниците на тигрињската емиграција во Судан, Саудиска Арабија, Израел, Германија, Италија, Шведска, САД, Австралија и Канада.

Дијалектите на тигриња се разликуваат еден од друг на лексичко, фонолошко и граматичко ниво. Се смета дека ниту еден дијалект не е земен како стандардна форма на тигриња.

Јазикот се пишува со етиопското писмо. Ова писмо првично се развило за потребите на јазикот гиз. Ова писмо е абугида, каде секој карактер има согласка и самогласка. Карактерите се подредуваат во зависност од комбинацијата.