Ur yezh semitek eus is-skourr yezhoù etiopek an norzh eo an tigrigneg (ትግርኛ təgrəña) komzet e Tigray en Eritrea dreist-holl met ivez en Etiopia hag en Israel.
Tigrigneg (ትግርኛ) | |
---|---|
Perzhioù | |
Komzet e : | Eritrea, Etiopia, Israel |
Rannved : | Tigray (Etiopia) |
Komzet gant : | 6,75 milion |
Renkadur : | goude 100 |
Familh-yezh : | Yezhoù afrez-aziatek Yezhoù semitek |
Statud ofisiel | |
Yezh ofisiel e : | |
Akademiezh : | hini ebet |
Kodoù ar yezh | |
ISO 639-1 | ti |
ISO 639-2 | tir |
ISO 639-3 | |
Kod SIL | tir |
Sellit ivez ouzh ar pennad Yezh. |
Daoust ha m'ez eo unan eus yezhoù pennañ Eritrea n'eo ket ur yezh ofisiel eno rak n'he deus ar vro-se yezh ofisiel ebet. Ur yezh ofisiel eo neoazh e ranndir Tigray en Etiopia. Komzet e vez ivez gant yuzevion (Beta Israel) eus an takadoù-yezh-se aet da chom da Israel.
Daoust d'an diforc'hioù a rannyezh da rannyezh e pep keñver (distagadur, geriadur ha yezhadur) e teu an dud a-benn d'en em glevet hep kalz a boan ha betek hen n'he deus talvezet rannyezh resis ebet da yezh unvan.
Evel an darn vrasañ eus ar yezhoù etiopek e vez kavet en tigrigneg ar c'hensonennoù strakal. Diouzh an tu all, avat, e ra c'hoazh an tigrigneg gant an div gensonenn farinjek distaget er c'hourlañchenn a veze kaver sañset er geuzeg met kollet gant an darn vrasañ eus ar yezhoù etiopek all nemet an tigreeg ha neuze e c'heller ober an diforc'h diouzhtu dre gomz etre ar yezhoù-mañ ha yezhoù kar all evel an amhareg.
Skrivet e vez an tigrigneg gant ar skritur etiopek bet diorroet er penn-kentañ evit skrivañ ar geuzeg.
Porched ar yezhoù hag ar skriturioù Adkavit pennadoù Wikipedia a denn d'ar yezhoù. |
This article uses material from the Wikipedia Brezhoneg article Tigrigneg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.