Во биологијата, раст претставува квантитативно зголемување на телесната жива маса на организмот во целина.
Сите организми растат, благодарение на делбата на клетките, со што се зголемува нивниот број и големина, а како последица на тоа расте телото на организмот. Растењето е неповратна појава. Тешко можат да се издвојат процесите на развитокот од оние на растењето. Додека развитокот го сочинуваат многубројни промени што доведуваат до квалитативни измени (созревање, размножување, стареење и смрт), во процесите на растењето се одвиваат квантитативни промени на организмот, т.е. се зголемува масата. Развитокот секогаш е проследен со растење, а растењето може да се одвива без развиток. Во основа, кај организмите постојат два типа на растење: неограничено (неопределено) и ограничено (определено). Кај првиот тип растењето продолжува со намален интензитет и по завршениот развиток, додека кај вториот, ненадејно престанува, како што е случај со членконогите. Ритмиката на растењето зависи од наследните и од некои внатрешни фактори - хормоните на хипофизата, тироидеата и половите жлезди, како и од надворешните услови - храната, светлината, топлината, влагата и др. Растењето зависи и од степенот на диференцијацијата на клетките, ткивата и органите на организмот.
This article uses material from the Wikipedia Македонски article Раст, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.