Отворено Тениско Првенство На Австралија

Тој е првиот од четирите Гренд Слем тениски турнири во годината. За првпат се одржува во 1905 година. Како и другите три Гренд Слеми, на него учествувале најдобро рангираните аматерски тениски играчи, а самиот турнир го носел името Првенство на Австралија сè до појавата на отворените првенства во 1968 година. Најпрво натпреварите се играле на трева, но поради опасноста од тоа турнирот да падне во заборав, тој е преместен во Мелбурн парк на нови терени и оттогаш се игра на тврда подлога. Матс Виландер е единствениот тениски играч што го има освоено Австралијан Опен и на трева и на тврда подлога.

Австралијан Опен Australian Open
Австралијан Опен 2012
Гренд Слем
Локација	Мелбурн, Викторија Австралија
Место	Мелбурн Парк
Подлога	тврда / отворено
Учесници (мажи)	128 п / 128 кв. / 64 дв.
Учесници (жени)	128 п / 96 кв. / 64 дв.
Награда	26.000.000 A$ (2012)
Официјално мрежно место
Гренд Слем Турнири
Австралијан Опен Ролан Гарос Вимблдон УС Опен

Од 1977 до 1985 година Австралијан Опен се одржува во декември, пред преместувањето во јануари во 1987. Во 1986, токму поради промената на календарскиот распоред, турнирот не се одржува.

Двата главни терени, Род Лејвер и Водафон Арената, се необични поради тоа што поседуваат движечки покриви со кои тие можат да се покријат во случај на преголема жештина или дожд. Засега, тој е единствениот Гренд Слем кој може да се игра на затворено. Сепак, моментално се гради покрив од овој тип и на централниот терен на Вимблдон и истиот треба да биде завршен најдоцна до 2009 година.

Бидејќи се одвива во летниот период, Отвореното Тениско Првенство на Австралија е познато по своите озлогласени жешки денови - многу често влагата и температурите достигнуваат екстремни вредности поради што организаторите често се приморани да применат своја политика во однос на распоредот и начинот на одигрувањето на мечевите.

• Официјално мрежно место
• Мрежно место Tennis Australia Архивирано на 28 август 2008 г.
• Сателитска слика на околината (Google Maps)