Крстец: село во Општина Прилеп

 

Селото Крстец се наоѓа на планината Бабуна, оддалечено 13 километри североисточно од градот Прилеп.

Црквата „Свети Никола“ е од 1881 година.

Во XIX век селото е дел од Прилепската каза на Отоманското Царство.

Според статистиката на Васил К’нчов („Македонија, Етнографија и статистика“) од 1900 година, во Крстец живееле 300 жители, сите Македонци. Според егзархискиот секретар Димитар Мишев, („La Macédoine et sa Population Chrétienne“) во 1905 година во Крстец имало 176 Македонци, под врховенството на Бугарската егзархија.

На Етнографската карта на Битолскиот Вилает од 1901 г. Крстец се води како чисто македонско село во Прилепската каза на Битолскиот санџак со 22 куќи.

Според германска карта издадена во 1941 година, а заснована на пописот на Кралството Југославија од 1931 година, селото имало 200 Македонци.

Според пописот на населението во 2002 година, во селото имало само 1 жител, Македонец.

Според последниот попис од 2021 година, во селото немало жители.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.; за 1905 г.: La Macédoine et sa Population Chrétienne.; за 1948-2002 г.: Државен завод за статистика на РМ.; за 2021 г.: Државен завод за статистика на РМ.

Родови

Крстец е македонско село.

Според истражувањата од 1954, родови во селото:

• Староседелци: Петревци (9 к.) и Кочовци (3 к.)
• Доселени со непознато потекло: Зердевци (3 к.) и Валчевци (2 к.), некогаш биле еден род; Колевци (5 к.) и Ристевци (4 к.), и они некогаш биле еден род.

Цркви

• Црква „Св. Никола“ од 1881 г.

Постари иселеници има во Тиквеш.

пет семејства од Кочовци се иселени во Прилеп. И до 1954 година од селото се иселиле 20 семејства во Прилеп.